လာမည့် ၂၀၂၀ အထွေထွေရွေးကောက်ပွဲကို လွတ်လပ်ပြီးတရားမျှတမှုရှိစေရေးအတွက် စံသတ်မှတ်ချက်(၅)ချက်ထားပြီးပြုလုပ်သွားမယ်လို့ ပြည်ထောင်စုရွေးကောက်ပွဲကော်မရှင် ဥက္ကဋ္ဌဦးလှသိန်းက မဲစာရင်းပြုစုခြင်း ဆရာဖြစ်သင်တန်း မှာပြောကြားခဲ့ပါတယ်။ ၂၀၂၀ မှာကျင်းပပြုလုပ်မယ့် အထွေထွေရွေးကောက်ပွဲအတွက် စံသတ်မှတ်ချက်(၅)ချက်ထဲမှာတော့  လွတ်လပ်မှုရှိခြင်း တရားမျှတမှုရှိခြင်းနဲ့ ပွင့်လင်းမြင်သာမှုရှိခြင်းတို့ပါဝင်တယ်လို့သိရပါတယ်။ ဒါ့အပြင် ရွေးကောက်ပွဲဟာ အများယုံကြည်တဲ့ ရွေးကောက်ပွဲတစ်ခု ဖြစ်ဖို့နဲ့ ရွေးကောက်ပွဲက ထွက်ပေါ်လာတဲ့ ရလာဒ်တွေ ဟာ ပြည်သူ့ဆန္ဒနဲ့ တစ်ထပ်တည်းကျရ မယ်ဆိုတဲ့ စံသတ်မှတ်ချက်တွေနဲ့ ပြုလုပ်ပေးသွားမယ်လို့ ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးလှသိန်းက ပြောပါတယ်။ 

ပြည်ထောင်စုရွေးကောက်ပွဲကော်မရှင်အနေနဲ့ လာမယ့် ၂၀၂၀ အထွေထွေရွေးကောက်ပွဲအတွက် ကြိုတင်ပြင်ဆင်မှုတွေအနေနဲ့ မဲစာရင်းပြည့်စုံမှန်ကန်ရေးအတွက် မဲဆန္ဒရှင်စာရင်းပြုစုခြင်းတွေကို အခု၂၀၁၉ခုနှစ် ဇန်န၀ါရီလကစတင်ပြီး အထွေထွေအုပ်ချုပ်ရေးဦးစီးဌာနနဲ့ အလုပ်သမား ၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနတို့ ပူးပေါင်းကာ စတင်ဆောင်ရွက်သွားမယ်လို့ သိရပါတယ်။ မဲဆန္ဒရှင်စာရင်းပြုစုခြင်းတွေလုပ်ဆောင်ရာမှာ အဆင်ပြေရေးအတွက် ပြည်ထောင်စုရွေးကောက်ပွဲကော်မရှင်ရဲ့ မဲစာရင်းပြုစုခြင်းဆရာဖြစ်သင်တန်းကို ဇန်န၀ါရီလ(၉)ရက်က နေပြည်တော်မှာရှိတဲ့ Grand Amara Hotelမှာ ပြုလုပ်ခဲ့ပြီး သက်ဆိုင်ရာတာဝန်ရှိသူတွေတက်ရောက်ခဲ့ကာ ဇန်န၀ါရီလ (၁၁)ရက် အထိ သုံးရက်ကြာပြု လုပ်သွားမယ်လို့ သိရပါတယ်။ အခု အစိုးရလက်ထက်မှာတော့ ပြည်ထောင်စုရွေးကောက်ပွဲကော်မရှင်အနေနဲ့ ၂၀၁၇ခုနှစ်မှာ ကြားဖြတ်ရွေးကောက်ပွဲ တစ်ကြိမ်နဲ့ ၂၀၁၈ခုနှစ်မှာ ကြားဖြတ်ရွေးကောက်ပွဲ တစ်ကြိမ်တို့ကို ပြုလုပ်ခဲ့တယ်လို့ သိရပါတယ်။

 

 

Related News