ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတရဲ့ နှစ်သစ်ကူးလွတ်ငြိမ်းချမ်းသာခွင့်မှာ အင်းစိန်အကျဉ်းထောင်မှ အကျဉ်းသား ၊အကျဉ်း သူ(၆၇၀)ကျော်လည်း ပါဝင်ခဲ့ပါတယ်။ နိုင်ငံတော်သမ္မတရဲ့ အမိန့်နဲ့ မနေ့က နှစ်ဆန်းတစ်ရက်နေ့မှာ တစ်နိုင်ငံလုံးက အကျဉ်းထောင်တွေမှာ ပြစ်ဒဏ်ကျခံနေရသူတွေထဲက အကျဉ်းသား၊အကျဉ်းသူ (၉၅၀၀)ကျော်လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာခဲ့ပြီး ဒီထဲမှာ အင်းစိန်အကျဉ်းထောင်က အကျဉ်းသား၊ အကျဉ်းသူ (၆၇၇)ဦး လည်းပါဝင်ခဲ့ပါတယ်။မူးယစ်ဆေးဝါးမှုနဲ့ အရေးယူခံခဲ့ရသူတွေအများစုပါဝင်လာခဲ့ပြီး တပ်မတော် အက်ဥပဒေ အပါအ၀င် အခြားအမှုတွေနဲ့အရေးယူခံရသူတွေပါဝင်ခဲ့ပါတယ်။အင်းစိန်အကျဉ်းထောင်မှ ပြန်လည်လွတ်မြောက်လာ သူတွေထဲမှာ အကျဉ်းသားက (၆၂၅)ဦး၊ အကျဉ်းသူက(၅၀)ဦး နဲ့ နိုင်ငံခြားသားအကျဉ်းသား(၂)ဦးပါဝင်တာဖြစ်ပါတယ်။

 အင်းစိန်အကျဉ်းထောင်နဲ့အတူ မန္တလေးအကျဉ်းထောင်ကနေ အကျဉ်းသား အကျဉ်းသူ(၄၀၀၀) ကျော် ၊မွန်ပြည်နယ် အကျဉ်းထောင်ကနေ (၁၀၀၀)ကျော် ၊မိုးညှင်းအကျဉ်းထောင်က (၅၀၀)ကျော် ၊စစ်တွေ အကျဉ်းထောင်က အကျဉ်းသား/အကျဉ်းသူ (၂၀၀)လည်းပါဝင်ခဲ့ပါတယ်။နိုင်ငံတော်သမ္မတရဲ့ နှစ်သစ်ကူးလွတ်ငြိမ်းချမ်းသာခွင့်မှာတော့ မနှစ်ထက်ထူးခြားတာက လွှတ်သင့် လွှတ်ထိ်ုက် သူများကို စနစ်တကျ စိစစ်ဆောင်ရွက်ပြီး ဆက်လက်ဆောင်ရွက်သွားမယ်ဆိုတာလည်း ပါဝင်လာခဲ့ပါတယ်။နိုင်ငံတော်သမ္မတဦးဝင်းမြင့်ဟာ ၂၀၁၈ မတ်လ(၂၁)ရက်မှာ သမ္မတဖြစ်လာပြီးနောက် ပြီးခဲ့တဲ့နှစ် ဧပြီလ(၁၇)ရက် မြန်မာ့နှစ်သစ်ကူးမှာ သမ္မတသစ်ရဲ့ ပထမဆုံးအကြိမ်အဖြစ် နိုင်ငံရေးအကျဉ်းသား (၃၆)ဦး အပါအ၀င် မူးယစ်ပုဒ်မတွေနဲ့ အကျဉ်းကျနေသူအများစုပါဝင်တဲ့ အကျဉ်းသားစုစုပေါင်း (၈၅၄၁)ဦးကို လွတ်ငြိမ်းချမ်းသာခွင့်ပေးခဲ့ပါတယ်။


 

Related News