အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အစိုးရပြည်ပအလုပ်အကိုင်အေဂျင်စီနဲ့ ကိုရီးယားနိုင်ငံ၊ ကိုရီးယား လူ့စွမ်းအားဖွံ့ဖြိုးမှု အဖွဲ့အစည်းတို့ပူးပေါင်းပြီး သတ်မှတ်ထားတဲ့ စာမေးပွဲများအောင်မြင်ပြီး မြန်မာနိုင်ငံမှ ကိုရီးယားနိုင်ငံကို ကုန်ထုတ်နှင့် ဆောက်လုပ်ရေးလုပ်ငန်းအတွက် သွားရောက် အလုပ်လုပ်ကိုင်မယ့် မြန်မာရွှေ့ပြောင်း လုပ်သားတွေကို ဇန်န၀ါရီလ(၇)ရက်မှ (၂၆)ရက်အထိ အလုပ်လျှောက်လွှာများ လက်ခံနေပြီလို့ သိရပါတယ်။ အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ မြန်မာရွှေ့ပြောင်းလုပ်သားများ ကိုရီးယားနိုင်ငံမှာ အကိုင်အရရှိရေး အတွက် အစိုးရပြည်ပအေဂျင်စီနဲ့ ကိုရီးယားနိုင်ငံ၊ ကိုရီးယားလူ့စွမ်းအားဖွံ့ဖြိုးမှုအဖွဲ့အစည်းတို့ပူးပေါင်းပြီး (၂၀၁၁)ခုနှစ်မှ စတင် ဆောင်ရွက်ခဲ့တာဖြစ်တယ်လို့ သိရပါတယ်။ အခု အလုပ်လျှောက်လွှာ လာရောက်လျှောက်ထားနေတဲ့ မြန်မာရွှေ့ပြောင်းလုပ်သား တွေကတော့ (၁၂)ကြိမ်မြောက် EPS-TOPIK စာမေးပွဲမှာ ကုန်ထုတ်နဲ့ဆောက်လုပ်ရေးလုပ်ငန်း အတွက် စာမေးပွဲအောင်မြင်ပြီး လုပ်သားတွေ ဖြစ်ပါတယ်။

အလုပ်လျှောက်လွှာတွေကိုတော့ အလုပ်သမားညွှန်ကြားရေး ဦးစီးဌာန၊ အစိုးရပြည်ပအလုပ်အကိုင် အေဂျင်စီရုံးမှာ ဇန်န၀ါရီလ(၇)ရက်မှ (၂၆)အထိ လက်ခံသွားမယ်လို့ သိရပါတယ်။(၁၂)ကြိမ်မြောက် EPS-TOPIK စာမေးပွဲမှာကုန်ထုတ်နဲ့ ဆောက်လုပ်ရေးလုပ်ငန်းအတွက် မြန်မာရွှေ့ပြောင်းလုပ်သား (၉၇၉၈)ဦး အောင်မြင်ခဲ့ပြီး အလုပ်လျှောက်လွှာတွေကိုတော့ ပြီးခဲ့တဲ့(၂၀၁၈)ဒီဇင်ဘာလ(၁၈)ရက်မှ (၂၈)ရက်အထိ လျှောက်လွှာထုတ်ပေးခဲ့ တယ်လို့သိရပါတယ်။ အခုအလုပ်လျှောက်လွှာလက်ခံရာမှာတော့ တစ်ရက်ကို မြန်မာရွှေ့ပြောင်း လုပ်သား(၆၅၀)ဦးနှုန်းနဲ့ လက်ခံနေတယ်လို့ သိရပါတယ်။ကိုရီးယားနိုင်ငံကိုသွားရောက်မယ့် မြန်မာရွှေ့ပြောင်းလုပ်သားတွေကို အခြေခံကျွမ်းကျင်မှုနဲ့ လုပ်ကိုင်နိုင်မှု အရည်အချင်း စစ်ဆေးရာမှာ အမြင်အာရုံ၊ ခန္ဓာကိုယ်ကျန်းမာသန်စွမ်းမှုအပြင် လက်တွေ့လုပ်ကိုင်နိုင်မှုတွေကို အစစ်ဆေးခံခဲ့ရတယ်လို့ သိရပါတယ်။

ဒါ့အပြင် အလုပ်သမား တွေ အနေနဲ့ အခုလိုအစိုးရအေဂျင်စီနဲ့ တရားဝင်သွားရောက်မယ့်အပေါ် ယုံကြည်မှု ရှိပြီး လုပ်ခလစာအပြင် အချိန်ပိုကြေးအပါအ၀င် တစ်လသိန်း(၂၀)၀န်းကျင်ရရှိမှာဖြစ်တာကြောင့် အဆင်ပြေတယ်လို့ ပြောပါတယ်။အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ မြန်မာရွှေ့ပြောင်းလုပ်သားများကိုရီးယားနိုင်ငံမှာ အလုပ်အကိုင် အရရှိရေးအတွက် အစိုးရပြည်ပအလုပ်အကိုင်အေဂျင်စီနဲ့ ကိုရီးယားနိုင်ငံ၊ ကိုရီးယားလူ့စွမ်းအားဖွံ့ဖြိုးမှု အဖွဲ့အစည်းတို့ပူးပေါင်းပြီး (၂၀၁၁)ခုနှစ်မှ (၂၀၁၈)ခုနှစ်အထိ လုပ်သား(၃၆၀၀၀)ကျော်စေလွှတ်ပြီးဖြစ်တယ်လို့သိရပါတယ်။ 

 

 

Related News