၂၀၁၈ခုနှစ်အတွင်းမှာတော့ ပြည်ထောင်စုလွှတ်တော်၊ ပြည်သူ့လွှတ်တော်နဲ့ အမျိုးသားလွှတ်တော်တို့မှာ ပုံမှန်အစည်းအဝေးကိုလေးကြိမ် အထိကျင်းပနိုင်ခဲ့ပါတယ်။ ဒုတိယအကြိမ်လွှတ်တော်အစည်းအဝေးတွေကို ပြည်ထောင်စု လွှတ်တော်၊ ပြည်သူ့လွှတ်တော်နဲ့ အမျိုးသားလွှတ်တော်တို့မှာ ၂၀၁၈ခုနှစ် ဇန်န၀ါရီလ(၁၅)ရက်ကနေ ဒီဇင်ဘာ(၂၁)ရက် အထိ သတ္တမပုံမှန်အစည်းအဝေး၊ အဋ္ဌမပုံမှန်အစည်းအဝေး၊န၀မပုံမှန်အစည်းအဝေးနဲ့ ဒဿမ ပုံမှန်အစည်းအဝေးဆိုပြီ လေးကြိမ်ကျင်းပနိုင်ခဲ့ပါတယ်။ သတ္တမကြိမ်ပုံမှန် အစည်းအဝေးကို ၂၀၁၈ ခုနှစ် ဇန်န၀ါရီလ(၁၅)ရက်ကနေ မတ်လ(၃၀)ရက်အထိ ကျင်းပခဲ့ပြီး ပြည်ထောင်စုလွှတ်တော်အနေနဲ့ (၂၂)ရက်ကြာ ကျင်းပနိုင်ခဲ့ကာ လစ်လပ်သွားတဲ့ နိုင်ငံတော်သမ္မတ နေရာအတွက် ရွေးချယ် တင်မြှောက်ခြင်း၊ နိုင်ငံတော်သမ္မတအဖြစ်ရွေးချယ်ခြင်းခံရတဲ့ ဦးဝင်းမြင့်က ကတိသစ္စာပြုခြင်းနဲ့ မိန့်ခွန်းပြောကြားခြင်း အစီအစဉ် တွေကိုဆောင်ရွက်နိုင်ခဲ့ပါတယ်။ ပြည်သူ့လွှတ်တော်အနေနဲ့ သတ္တမပုံမှန် အစည်းအဝေး ကို ရက်ပေါင်း (၃၂)ရက်ကြာကျင်းပခဲ့ပြီး ဆောင်ရွက်ချက်များအနေနဲ့ ကြယ်ပွင့်ပြ မေးခွန်း (၁၉၁)ခု မေးမြန်းဖြေကြားခြင်း၊ ကြယ်ပွင့်မပြမေးခွန်း (၆၂၈)ခု ဖြေကြားခြင်းများ ဆောင်ရွက်နိုင်ခဲ့ပြီး အဆို (၉)ခု တင်သွင်းနိုင်ခဲ့ကာ အတည်ပြုအဆို (၂)ခုနှင့် မှတ်တမ်းတင်အဆို (၇)ခုတို့ရရှိခဲ့ပါတယ်။ အမျိုးသားလွှတ်တော် အနေနဲ့ သတ္တမပုံမှန် အစည်းအဝေးကို (၃၃)ရက်ကြာပြုလုပ်ခဲ့ပြီး ကြယ်ပွင့်ပြမေးခွန်း(၁၀၆)ခု၊ ကြယ်ပွင့်မပြ မေးခွန်း(၁၈၄)ခုနဲ့ အဆို(၄)ခုတင်သွင်းနိုင်ခဲ့တယ်လို့သိရပါတယ်။
  
