ရန်ကုန်ဆေးတက္ကသိုလ် (၁)နဲ့ အီတလီနိုင်ငံ ပါမားတက္ကသိုလ်တို့ပူးပေါင်းဆောင်ရွက်တဲ့ ERASMUS (အရစ်မတ်+KA 107) ပရောဂျက်ကို ဇန်န၀ါရီလ(၁၀)ရက်က ရန်ကုန်မြို့ လသာမြို့နယ်မှာရှိတဲ့ ဆေးတက္ကသိုလ် (၁) အပန်းဖြေခန်းမှာ မိတ်ဆက်ခဲ့ပါတယ်။ရန်ကုန်ဆေးတက္ကသိုလ် (၁)နဲ့ အီတလီနိုင်ငံ ပါမားတက္ကသိုလ်တို့အပြန်အလှန် သွားရောက်လေ့လာနိုင်ရေးအစီအစဉ်(Mobility Project) ကို ဥရောပသမဂ္ဂကိုလျှောက်ထားခဲ့ပြီး အဆိုပါ လျှောက်ထားမှုဟာ ERASMUS (အရစ်မတ်) ပရောဂျက်အနေနဲ့ E.U ထောက်ပံ့ငွေရရှိခဲ့တာဖြစ်ပါတယ်

။ဆေးတက္ကသိုလ် (၁)နဲ့ ပါမားတက္ကသိုလ်တို့က တက္ကသိုလ်အချင်းချင်း စာချုပ်ချုပ်ဆိုထားမှုရှိပြီး ဒီပရောဂျက်စီမံကိန်းကိုလည်း E.U ရဲ့ သဘောတူညီချက်နဲ့ (၂) နှစ်စီမံကိန်း ပြုလုပ်မှာဖြစ်ပါတယ်။အခုလို ပရောဂျက်ပြုလုပ်ရတာက နိုင်ငံတကာအဆင့်မှီ တက္ကသိုလ်တွေနဲ့ချိတ်ဆက်ပြီး ပညာသင်ကြားခွင့်ရနိုင်အောင် ဆောင်ရွက်တာဖြစ်တယ်လို့သိရပါတယ်။စီမံကိန်း (၂)နှစ်အတွင်းမှာတော့ ဆေးတက္ကသိုလ် (၁)ရန်ကုန်မှ ကျောင်းသားကျောင်းသူ (၁၀)ဦးက အီတလီနိုင်ငံ ပါမားတက္ကသိုလ်တို့မှာ သွားရောက်ပြီး ဆေးပညာကို သင်ကြားရမှာဖြစ်ကာ  ပြည်တွင်းကဆရာ၊ဆရာမ (၁၀) ဦးကတော့ ပါမားတက္ကသိုလ်ရှိ ကျောင်းသား/ကျောင်းသူတွေကို ဆေးပညာသင်ကြားပေးသွားမှာ ဖြစ်ပါတယ်။

ဒါ့အပြင် ဒီစီမံကိန်းအတွင်းမှာဘဲ ပါးမားတက္ကသိုလ်က ဆရာ၊ဆရာမတွေကလည်း ရန်ကုန်ဆေးတက္ကသိုလ်ကို လာရောက်ပြီးတော့ ဆေးပညာသင်ကြားပေးသွားမှာဖြစ်ပါတယ်။ERASMUS  (အရစ်မတ်+KA 107)  ပရောဂျက်အောင်မြင်ပါက E.U အနေနဲ့ (၅)နှစ်တာစီမံကိန်းကို လုပ်ဆောင်ခွင့်ရမှာဖြစ်ပြီး ဆေးတက္ကသိုလ် (၁) အပြင် တခြားဆေးတက္ကသိုလ်တွေ၊နည်းပညာ တက္ကသိုလ်တွေပါ ပါဝင်နိုင်အောင် ဆောင်ရွက်နိုင်မှာဖြစ်တယ်လို့သိရပါတယ်။ 

 

 

Related News