တရုတ်ပြည်နယ်စပ်က ဖမ်းဆီးပိတ်ဆို့မှုတွေကြောင့် ပြည်တွင်းက ဆန်တင်ပို့မှုတွေမှာ အခက်အခဲဖြစ်ခဲ့ပြီး ၂၀၁၇-၂၀၁၈ ဘဏ္ဍာနှစ် ဆန်တင်ပို့မှုမှာ ၂၀၁၆-၂၀၁၇ ဘဏ္ဍာနှစ်ထက် လျော့နည်းသွားတယ်လို့ မန္တလေးတိုင်းဒေသကြီး ဆန်စပါးကုန်သည်များအသင်း တာဝန်ရှိသူထံက သိရပါတယ်။ မြန်မာနိုင်ငံက နိုင်ငံပေါင်း(၃၀)ကျော်ကို ဆန်တင်ပို့နေပြီး တရုတ်ပြည်ကို တင်ပို့မှုက(၅၀)ရာခိုင်နှုန်းကျော်ရှိတယ်လို့ သိရပါတယ်။

ပုံမှန်တင်ပို့မှု၊ နယ်စပ်တင်ပို့မှုမှာ နယ်စပ်တင်ပို့မှုကိုအဓိကထားတင်ပို့ရပြီး တရုတ်ပြည်ကို မူဆယ်၊ လွယ်ဂျယ်၊ ချင်းရွှေဟော်နယ်စပ်ဂိတ်တွေကနေ တင်ပို့ပါတယ်။ ၂၀၁၆-၂၀၁၇ခုနှစ်မှာ တရုတ်ပြည်နယ်စပ် အရောင်းဝယ်ကောင်းခဲ့ပြီး ၂၀၁၆-၂၀၁၇ ဘဏ္ဍာနှစ် ပြည်တွင်းက ဆန်တင်ပို့မှုမှာ နှစ်ပေါင်း(၅၀)ကျော်အတွင်း စံချိန်ချိုးကာ တန်ချိန် ၃.၈သန်း တင်ပို့နိုင်ခဲ့တယ်လို့ သိရပါတယ်။

ပြီးခဲ့တဲ့၂၀၁၇-၂၀၁၈ ဘဏ္ဍာနှစ်အတွင်း တရုတ်နယ်စပ်ပိတ်ဆို့မှုတွေကြောင့် ပြည်တွင်းဆန်တင်ပို့မှု တန်ချိန်(၂)သန်း မပြည့်သလိုအရောင်း အဝယ်အခက်အခဲဖြစ်ခဲ့တယ်လို့ မန္တလေးတိုင်းဒေသကြီးဆန်စပါးကုန်သည်များအသင်း အထွေထွေအတွင်းရေးမှူးဦးစိုင်းကျော်က ပြောပါတယ်။ပြည်တွင်းကဆန်ကို ပင်လယ်ရေကြောင်းတင်ပို့မှု၊ ပုံမှန်တင်ပို့မှုမှာဗီယက်နမ်၊ ထိုင်းတို့လိုနိုင်ငံတွေကိုယှဉ် ပြိုင်ဖို့ကခက်ခဲနေသေးတယ်လို့ သိရပါတယ်။ ဒီနိုင်ငံတွေမှာ၁ဧကစပါးတင်း၁၀၀ကျော်ထွက်ရှိချိန်မှာပြည်တွင်းက၁ဧက တင်း၆၀၊ ၇၀ဝန်းကျင်သာထွက်ရှိသေးတာကြောင့် ပုံမှန်တင်ပို့မှုမှာမယှဉ်နိုင်ဘူးလို့သိရပါတယ်။

ဒါကြောင့်နယ်စပ်တင်ပို့မှုကို ပိုမိုအားထားနေရပြီး တရုတ်နယ်စပ် ဆန်တင်ပို့မှုအခက်အခဲကို G to G နှစ်နိုင်ငံသဘောတူ တင်ပို့မှုမျိုးဖြစ်မှာသာ ပြေလည်နိုင်မယ်လို့ ဦးစိုင်းကျော်ကပြောပါတယ်။ပြည်ပကိုအဓိကတင်ပို့နေတဲ့ဆန်အမျိုးအစားတွေက ငစိန်၊ရတနာတိုး၊ ရက်(၉၀)၊ မနောသုခ၊ ဆန်ကွဲစတဲ့ အမျိုးအစားတွေဖြစ်ပြီး ပြည်တွင်းမှာအရည်အသွေးကောင်းမွန်တဲ့ ဆန်စက်တွေရှိလာတာကြောင့် ပြည်ပကလိုချင်တဲ့ ဆန်အရည်အသွေးမျိုးပြည့်မီအောင် ထုတ်လုပ်တင်ပို့နိုင်တယ်လို့သိရပါတယ်။ 

 

 

Related News