အဋ္ဌမပုံမှန်အစည်းအဝေးအဖြစ်ပြုလုပ်ခဲ့တဲ့ လွှတ်တော်အစည်းအဝေးတွေ ကိုတော့ ၂၀၁၈ခုနှစ် မေလ(၁၄)ရက်ကနေ ဇွန်လ(၂၁)ရက် အထိပြုလုပ်ခဲ့ပါတယ်။ အဆိုပါအဋ္ဌမပုံမှန်အစည်းအဝေးကာလအတွင်း ပြည်ထောင်စုလွှတ်တော်အနေနဲ့ အစည်းအဝေးကို(၁၁)ရက်တာကျင်းပနိုင်ခဲ့ကာ လစ်လပ်နေတဲ့စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီးနေရာအတွက် ဦးစိုးဝင်းကို ခန့်အပ်ခြင်းနှင့်ပြည်ထဲရေးဝန်ကြီးဌာန ဒုတိယ၀န်ကြီးနေရာအတွက် ဗိုလ်ချုပ်အောင်သူကိုပြောင်းလဲခန့်အပ်ခြင်းတွေကို ဆောင်ရွက်နိုင်ခဲ့ပါတယ်။ ပြည်သူ့လွှတ်တော် အနေနဲ့ အဋ္ဌမပုံမှန်အစည်းအဝေးကို (၁၈)ရက်ကြာပြုလုပ်ခဲ့ကာ ကြယ်ပွင့်ပြ မေးခွန်း (၁၀၉) ခု မေးမြန်း ဖြေကြားခြင်း၊ ကြယ်ပွင့်မပြမေးခွန်း (၂၄၅) ခု ဖြေကြားခြင်းများ ဆောင်ရွက်နိုင်ခဲ့ပါတယ်။ အရေးကြီး အဆို (၁) ခုနှင့် ဝမ်းနည်းကြောင်းအဆို (၁) ခု အပါအဝင် အဆို (၁၃) ခု တင်သွင်းနိုင်ခဲ့ပြီး အတည်ပြုအဆို (၄) ခု၊ မှတ်တမ်းတင်အဆို(၃)ခု၊ အတည်မပြု အဆို (၁) ခုနဲ့ လက်ခံဆွေးနွေးရန်မသင့် အဆို (၁) ခု တို့ အပါအ၀င် တင်သွင်းပြီး ဆွေးနွေးရန် အဆို (၄) ခု ကျန်ရှိခဲ့ပါတယ်။ အမျိုးသားလွှတ်တော် အနေနဲ့လည်းအဋ္ဌမပုံမှန်အစည်းအဝေးကို (၁၈)ရက်ကြာပြုလုပ်ခဲ့ပြီး ကြယ်ပွင့်ပြမေးခွန်း(၈၆)ခု၊ ကြယ်ပွင့်မပြ မေးခွန်း(၁၂၄)ခုနဲ့ အဆို(၁)ခုတင်သွင်းနိုင်ခဲ့တယ်လို့သိရပါတယ်။ 

န၀မပုံမှန်အစည်းအဝေးတွေကိုတော့ ဇူလိုင်လ(၂၃)ရက်ကနေ စက်တင်ဘာလ(၁၉)ရက်ပြုလုပ်ခဲ့ကြပြီး ပြည်ထောင်စုလွှတ်တော်အနေနဲ့ န၀မပုံမှန်အစည်းအဝေးကို (၂၃)ရက်ကျင်းပခဲ့ကာ ပြည်ထောင်စုလွှတ်တော်နာယက တာဝန်များကို ရယူထားတဲ့ အမျိုးသားလွှတ်တော်ဥက္ကဋ္ဌ မန်းဝင်း ခိုင်သန်းက ပြည်သူ့လွှတ်တော်ဥက္ကဋ္ဌဖြစ်တဲ့ ဦးတီခွန်မြတ်ထံလွှဲပြောင်းပေးအပ်ခြင်း၊ ပြည်ပချေးငွေရယူရေးစတဲ့ ကိစ္စတွေကိုဆွေးနွေး အတည်ပြုခြင်း တွေ ဆောင်ရွက်ခဲ့ကြပါတယ်။ ပြည်သူ့လွှတ်တော်အနေနဲ့ န၀မပုံမှန်အစည်းအဝေးကို  (၁၉) ရက်ကျင်းပခဲ့ပြီး  ကြယ်ပွင့်ပြမေးခွန်း (၁၂၃) ခု မေးမြန်း ဖြေကြားခြင်း၊ ကြယ်ပွင့်မပြမေးခွန်း (၂၁၄) ခု ဖြေကြားခြင်းများ ဆောင်ရွက်ခဲ့ပါတယ်။ အဆို (၁၁) ခု တင်သွင်းနိုင်ခဲ့ပြီး အတည်ပြုအဆို (၆) ခု၊ မှတ်တမ်းတင်အဆို (၅) ခု တို့ ရရှိခဲ့ပါတယ်။ အမျိုးသား လွှတ်တော် အနေနဲ့န၀မပုံမှန်အစည်းအဝေးကို (၁၉)ရက်ကြာပြုလုပ်ခဲ့ပြီး ကြယ်ပွင့်ပြမေးခွန်း(၈၇)ခု၊ ကြယ်ပွင့်မပြ မေးခွန်း(၁၅၄)ခုနဲ့ အဆို(၁)ခုတင်သွင်းနိုင်ခဲ့တယ်လို့သိရပါတယ်။

