မြန်မာနိုင်ငံဆရာဝန်အသင်း ဆီးနှင့်ကျောက်ကပ်ဆေးပညာရှင်အဖွဲ့ကဦးစီးပြီး မတ်လ(၁၄)ရက်မှာ ကျရောက်ခဲ့တဲ့“ကမ္ဘာ့ကျောက်ကပ်ရောဂါနေ့”အထိမ်းအမှတ်အဖြစ် လူထုကျန်းမာရေးဟောပြောပွဲနှင့်ကျန်းမာရေးစစ်ဆေးပေး ခြင်းကို  မတ်လ(၁၇)ရက်က ရန်ကုန်မြို့ ကုတင်(၅၀၀)ဆံ့အထူးကုဆေးရုံကြီးမှာ ပြုလုပ်ပေးခဲ့ပါတယ်။

(၂၀၁၉)ခုနှစ် ကမ္ဘာ့ကျောက်ကပ်နေ့ ဆောင်ပုဒ်မှာ“နေရာတိုင်း၊လူတိုင်း အတွက်အရေးပေးကျောက်ကပ်ကျန်းမာရေး “ဖြစ်ပြီး လူတိုင်းကျောက်ကပ်ရောဂါမဖြစ်ပွားအောင်ပြုမူနေထိုင်ဖို့ နဲ့  ကျောက်ကပ်ရောဂါ ဖြစ်ပွားလာပါက စောစီးစွာကုသနိုင်ဖို့  အစရှိတဲ့ ကျန်းမာရေးဗဟုသုတတွေကို ပြည်သူတွေသိရှိစေဖို့ အတွက်ရည်ရွယ်ပြီးပြုလုပ်ခဲ့တာဖြစ်ပါတယ်။

ဟောပြောပွဲမှာတော့ နာတာရှည်ကျောက်ကပ်ပျက်စီးခြင်း နဲ့ ရုတ်တရက်ကျောက်ကပ်ပျက်စီး ခြင်းတွေကြောင့်အသက်သေဆုံးသည်အထိဖြစ်ပွားနိုင်တဲ့ အကြောင်းအရာတွေ၊သွေးတိုးရောဂါ၊ ဆီးချိုရောဂါ၊ကျောင်ကပ်ရောင်ရောဂါ၊ကျောက်ကပ်မှာကျောက်တည်ခြင်းအစရှိတဲ့ ရောဂါ တွေကလည်း ကျောက်ကပ်ရောဂါ ကိုဖြစ်စေနိုင်တဲ့ အကြောင်းအရာတွေဖြစ်ကြောင်းဟောပြောပေးခဲ့ပြီး   နာတာ ရှည်ကျောက်ကပ် ဖြစ်ပွားတဲ့ ရောဂါလက္ခာတွေနဲ့ လတ်တလောကျောက်ကပ်ဖြစ်ပွားနိုင်တဲ့ ရောဂါလဏ္ခာတွေကို  ဗဟုသုတရရှိအောင်ဟောပြောပေးခဲ့တာဖြစ်ပါတယ်။

ကမ္ဘာ့ကျောက်ကပ်ရောဂါနေ့အထိမ်းအမှတ်အဖြစ် လူထုကျန်းမာရေးဟော ပြောပွဲနှင့်ကျန်းမာ ရေးစစ်ဆေးပေးခြင်းပွဲကိုတော့ မြန်မာနိုင်ငံဆရာဝန်အသင်းဆီးနှင့် ကျောက်ကပ်ရောဂါပညာအဖွဲ့မှ နာယကကြီးများ၊ ဥက္ကဋ္ဌနဲ့ အမှုဆောင်များ၊ ဆီးနှင့်ကျောက်ကပ်ရောဂါဆိုင်ရာသမားတော်များ၊ခွဲစိတ်ဆရာ ၀န်ကြီးများ၊ ကျောက်ကပ်ဝေဒနာရှင်များနဲ့ ပြည်သူတွေတက်ရောက်ခဲ့ကြတာ ဖြစ်ပါတယ်။အဆိုပါ ကျန်းမာရေးဆိုင်ရာဟောပြောပွဲကိုတက်ရောက်ခဲ့ကြတဲ့ပြည်သူတွေကိုလည်းကျန်းမာရေးစစ်ဆေးခြင်းတွေအခမဲ့လုပ်ဆောင်ပေးခဲ့တယ်လို့သိရပါတယ်။ 

 

 

Related News