မန္တလေးမြို့က ကျောင်းသားလူငယ်တွေနဲ့ စာအုပ်စာပေချစ်မြတ်နိုးသူတွေအတွက် ရည်ရွယ်ကာ လူငယ်တွေ စုပေါင်းတည်ထောင် ဖွင့်လှစ်ထားတဲ့ ယုံကြည်ရာ အခမဲ့စာကြည့်တိုက် (၅)နှစ်ပြည့်အထိမ်းအမှတ် အခမ်းအနားကို ဇန်န၀ါရီလ(၈)ရက်က ယုံကြည်ရာ အသိပညာပြန့်ပွားရေးအသင်းနှင့် အခမဲ့စာကြည်တိုက်မှာ ပြုလုပ်ခဲ့ပါတယ်။ ယုံကြည်ရာအခမဲ့စာကြည့်တိုက်ကို ယုံကြည်ရာစာဖတ်အသင်းအနေနဲ့စတင်ခဲ့တာဖြစ်ပြီး ၂၀၁၄ ခုနှစ် ဇန်န၀ါရီလက စတင်ဖွင့်လှစ်ခဲ့ တာဖြစ်ပါတယ်။ ယုံကြည်ရာအခမဲ့စာကြည့်တိုက်မှာ လူငယ်တွေ၊ မန္တလေးမြို့တက္ကသိုလ်အသီးသီးက ကျောင်းသား၊ကျောင်းသူတွေနဲ့ စာအုပ်စာပေချစ်မြတ်နိုးသူတွေ အများဆုံးလာရောက်ကြတာဖြစ်ပြီး အခြေခံကျောင်းများမှ ကျောင်းသား၊ ကျောင်းသူတွေလည်း လာရောက်ပြီး ဖတ်ကြတာ ဖြစ်တယ်လို့သိရပါတယ်။ ယုံကြည်ရာအခမဲ့စာကြည့်တိုက်ဖွင့်လှစ်ထားတဲ့အတွက် မန္တလေးမြို့က ကျောင်းသားလူငယ်တွေနဲ့ စာအုပ်စာပေချစ်မြတ်နိုးသူတွေ ဆုံစည်းနိုင်ကာ လူငယ်တွေကြားမှာ အသိပညာ၊ ဗဟုသုတတွေ ပိုမိုတိုးပွားစေပြီး လေ့လာသိရှိထားတဲ့ပညာတွေကို တစ်ဦးနဲ့တစ်ဦး ပြန်လည်မျှဝေနိုင်တဲ့ နေရာတစ်ခုဖြစ်လာတယ်လို့ ပြောပါတယ်။

ယုံကြည်ရာအခမဲ့စာကြည့်တိုက်မှာ ရည်ညွန်းစာအုပ်၊ ဘာသာစကား၊ ဘာသာအယူဝါဒ၊ သဘာဝသိပ္ပံ၊ လူမှုသိပ္ပံ၊ အသုံးချသိပ္ပံ၊ ပထ၀ီ၊ သမိုင်း၊ သင်္ချာနဲ့အထွေထွေ စတဲ့စာအုပ်(၅)ထောင်ကျော်ရှိတယ်လို့ သိရပါတယ်။ ယုံကြည်ရာအခမဲ့စာကြည့်တိုက်မှာ ကျောင်းသား လူငယ်တွေအတွက်စာကြည့်တိုက်ကိုအခြေခံပြီး စာအုပ်ဆွေးနွေးပွဲ၊ ရုပ်ရှင်ဆွေးနွေးပွဲ၊ ပညာရပ်ဆိုင်ရာဆွေးနွေးပွဲတွေအပြင် နိုင်ငံရေးရာ၊ လူငယ်ရေးရာ စတဲ့သင်တန်းမျိုးစုံတွေ၊ စကားဝိုင်းဆွေးနွေးပွဲတွေ၊ လူမှုသုတေသနလုပ်ငန်းတွေပါ ပြုလုပ်ပေးနေတာ ဖြစ်တယ်လို့ သိရပါတယ်။စာကြည့်တိုက်ကို နံနက် ၁၀ နာရီမှ ညနေ ၅နာရီထိ အပတ်စဉ် အင်္ဂါနေ့မှ တနင်္ဂနွေနေ့ထိ ဖွင့်လှစ်ထားတာဖြစ်ပြီး စာအုပ်ငှားလိုသူတွေ အတွက် တစ်ဦးကို စာအုပ် ၃ အုပ်နှုန်းနဲ့ တစ်ပတ်ကြာ အခမဲ့ငှားရမ်းပေးနေတာဖြစ်တယ်လို့သိရပါတယ်။ 

 

Related News