ပညာရေးဝန်ကြီးဌာနရဲ့ ပညာရေးပြုပြင်ပြောင်းလဲမှု မဟာဗျူဟာစီမံကိန်းအရ အခြေခံပညာကျောင်းတွေမှာ သင်ကြားနေတဲ့ သင်ရိုး ညွှန်းတမ်းတွေကို ပြောင်းလဲသင်ကြားခဲ့ရာမှာ ပြီးခဲ့တဲ့(၂၀၁၈)ခုနှစ်မှာတော့ ဒုတိယတန်းသင်ရိုးသစ်ကို ပြောင်းလဲသင်ကြားခဲ့တာ ဖြစ်ပါတယ်။ ဗျူဟာစီမံကိန်းအရ (၂၀၁၆-၂၀၁၇) ပညာသင်နှစ်မှာ သူငယ်တန်း (KG) သင်ရိုးသစ်၊ ၂၀၁၇-၂၀၁၈ ပညာသင်နှစ်မှာတော့ ပထမတန်းသင်ရိုးသစ်ကို ပြောင်းလဲသင်ကြားခဲ့ပါတယ်။ (၂၀၁၈-၂၀၁၉) ပညာသင် နှစ်မှာတော့ ဒုတိယတန်းသင်ရိုးသစ်ကို ပြောင်းလဲသင်ကြားခဲ့ပါတယ်။ ပြောင်းလဲလိုက်တဲ့ ဒုတိယတန်းသင်ရိုးသစ်မှာတော့ မြန်မာစာ၊ အင်္ဂလိပ်စာ၊ သချာင်္၊ လူမှုရေး၊ သိပ္ပံ၊စာရိတ္တနဲ့ ပြည်သူနီတိ၊ ပန်းချီ၊ ဂီတ၊ ကာယပညာ၊ ဘ၀တွက်တာစတဲ့ ဘာသာရပ် (၁၀)ခု ပါဝင် ပါတယ်။ဒီလိုပြောင်းလဲလိုက်ရာမှာ တစ်ချို့ဘာသာရပ်တွေက ကျောင်းသား? ကျောင်းသူ တစ်ဦးချင်းသင်ယူရသလို အုပ်စုလိုက် သင်ယူရတာတွေရှိလာတဲ့အတွက် သင်ခန်းစာတွေကို ပိုစိတ်ဝင်စားလာပြီး ကျောင်းသားဗဟိုပြုသင်ကြားနည်းစနစ်ဖြစ်တဲ့အတွက် ကျောင်းသားကျောင်းသူတွေရဲ့ ဥာဏ်ရည်တွေလည်း ပိုမိုသွက်လာတယ်လို့ သိရပါတယ်။

၂၀၁၈ ခုနှစ်မှာ ပြောင်းလဲလိုက်တဲ့ ဒုတိယတန်းသင်ရိုးသစ်မှာတော့ အရင်က ဒုတိယတန်းသင်ရိုးဟောင်းနဲ့မတူဘဲ စာတွေ့အပြင် လက်တွေ့တွေပါ သင်ကြားပေးနေတာဖြစ်ပါတယ်။သင်ရိုးညွှန်းတမ်းအသစ်မှာ ပါဝင်တဲ့ ဂီတနဲ့ကာယ ဘာသာရပ်တွေက ကျောင်းသား ကျောင်းသူတွေ ပျော်ရွှင်စွာ စုပေါင်းလုပ်ဆောင် ရတဲ့အတွက် ဒီဘာသာရပ်တွေကို ကျောင်းသားကျောင်းသူတွေ စိတ်ဝင်စားမှုများပြား တယ်လို့ သိရပါတယ်။ ကျောင်းသား၊ကျောင်းသူတွေအနေနဲ့ စာတွေ့သင်ကြားရတာမဟုတ်ဘဲ လက်တွေ့အပြင် ကျောင်းသားဗဟိုပြု သင်ကြားနည်းဖြစ်တဲ့အတွက် တွေးခေါ်မှု ဥာဏ်ရည်ပါမြင့်မားလာမှာဖြစ်တယ်လို့ ကျောင်းသားမိဘက ပြောပါတယ်။

ပညာရေးဝန်ကြီးဌာနရဲ့ ပညာရေးပြုပြင်ပြောင်းလဲမှု မဟာဗျူဟာစီမံကိန်းအရ (၂၀၁၆)ခုနှစ်မှာ စတင်ပြောင်းလဲခဲ့တဲ့ KG သင်ရိုးသစ် ကနေ အဆင့်ဆင့်ပြောင်းလဲခဲ့ရာမှာ သင်ရိုးညွှန်းတမ်းသစ်အပြီးပြောင်းလဲမှုကို (၂၀၂၃)ခုနှစ် မှာ KG+12 သင်ရိုးသစ်ကို အပြီး ဆောင်ရွက်သွားမှာ ဖြစ်တယ်လို့သိရပါတယ်။လာမယ့် (၂၀၁၉-၂၀၂၀ )ပညာသင်နှစ်မှာတော့ Grade-3 နဲ့ Grade -6 ကို သင်ရိုးညွှန်း တမ်းသစ်တွေနဲ့ ပြောင်းလဲသင်ကြားပေးသွားမှာဖြစ်တယ်လို့သိရပါတယ်။ 

 

Related News