(၂၀၁၈)ခုနှစ်အတွက်နောက်ဆုံးပြုလုပ်ခဲ့ တဲ့ဒဿမပုံမှန်အစည်းအဝေးတွေကိုတော့၂၀၁၈ခုနှစ် နိုဝင်ဘာလ (၁၂)ရက်ကနေ ဒီဇင်ဘာလ(၂၁)ရက်အထိ ပြုလုပ်ခဲ့ပါတယ်။ အဆိုပါအစည်းအဝေးကာလအတွင်း ပြည်ထောင် စုလွှတ်တော်အနေနဲ့ အစည်းအဝေးကို(၁၁)ရက်ပြုလုပ်ခဲ့ကာ ၀န်ကြီးဌာနအသစ်တစ်ခုတိုးချဲ့ ဖွဲ့စည်းခြင်း၊ ပြည်ပ ချေးငွေရယူရေး၊မြို့နှင့်ကျေးရွာအုပ်စု ပြင်ဆင်ဖွဲ့ စည်းခြင်းအပါအ၀င် ဥပဒေရေးရာ နှင့်အထူးကိစ္စရပ်များလေ့လာဆန်းစစ်သုံးသပ်ရေး ကော်မရှင်၏ လပေါင်း(၃၀) လုပ်ငန်းစီမံချက် အစီရင်ခံစာ တင်သွင်းခြင်းတွေကိုဆောင်ရွက်ခဲ့ ပါတယ်။ ပြည်သူ့လွှတ်တော်အနေနဲ့ ဒဿမပုံမှန် အစည်းအဝေးကို (၁၇) ရက် ကျင်းပခဲ့ပြီး ကြယ်ပွင့်ပြ မေးခွန်း (၁၂၇)ခု မေးမြန်း ဖြေကြားခြင်းတွေနဲ့ ကြယ်ပွင့်မပြ မေးခွန်း (၄၃၈) ခု ဖြေကြားခြင်းများ ဆောင်ရွက်ခဲ့ပါတယ်။ အဆို (၉) ခု တင်သွင်းနိုင်ခဲ့ပြီး အတည်ပြုအဆို (၃) ခုနဲ့ မှတ်တမ်းတင်အဆို (၃) ခု တို့ရရှိခဲ့ကာ တင်သွင်းပြီး ဆွေးနွေးရန် အဆို (၃) ခု ကျန်ရှိခဲ့ပါတယ်။အမျိုးသား လွှတ်တော် အနေနဲ့ဒဿမပုံမှန်အစည်းအဝေးကို (၁၇)ရက်ကြာပြုလုပ်ခဲ့ကာ ကြယ်ပွင့်ပြမေးခွန်း(၁၀၅)ခု၊ ကြယ်ပွင့်မပြ မေးခွန်း(၁၀၂)ခုနဲ့ အဆို(၁)ခုတင်သွင်းအတည်ပြုနိုင်ခဲ့တယ်လို့သိရပါတယ်။

ပြည်ထောင်စုလွှတ်တော်အနေနဲ့ (၂၀၁၈)ခုနှစ်အတွင်း စာရင်းအင်ဥပဒေ၊မြန်မာ့ခရီးသွားလုပ်ငန်းဥပဒေ၊ သစ်တောဥပဒေတို့အပါအ၀င် ဥပဒေ(၃၆)ခုကို ပြဋ္ဌာန်းနိုင်ခဲ့ပါတယ်။ဒါ့အပြင် ဥပဒေကြမ်းတွေအနေနဲ့ မြန်မာ့ဆက်သွယ်ရေးကော်ပိုရေးရှင်းဥပဒေကြမ်းနဲ့ မြန်မာနိုင်ငံလူမွဲခံယူခြင်းဆိုင်ရာဥပဒေကြမ်းတို့အပါအ၀င် ဥပဒေကြမ်း(၂၄)ခုကိုထုတ်ပြန်နိုင်ခဲ့တယ်လို့သိရပါတယ်။

 

 

Related News