ရန်ကုန်မြို့တော်ဝန်ဖလား(၁၈)ကြိမ်မြောက် ပန်းမန်ပြပွဲ၊ပြိုင်ပွဲကို ဇန်န၀ါရီလ(၁၈)ရက်မှ(၂၂)ရက် ထိ ရန်ကုန်မြို့၊ကန်တော်ကြီးသဘာဝဥယျာဉ် မဟာမြိုင်ကျွန်းမှာ ကျင်းပသွားမယ်လို့သိရပါတယ်။ ရန်ကုန်မြို့တော်စည်ပင်သာယာရေးကော်မတီ၊ပန်းဥယျာဉ်နဲ့ အားကစားကွင်းများဌာန က ဦးစီးပြီး မြန်မာနိုင်ငံပန်းဝါသနာရှင်များအသင်းနဲ့မြန်မာနိုင်ငံဝါးအသင်းတို့ပူးပေါင်းပါဝင်တဲ့ ရန်ကုန်မြို့တော်ဝန်ဖလား ပန်းမန်ပြပွဲ၊ပြိုင်ပွဲကို နှစ်စဉ်ကျင်းပလာတာဖြစ်ပြီး အခု( ၂၀၁၉)ခုနှစ်မှာ (၁၈)ကြိမ်မြောက်ကျင်းပ မှာဖြစ်ပါတယ်။အဆိုပါပန်းမန်ပြပွဲ၊ပြိုင်ပွဲမှာ မြေယာရှုခင်းပြိုင်ပွဲ၊ပြည်ပသစ်ခွ ကတ်တလီယာပြိုင်ပွဲ၊ ပြည်တွင်းသစ်ခွပြိုင်ပွဲ၊ နှင်းဆီပင်အမျိုးမျိုးပြိုင်ပွဲ အစရှိတဲ့ပြိုင်ပွဲအမျိုးအစားပေါင်း(၁၃)မျိုးကို ကျင်းပသွားမယ်လို့ သိရပါတယ်။ပြိုင်ပွဲအမျိုးအစား(၁၃)မျိုးမှာ ပါဝင်ယှဉ်ပြိုင်သူတွေကို ဆုများလည်းချီးမြှင့်ပေးသွားမှာ ဖြစ်တယ်လို့ တာဝန်ရှိသူတစ်ဦးကအခုလိုပဲပြောပါတယ်။

ရန်ကုန်မြို့တော်ဝန်ဖလားပန်းမန်ပြပွဲ၊ပြိုင်ပွဲကို နှစ်စဉ်ကျင်းပဖြစ်တာက ပန်းဝါသနာရှင်များစုစည်းပြီး အများပြည်သူကို ပညာပေးနိုင်ရန်၊ ၀ါသနာရှင်အချင်းချင်းမျိုးစေ့ဖလှယ်မှုများပြုလုပ်နိုင်ရန် ဖြစ်တယ်လို့ သိရပါတယ်။ (၁၈)ကြိမ်မြောက် ကျင်းပမယ့် ရန်ကုန်မြို့တော်ဝန်ဖလားပန်းမန်ပြပွဲ၊ ပြိုင်ပွဲမှာ ပြခန်းပေါင်း(၁၈)ခန်း ပါဝင်ပြသသွားမှာဖြစ်ပြီး ပြပွဲနဲ့ပြိုင်ပွဲကို တစ်ပြိုင်နက်ထဲကျင်းပသွားမယ်လို့ သိရပါတယ်။၂၀၁၈ခုနှစ်က ကျင်းပခဲ့တဲ့ ရန်ကုန်မြို့တော်ဝန်ဖလား(၁၇)ကြိမ်မြောက် ပန်းမန်ပြပွဲ၊ပြိုင်ပွဲမှာ အိမ်မွေးခွေးအလှပြိုင်ပွဲကိုပါ ထည့်သွင်းကျင်းပခဲ့တာဖြစ်ပြီး အခုနှစ်မှာတော့ ပန်းမန်ပြပွဲ၊ပြိုင်ပွဲ သီးသန့်ကျင်းပသွားမှာဖြစ်တယ်လို့ပြောပါတယ်။ 

 

 

Related News