ရန်ကုန်မြို့အတွင်းမှာရှိတဲ့ သင်္ကြန်မဏ္ဍပ်တွေရဲ့ ကြံ့ခိုင်မှုအပိုင်းကို ရန်ကုန်မြို့တော်စည်ပင် သာယာရေးကော်မတီ အင်ဂျင်နီယာဌာန ၊အဆောက်အအုံက  ဒီကနေ့ ဧပြီလ (၁၂)ရက်က လှည့်လည်စစ်ဆေးခဲ့ပါတယ်။ရန်ကုန်မြို့တော် စည်ပင်သာယာရေးကော်မတီ အင်ဂျင်နီယာဌာန ၊အဆောက်အအုံက ရန်ကုန်မြို့အတွင်းမှာဆောက်လုပ်ထားတဲ့ မဏ္ဍပ်ကြီးတွေကို မဏ္ဍပ်ကြံ့ခိုင်မှုရှိ/ မရှိ လိုက်လံ စစ်ဆေးခဲ့တာဖြစ်ပါတယ်။သင်္ကြန်မဏ္ဍပ်တွေကို သစ်သား၊သံဖရိန်တွေနဲ့ ဆောက်လုပ်ခွင့်ပြုထားတာဖြစ်ပြီး မဏ္ဍပ်အရွယ်အစား၊သတ်မှတ်ထားတဲ့တိုင်လုံး အရွယ်အစားရှိ/ မရှိနဲ့တိုင်လုံးနဲ့ ယက်မတွေရဲ့ ကြံ့ခိုင်မှုကို အဓိကထားပြီးစစ်ဆေးတာဖြစ်တယ်လို့သိရပါတယ်။

သင်္ကြန်မဏ္ဍပ်တွေရဲ့ ကြံ့ခိုင်မှုတွေအပြင် ရေကစားသူတွေ အန္တရာယ်မဖြစ်စေဖို့အတွက် လျှပ်စစ်ဝါယာကြိုးတွေနဲ့ မဏ္ဍပ်လွတ်ကင်းမှုရှိ/ မရှိ ၊ ဆက်သွယ်ရေးကြိုးတွေနဲ့ လွတ်ကင်းမှု ရှိ/မရှိ စစ်ဆေးမှုတွေအပါအ၀င် ရေကစားသူတွေကို လျှပ်စစ်အန္တရာယ်မဖြစ်ပွားစေဖို့အတွက်လည်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းနဲ့ ပူးပေါင်းဆောင်ရွက်သွားမှာဖြစ်ပါတယ်။မရမ်ကုန်းမြို့နယ်မှာရှိတဲ့ သင်္ကြန်မဏ္ဍပ်တာဝန်ခံတွေကလည်း အခုလို သင်္ကြန်မကျခင်အချိန်မှာမဏ္ဍပ်တွေကိုလိုက်လံစစ်ဆေးပေးတဲ့အတွက်

ရေကစားသူတွေအတွက်တော့ အဆင်ပြေနိုင်တယ်လို့သိရပါတယ်။ဒီကနေ့ ရန်ကုန်မြို့အတွင်းရှိ သင်္ကြန်မဏ္ဍပ်တွေရဲ့ကြံ့ခိုင်မှုတွေကို လိုက်လံစစ်ဆေးရာမှာ ရန်ကုန်မြို့တော်စည်ပင်သာယာရေးကော်မတီမှ တာဝန်ရှိသူတွေ၊ရန်ကုန်တိုင်းဒေသကြီး ရဲတပ်ဖွဲ့အပါအ၀င် သက်ဆိုင်ရာ လုံခြုံရေးအဖွဲ့အစည်းတွေက လိုက်လံစစ်ဆေးခဲ့တာဖြစ်ပါတယ်။

 

 

Related News