ရာသီဥတုနှင့်သဘာဝပတ်ဝန်းကျင်ဆိုင်ရာအလုပ်ရုံဆွေးနွေးပွဲကိုဇန်န၀ါရီလ(၈)ရက်က အမျိုးသားပညာရေး မူဝါဒကော်မရှင်၊ အစည်းအဝေးခန်းမ(၅)မှာကျင်းပခဲ့ပါတယ်။ အဆိုပါအလုပ်ရုံဆွေးနွေးပွဲမှာတော့ မြန်မာနိုင်ငံမှာရှိနေတဲ့အဆင့်မြင့်ပညာကဏ္ဍမှာလိုအပ်နေတဲ့ဘာသာရပ်တွေကို ဘယ်တက္ကသိုလ်တွေကသင်ကြားနေသလဲ၊ဘယ်ဘာသာရပ်တွေကအလုပ်အကိုင်အခွင့်အလမ်းတွေရရှိနိုင်မလဲ၊ရာသီဥတုပြောင်းလဲနေတာတွေကို ဘယ်တက္ကသိုလ်တွေကသင်ကြားပေးနေလဲဆိုတာတွေကို ဆွေးနွေးခဲ့ကြတာဖြစ်ပါတယ်။ဒါကြောင့်စိုက်ပျိုးရေး၊မွေးမြူရေး၊ဆည်မြောင်းဝန်ကြီးဌာန၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန အပါအ၀င်ဆက်စပ်ဝန်ကြီးဌာနတွေနဲ့ ဆက်စပ်နေတဲ့တက္ကသိုလ်တွေကို ပြန်လည်စုစည်းပြီးမိုးလေ၀သဆိုင်ရာဘာသာရပ်တွေနဲ့သဘာဝပတ်ဝန်းကျင်ဆိုင်ရာဘာသာရပ်တွေနဲ့ပတ်သက်ပြီး ဘယ်လောက်အတိုင်းအတာအထိလိုအပ်နေလဲဆိုတာတွေကိုပါ ဆွေးနွေးခဲ့ကြတာဖြစ်တယ်လို့သိရပါတယ်။

အခုပြုလုပ်တဲ့အလုပ်ရုံဆွေးနွေးပွဲမှာ မိုးလေ၀သပညာရှင်ဒေါက်တာထွန်းလွင်၊ပတ်ဝန်းကျင်ထိန်းသိမ်းရေးဦးစီး ဌာနကတာဝန်ရှိသူ၊ရန်ကုန်တက္ကသိုလ်၊ မန္တလေးတက္ကသိုလ်ကပါမောက္ခတွေက ပညာရေးဝန်ကြီးဌာနလက်အောက်မှာရှိတဲ့တက္ကသိုလ်တွေမှာရာသီဥတုနှင့်သဘာဝပတ်ဝန်းကျင်ဆိုင်ရာဘာသာရပ်တွေကို ဘယ်အတိုင်းအတာအထိသင်ကြားနေကြသလဲဆိုတာတွေကို ဆွေးနွေးခဲ့ကြပြီး ဖြစ်ပေါ်နေတဲ့ ရာသီဥတုအခြေအနေတွေနဲ့ သဘာဝပတ်ဝန်းကျင်နဲ့ပတ်သက်တဲ့သိသင့်တာတွေကိုပါ ဆွေးနွေးခဲ့ကြတာဖြစ်ပါတယ်။

အခုပြုလုပ်တဲ့ဆွေးနွေးပွဲမှ ဆွေးနွေးချက်တွေကို ပညာရေးဝန်ကြီးဌာနကိုတင်ပြပြီး တက္ကသိုလ်အသီးသီးမှာ လိုအပ်နေတဲ့ဘာသာရပ်တွေကို သင်ကြားပေးနိုင်ဖို့အတွက်လည်း အမျိုးသားပညာရေးမူဝါဒကော်မရှင်ကဆောင်ရွက်သွားမှာဖြစ်တယ်လို့သိရပါတယ်။ အမျိုးသားပညာရေးမူဝါဒကော်မရှင်အနေနဲ့ ဇန်န၀ါရီလ(၂၂)ရက်မှာ အသက်မွေးဝမ်းကျောင်းပညာရေးဖြစ်တဲ့ အထည်ချုပ်လုပ်ငန်း၊ငါးလုပ်ငန်း၊မော်တော်ယာဉ်ပြုပြင်ထိန်းသိမ်းရေးလုပ်ငန်းအပါအ၀င်ကျန်းမာရေးကဏ္ဍတွေကိုလည်း ဆွေးနွေးသွားဖို့ရှိတယ်လို့သိရပါတယ်။

 

 

Related News