ထိခိုက်နစ်နာလွယ်သူများဖြစ်တဲ့ အမျိုးသမီးတွေကို ကာကွယ်စောင့်ရှောက်ပေးနိုင်ဖို့နဲ့ အလေးထားဆောင်ရွက်ကြဖို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက မတ်လ(၁၄)ရက်က ပြုလုပ်ခဲ့တဲ့ အာဆီယံဒေသတွင်းရှိ အမျိုးသမီးရွှေ့ပြောင်း အလုပ်သမား များအတွက် အခွင့်အရေးများနှင့် အခွင့်အလမ်းများ ရရှိစေရန် အမျိုးသားစီမံကိန်း အကြံပေးအစည်းအဝေးမှာ ပြောကြားခဲ့ပါတယ်...

အမျိုးသမီးတွေဟာ နိုင်ငံတော်ဖွံ့ဖြိုးတိုးတက်မှုအတွက် အဓိကအခန်းကဏ္ဍက ပါဝင်ဆောင်ရွက် နေသူတွေဖြစ်တာကြောင့် အမျိုးသမီးတွေအတွက် သင့်တော်ကောင်းမွန်တဲ့ အလုပ်အကိုင်များရရှိစေဖို့နဲ့ အလုပ်သမားအခွင့်အရေးများအပြည့်အ၀ရရှိဖို့လိုအပ်ပါတယ်။ ဒါ့အပြင် လူမှုကာကွယ်စောင့်ရှောက်မှုတွေနဲ့ ကျန်းမာရေး စောင့်ရှောက်မှုတွေ ရရှိခံစားနိုင်စေဖို့အတွက် အလေးထားလုပ်ဆောင်ပေးရမယ်လို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေကပြောပါတယ်။အမျိုးသမီးများကို ကာကွယ်စောင့်ရှောက်မှုပေးနိုင်ဖို့ လုပ်ဆောင်တဲ့နေရာမှာ အခုလို အာဆီယံ ဒေသတွင်းရှိ အမျိုးသမီး ရွှေ့ပြောင်း အလုပ်သမား များအတွက် အခွင့်အရေးများနှင့် အခွင့်အလမ်းများ ရရှိစေရေး စီမံကိန်းတွေဟာလည်းအရေး ပါလာပါတယ်။ အဆိုပါစီမံကိန်းဟာ အမျိုးသမီးများ အတွက် ဘေးကင်း လုံခြုံပြီး သင့်တင့်မျှတတဲ့ ရွှေ့ပြောင်းသွားလာမှုတွေ ခိုင်မာအားကောင်းလာစေရေးတွေပါဝင်တာကြောင့် ကောင်းမွန်တဲ့ စီမံကိန်း ဖြစ်တယ်လို့  ပြည်ထောင်စုဝန်ကြီး ဦးသိန်းဆွေက ပြောပါတယ်။အာဆီယံဒေသတွင်းရှိ အမျိုးသမီးရွှေ့ပြောင်းအလုပ်သမားများအတွက် အခွင့်အရေးများနှင့် အခွင့်အလမ်းများ ရရှိစေရေးစီမံကိန်းကို(၂၀၁၈) မှ(၂၀၂၂)အထိအကောင်အထည်ဖော်ဆောင်ရွက် သွားမှာပါ။

အဆိုပါစီမံကိန်းဟာ အမျိုးသမီး နှင့်မိန်းကလေးများအပေါ်  အကြမ်းဖက်မှု ပပျောက်ရေးဆောင်ရွက်လျက်ရှိတဲ့ EU- UN Spolight Initiative နှစ်ရှည်စီမံကိန်းရဲ့ ကဏ္ဍတစ်ခုဖြစ်ပြီး မြန်မာနိုင်ငံအပါအ၀င် အာဆီယံနိုင်ငံတွေမှာ အကောင်အထည်ဖော်ဆောင်ရွက်သွားမယ်လို့ သိရပါတယ်။အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနအနေနဲ့ မြန်မာလုပ်သားများကို ပြည်ပသို့စနစ်တကျ သွားရောက်နိုင်ရေးအတွက်(၁၉၉၉)ခုနှစ်က စတင်ပြီး ပြည်ပအလုပ်အကိုင်ဆိုင်ရာ ဥပဒေနှင့် အညီ ဆောင်ရွက်လျက် ရှိတယ်လို့သိရပါတယ်။

မြန်မာနိုင်ငံအနေနဲ့ အကျိုးဆောင်လိုင်စင်ရအေဂျင်စီ(၂၇၃) ခုမှတစ်ဆင့် ထိုင်း၊စင်္ကာပူ၊မလေးရှားတို့ အပါအ၀င် နိုင်ငံပေါင်း(၁၈)နိုင်ငံအား မြန်မာအလုပ်သမားများကို စနစ်တကျစေလွှတ်ပေး လျက်ရှိတယ်လို့ သိရပါတယ်။

 

Related News