နာမကျန်းဖြစ်နေတဲ့ရုပ်ရှင်၊ ဂီတ၊ အနုပညာရှင်အချို့ကိုထောက်ပံ့ငွေပေးအပ်ပွဲအခမ်းအနားကိုမတ်လ(၁၆)ရက်ကမြန်မာနိုင်ငံ ရုပ်ရှင်အစည်းအရုံးမှာ ပြုလုပ်ခဲ့ပါတယ်။စွယ်စုံရအနုပညာရှင်ဖြစ်တဲ့စည်သူဗိုလ်ကလေးတင့်အောင်ရဲ့အတ္ထုပတ္တိကိုရေးသားခဲ့တဲ့စာရေးဆရာမောင်ဆွေသက်ဟာ ထွန်းဖောင်ဒေးရှင်းကပေးအပ်ခဲ့တဲ့အတ္ထုပတ္တိစာအုပ်ဆုကိုရရှိခဲ့တာကြောင့် အဆိုပါဆုမှရရှိတဲ့ ဆုငွေတွေကို နာမကျန်းဖြစ်နေတဲ့ အနုပညာသမားတွေကိုစာရေးဆရာမောင်ဆွေသက် ကထောက်ပံ့ပေးအပ်ခဲ့တာဖြစ်ပါတယ်။

ရရှိတဲ့ဆုငွေကျပ်(၁၅)သိန်းထဲမှ ငွေကျပ်(၉)သိန်းကို နာမကျန်းဖြစ်နေတဲ့ အနုပညာသမားတွေဆီထောက်ပံ့ပေးအပ်လှူဒါန်းခဲ့တာဖြစ်ပြီး ကျန်တဲ့ငွေကျပ်(၆)သိန်းကိုတော့စည်သူဗိုလ်ကလေးတင့်အောင်ကိုပေးအပ်ခဲ့တာဖြစ်ပါတယ်။

စည်သူဗိုလ်ကလေးတင့်အောင်ကလည်းမိမိကိုပေးအပ်ခဲ့တဲ့ငွေကျပ်(၆)သိန်းကို နာမကျန်းဖြစ်နေတဲ့ အနုပညာသမားတွေကို ထပ်မံလှူဒါန်းခဲ့တာဖြစ်သလို ကမ္ဘာ့ရတနာဘဏ်နဲ့ မင်္ဂလာရုပ်ရှင်ရုံပိုင်ရှင်တို့ကလည်း ငွေကျပ်(၉)သိန်းစီနာမကျန်းဖြစ်နေတဲ့ အနုပညာသမားတွေကိုလှူဒါန်းခဲ့တယ်လို့သိရပါတယ်။

ဒီလိုနာမကျန်းဖြစ်နေတဲ့ အနုပညာသမားတွေကိုအလှူငွေထောက်ပံ့မှုမှာ မြန်မာနိုင်ငံစာရေးဆရာအသင်းမှ(၆)ဦး၊မြန်မာနိုင်ငံရုပ်ရှင်အစည်းအရုံးမှ(၆)ဦးနဲ့မြန်မာနိုင်ငံဂီတအစည်းအရုံးမှ(၆)ဦး၊ စုစုပေါင်း(၁၈)ဦးကို ထောက်ပံ့လှူဒါန်းခဲ့တာဖြစ်တယ်လို့သိရပါတယ်။

 

 

Related News