မြန်မာ့ဆန်စပါးလုပ်ငန်းရဲ့ အခက်အခဲတွေ တင်ပြဆွေးနွေးနိုင်ဖို့အတွက် ဆန်စပါးကဏ္ဍဖွံ့ဖြိုးရေး ညီလာခံကို လာမယ့် ဖေဖေါ်ဝါရီလအတွင်းမန္တလေးမြို့မှာပြုလုပ်သွားမယ်လို့ မန္တလေးတိုင်းဒေသကြီး ဆန်ကုန်သည်များ အသင်းက သိရပါတယ်။

မြန်မာ့ဆန်စပါးကဏ္ဍဖွံ့ဖြိုးရေးညီလာခံကို မြန်မာနိုင်ငံဆန်စပါးအသင်းချုပ်က ဦးဆောင်ပြု လုပ်သွားမှာပါ။ ပြည်ပ တင်ပို့နေတဲ့ ဆန်စပါးအရည်အသွေး မြှင့်တင်ရန်၊ နှစ်စဉ်ဆန်တန်ချိန် ပိုပြီး တင်ပို့ နိုင်ရန် ပြည်တွင်း ဆန်းဈေး များစွာမမြင့်တက်စေရေးနဲ့ လယ်သမားတွေဘ၀ဖွံ့ဖြိုးတိုးတက်ရေးစတဲ့ ရည်ရွယ်ချက်တွေနဲ့ ကျင်းပသွားမယ်လို့သိရပါတယ်။ဒီညီလာခံကိုလယ်ယာကဏ္ဍနဲ့ဆက်စပ်နေတဲ့ပြည်ပဆန်တင်ပို့နေတဲ့ကုန်သည်တွေ၊ ပြည်တွင်း ဆန်ကုန်သည်တွေ၊ ဆန်စက်လုပ်ငန်းရှင်တွေတောင်သူလယ်သမားတွေအပါအ၀င်လူဦးရေ ၇၀၀ ၀န်းကျင်တက်ရောက်နိုင်ဖို့ ခန့်မှန်းထားတယ်လို့ မန္တလေးတိုင်းဒေသကြီး ဆန်ကုန်သည်များအသင်း အထွေ ထွေအတွင်းရေးမှူး ဦးစိုင်းကျော်က ပြောပါတယ်။ 

မြန်မာ့ဆန်စပါးကဏ္ဍ ဖွံ့ဖြိုးရေး ညီလာခံကို၂၀၁၈ခုနှစ်က နေပြည်တော်မှာပြုလုပ်ခဲ့ပြီး မိုးစပါး၊ နွေစပါး အခြေခံဈေးနှုန်းကို သတ်မှတ်ချက်နဲ့ အညီ ဈေးကွက်ပေါက်ဈေးအတိုင်း ၀ယ်ယူဖို့ စတာတွေကို သတ်မှတ်ပေးနိုင်ခဲ့တယ်လို့ သိရပါတယ်။ အခုလို ညီလာခံ ပြုလုပ်ပေးတာက တောင်သူလယ်သမားတွေရဲ့ အခွင့်အရေးနဲ့ အကျိုးစီးပွားမြှင့်တင်ရေးအတွက်အခွင့်အလမ်း တွေရရှိစေမှာဖြစ်တယ်လို့ ပြောပါတယ်။ 

မြန်မာနိုင်ငံ ဆန်စပါးအသင်းချုပ်အနေနဲ့ ဆန်စပါးလုပ်ငန်းနဲ့ လယ်ယာကဏ္ဍဖွံ့ဖြိုးတိုးတက်ရေးအတွက် ပြည်တွင်းပြည်ပပညာရှင်တွေ ဖိတ်ခေါ်ပြီး အလုပ်ရုံဆွေးနွေးပွဲတွေ၊ မူဝါဒဆိုင်ရာ နဲ့ ဆန်စပါးဆိုင်ရာ ဆွေးနွေး သုံးသပ်တင်ပြမှုတွေ ဆောင်ရွက်နေတယ်လို့ သိရပါတယ်။

 

Related News