စားသုံးသူတွေ ကြုံတွေ့ခံစားရတဲ့ နစ်နာမှုတွေ၊ မကျေနပ်မှုတွေကို မြန်မာစားသုံးသူများသမဂ္ဂရဲ့ အွန်လိုင်းတိုင်ကြားမှု စနစ်ကို ပေးပို့တိုင်ကြားနိုင်ပြီဖြစ်ပါတယ်။စားသုံးသူတွေ ဝယ်ယူသုံးစွဲတဲ့ အစားအသောက်၊ ကုန်ပစ္စည်းတွေနဲ့ဝန်ဆောင်မှုတွေက မသမာမှုရှိခဲ့ရင် ဒါမှမဟုတ် စားသုံးသူကို နစ်နာစေခဲ့တယ်လို့ယူဆရင် မြန်မာစားသုံးသူများသမဂ္ဂရဲ့ အွန်လိုင်းတိုင်ကြားမှုစနစ်ကို ပေးပို့တိုင်ကြားနိုင်ပြီဖြစ်ပါတယ်။ မြန်မာစားသုံးသူများသမဂ္ဂရဲ့ ဝက်ဘ်ဆိုက်ဒါမှမဟုတ် မြန်မာစားသုံးသူများသမဂ္ဂ အက်ပလီကေးရှင်းကနေတစ်ဆင့် တိုင်ကြားနိုင်မှာဖြစ်ပါတယ်။ အကယ်၍ တိုင်ကြားတဲ့ အချက်အလက်က ပြည့်စုံမှန်ကန်မယ်ဆိုရင် တိုင်ကြားသူကို မြန်မာစားသုံးသူများသမဂ္ဂက ဖုန်းဘေလ်သုံးထောင်ပြန်လည်ထည့်သွင်းပေးတာတွေ ဆောင်ရွက်ပေးနေတယ်လို့သိရပါတယ်။ ဒီလို ဆောင်ရွက်ပေးရတာကတော့ ညံ့ဖျင်းတဲ့ ကုန်စည်၊ဝန်ဆောင်မှုတွေကို ပေးပို့တိုင်ကြားရမယ်ဆိုတဲ့ အသိပညာရစေချင်တာကြောင့် ဖြစ်တယ်လို့ မြန်မာစားသုံးသူများသမဂ္ဂက ပြောပါတယ်။

စားသုံးသူအများစုက အစိုးရာဌာနတွေနဲ့ အကျွမ်းဝင်မှုမရှိတာကြောင့် ၄င်းတို့ကြုံတွေ့ခံစားရတဲ့ နစ်နာမှု၊ မကျေနပ်မှုတွေကို မည်သည့်ဌာကို တိုင်ကြားရမယ်ဆိုတာ မသိရှိကြပါဘူး။ ဒါကြောင့် မြန်မာစားသုံးသူများသမဂ္ဂက ကြားခံအနေနဲ့ စားသုံးသူတွေရဲ့တိုင်ကြားစာကို ရယူလက်ခံပြီး နေပြည်တော် စားသုံးသူရေးရာဦးစီးဌာနထံ လွှဲပြောင်းဆောင်ရွက်ပေးနေတာပါ။ နေပြည်တော်စားသုံးသူရေးရာဦးစီးဌာနကမှ တစ်ဆင့် စားသုံးသူတွေတိုင်ကြားတဲ့ အမှုကိစ္စနဲ့နီးစပ်တဲ့  မြို့နယ်စားသုံးသူရေးရာဦးစီးဌာနကို လွှဲပြောင်းကာ ဖြေရှင်းဆောင်ရွက်ပေးတာဖြစ်ပါတယ်။ဒီလို အွန်လိုင်းကနေတစ်ဆင့် ပေးပို့တိုင်ကြားတဲ့စနစ်ကို မြန်မာစားသုံးသူများသမဂ္ဂက ပြီးခဲ့တဲ့ (၂၀၁၇) ခုနှစ်ကတည်းက ဆောင်ရွက်နေတာဖြစ်ပြီး တိုင်ကြားသူကို ဆုပေးတဲ့စနစ်ကိုတော့ ယခုနှစ် သြဂုတ်လအထိ ဆောင်ရွက်သွားမှာဖြစ်ပါတယ်။

 

 

Related News