အနုပညာအထက်တန်းကျောင်း(ရန်ကုန်)သင်တန်းဆင်းအောင်လက်မှတ်အပ်နှင်းပွဲ၊ ပန်းချီပန်းပုလက်ရာမွန်ပြပွဲနှင့် စွမ်းရည်ပြတင်ဆက် ကပြပွဲကို မတ်လ(၂၄)ရက်က ရန်ကုန်မြို့အမျိုးသားဇာတ်ရုံ (ရန်ကုန်)မှာပြုလုပ်ခဲ့တာဖြစ်ပါတယ်။  သာသနာရေးနှင့်ယဉ်ကျေးမှုဝန်ကြီးဌာန အနုပညာဦးစီးဌာန၊ အနုပညာအထက်တန်းကျောင်း(ရန်ကုန်)ရဲ့ ၂၀၁၈-၂၀၁၉ ပညာသင်နှစ် သင်တန်းဆင်းအောင်လက်မှတ်အပ်နှင်းပွဲအခမ်းအနားမှာ သာသနာရေးနှင့်ယဉ်ကျေးမှုဝန်ကြီးဌာန၊ ဒုတိယ၀န်ကြီးက သင်တန်းဆင်း အမှာစကားပြောကြားခဲ့ပါတယ်။ အခမ်းအနားမှာ ပန်းချီပန်းပုဌာနမှ ပန်းချီပန်းပုသင်တန်းဆင်းကြတဲ့ ကျောင်းသား၊ ကျောင်းသူ (၁၅)ဦး ၊ ပန်တျာဌာနမှပန်တျာသင်တန်းဆင်းကြတဲ့ ကျောင်းသား၊ ကျောင်းသူ(၂၆)ဦးတို့ကို သင်တန်းဆင်း အောင်လက်မှတ်နဲ့ ဆုများပေးအပ် ချီးမြှင့်ခဲ့ပါတယ်။

အဲ့ဒီနောက်မှာတော့ အနုပညာအထက်တန်းကျောင်း (ရန်ကုန်) ပန်တျာဌာန ပဒေသာကပွဲနှင့် ဇာတ်တော်ကြီးဖျော်ဖြေ တင်ဆက်မှု အစီအစဉ်တွေကို ကပြဖျော်ဖြေခဲ့ကြပါတယ်။အနုပညာအထက်တန်းကျောင်း(ရန်ကုန်)ကို (၁၉၅၂)ခုနှစ်က စတင်တည်ထောင်ခဲ့တာဖြစ်ပြီး အနုပညာ ဘာသာရပ်တွေ အနေနဲ့ ပန်တျာအနုပညာဘာသာရပ်ဖြစ်တဲ့  အမျိုးသမီးအကသင်တန်း၊ အမျိုးသားအကသင်တန်း၊ စန္ဒရားသင်တန်း၊ စောင်းသင်တန်း၊ ပတ္တလားသင်တန်း၊ ဆိုင်းသင်တန်း၊ နှဲသင်တန်း၊ ကဗျာသင်္ကေတ စတဲ့သင်တန်းတွေကို ပို့ချသင်ကြား ပေးနေတာဖြစ်ပြီး ပန်းချီပန်းပု ဘာသာရပ်တွေကိုလည်း သင်ကြားပေးနေတာဖြစ်တယ်လို့သိရပါတယ်။

အနုပညာ အထက်တန်းကျောင်း(ရန်ကုန်)မှာ ၀ိဇ္ဇာဘာသာတွဲ သီးသန့်တက်ရောက်နိုင်တာဖြစ်ပြီး သတ္တမတန်းအောင် လက်မှတ်ရရှိသူတိုင်းတက်ရောက်နိုင်တယ်လို့ သိရပါတယ်။သင်တန်းဆင်းအောင်လက်မှတ်အပ်နှင်းပွဲအခမ်းအနားမှာ ပဒေသာကပွဲနှင့်ဇာတ်တော်ကြီးဖျော်ဖြေတင်ဆက်မှုတွေအပြင် ကျောင်းသား၊ ကျောင်းသူတွေရဲ့ ပန်းချီပန်းပုလက်ရာမွန်တွေကိုလည်း ပြသခဲ့ပါတယ်။  အနုပညာအထက်တန်းကျောင်း(ရန်ကုန်)သင်တန်းဆင်း အောင်လက်မှတ်အပ်နှင်းပွဲ၊ ပန်းချီပန်းပုလက်ရာမွန်ပြပွဲနှင့် စွမ်းရည်ပြတင်ဆက်ကပြပွဲကို နှစ်စဉ်မတ်လမှာကျင်းပပြုလုပ်လေ့ရှိပြီး မျိုးဆက်သစ်အနုပညာရှင်များပေါ်ထွန်းရေး၊ အနုပညာထိန်းသိမ်းရေး၊ ပျံ့ပွားရေးစတဲ့ ရည်ရွယ်ချက်တွေနဲ့ကျောင်းကို တည်ထောင် ထားတာဖြစ်တယ်လို့ သိရပါတယ်။

 

 

Related News