တပ်မတော်မှ တိုင်းရင်းသားလက်နက်ကိုင်အဖွဲ့များနှင့် အပစ်ရပ်စဲထားရှိမှုအခြေအနေများနှင့် ငြိမ်းချမ်းရေးဆောင်ရွက် ချက်များ ရခိုင်ပြည်နယ်အတွင်း တည်ငြိမ်အေးချမ်းရေးဆောင်ရွက်ချက်များနှင့်စပ်လျဉ်းပြီး တပ်မတော်က သတင်းစာ ရှင်းလင်းပွဲကို မတ်လ(၂၅)ရက်က နေပြည်တော်မှာရှိတဲ့ တပ်မတော်စစ်သမိုင်းပြတိုက်မှာပြုလုပ်ခဲ့ပါတယ်။သတင်းစာရှင်းလင်းပွဲကို တပ်မတော်သတင်းမှန် ပြန်ကြားရေးအဖွဲ့ဥက္ကဋ္ဌဗိုလ်ချုပ်စိုးနိုင်ဦး၊ ဒုတိယဥက္ကဋ္ဌ ဗိုလ်ချုပ်ထွန်းထွန်းညီနဲ့ အတွင်းရေးမှူး ဗိုလ်မှူးချုပ် ဇော်မင်းထွန်းတို့ တက်ရောက်ရှင်းလင်းခဲ့ကြတာပါ။

ရှင်းလင်းပွဲမှာ တပ်မတော်သတင်းမှန် ပြန်ကြားရေးအဖွဲ့ဥက္ကဋ္ဌ ဗိုလ်ချုပ်စိုးနိုင်ဦးက အပစ်ရပ်ထားတဲ့ တိုင်းစစ်ဌာနချုပ်နယ်မြေ(၅)ခုမှာရှိတဲ့ တိုင်းရင်းသားလက်နက် ကိုင် အဖွဲ့အစည်းတွေရဲ့ ဖေဖော်ဝါရီလ(၂၃)ရက်မှ မတ်လ(၂၃)ရက်အတွင်း လှုပ်ရှားဆောင်ရွက်မှုတွေကို ရှင်းလင်းပြောကြား ခဲ့ပါတယ်။အဲ့ဒီနောက်တပ်မတော်သတင်းမှန် ပြန်ကြားရေးအဖွဲ့ဒုတိယ ဥက္ကဋ္ဌဖြစ်တဲ့ ဗိုလ်ချုပ်ထွန်းထွန်းညီက ရခိုင်ပြည်နယ်အတွင်း (AA)အကြမ်းဖက်သောင်းကျန်းသူများနဲ့ ဖြစ်ပွားခဲ့တဲ့ ဖြစ်စဉ်တွေကို ရှင်းလင်းပြောကြားခဲ့ပါတယ်။အဲ့ဒီထဲမှာ(၂၀၁၅) ခုနှစ်က စတင်ပြီး နှစ်အလိုက်ဖြစ်ပွားခဲ့တဲ့ တိုက်ပွဲအခြေအနေတွေ ရှင်းလင်းခဲ့ပြီး၊ ယခုနှစ်၂၀၁၉ ဇန်န၀ါရီလ(၁)ရက်မှ မတ်လ(၂၄)ရက် အထိ ထိတွေ့မှု(၉၇)ကြိမ်၊ မိုင်းဖြစ်စဉ် (၃၉)ကြိမ်ရှိခဲ့တယ်လို့ သိရပါတယ်။

ရှင်းလင်းတင်ပြမှုတွေအပြီးနောက်မှာတော့ တက်ရောက်လာတဲ့ သတင်းမီဒီယာတွေရဲ့ မေးမြန်းမှုတွေကို ပြန်လည်ဖြေကြား ခဲ့ပါတယ်။တပ်မတော်အနေနဲ့ တိုင်းရင်းသားလက်နက်ကိုင်အဖွဲ့များနှင့် အပစ်ရပ်စဲထားရှိမှုအခြေအနေများနှင့် ငြိမ်းချမ်းရေးဆောင်ရွက် ချက်များ ရခိုင်ပြည်နယ်အတွင်း တည်ငြိမ်အေးချမ်းရေး ဆောင်ရွက်ချက်များနှင့် စပ်လျဉ်းပြီးပြုလုပ်ခဲ့တဲ့ ယခုသတင်းစာရှင်း လင်းပွဲဟာ သုံးကြိမ်မြောက်ပြုလုပ်ခဲ့တဲ့ သတင်းစာရှင်းလင်းပွဲဖြစ်ပြီး ပထမအကြိမ် သတင်းစာရှင်းလင်းပွဲကို နေပြည်တော်မှာ လည်းကောင်း၊ ဒုတိယအကြိမ် သတင်းစာရှင်းလင်းပွဲကို ရန်ကုန်မြို့မှာလည်းကောင်းပြုလုပ်ခဲ့တယ်လို့ သိရပါတယ်။

 

 

Related News