ရွှေတိဂုံစေတီတော်ကို နိုင်ငံခြားသားဝင်ရောက်မှုဟာ (၂၀၁၈)ခုနှစ် နှစ်စပိုင်းမှာ လျော့ကျခဲ့ပြီး နောက်ပိုင်းမှဝင်ရောက်မှု ပြန်လည်များပြား လာခဲ့ပေမယ့် နှစ်ကုန်ပိုင်းမှာတော့ နိုင်ငံခြားသားဝင်ရောက်မှုတွေလျော့ကျသွားတယ်လို့  ရွှေတိဂုံစေတီတော်ဂေါပကအဖွဲ့က သိရပါတယ်။ (၂၀၁၈)ခုနှစ်အတွင်း ရွှေတိဂုံစေတီတော်ကို နိုင်ငံခြားသားဘုရားဖူးခရီးသွား ၀င်ရောက်မှုအနေနဲ့ ထိုင်း၊ ကိုရီးယား၊ တရုတ်၊ ဂျပန်နိုင်ငံတွေက အများဆုံး လာရောက်ကြတာဖြစ်တယ်လို့ သိရပါတယ်။ (၂၀၁၈)ခုနှစ်ရဲ့ နှစ်စပိုင်းတွေဖြစ်တဲ့ ဇန်န၀ါရီလနဲ့ ဖေဖော်ဝါရီလတွေမှာ နိုင်ငံခြားသားဝင်ရောက်မှုဟာ (၂၀၁၇)ခုနှစ် ၀င်ရောက်မှုနဲ့ နှိုင်းယှဉ်ရင် (၉၀၀၀)ခန့်ကျ ဆင်းသွားခဲ့တယ်လို့ သိရပါတယ်။ မတ်လကစတင်ပြီး နိုင်ငံခြားသားဝင်ရောက်မှုပြန်လည်တိုးတက်လာခဲ့ပြီး မတ်လမှာ (၁)သောင်းကျော် ပြန်လည်များပြားလာခဲ့ပါတယ်။ မတ်လကနေ ဇွန်လအထိ နိုင်ငံခြားသားဝင်ရောက်မှုများပြားနေပြီး ဇူလိုင်လကစတင်ပြီး နိုင်ငံခြားသားဝင်ရောက်မှုပြန်လည်ကျဆင်းခဲ့တယ်လို့သိရပါတယ်။

နိုင်ငံခြားသားဝင်ရောက်မှုဟာ ဇူလိုင်လကနေ အောက်တိုဘာလထိ တစ်လကို ပျမ်းမျှ (၄၀၀၀)ခန့်စီ ကျဆင်းလာခဲ့တယ်လို့သိရပါတယ်။ နိုင်ငံခြားသားဝင်ရောက်မှုဟာ (၂၀၁၇)ခုနှစ် ဒီဇင်ဘာလက စတင်ပြီး သိသိသာသာ လျော့ကျခဲ့တာ ဖြစ်တယ်လို့ သိရပါတယ်။ (၂၀၁၈)ခုနှစ်အတွင်း နိုင်ငံခြားသားတွေအတွက် ၀န်ဆောင်မှုတွေအဖြစ် တောင်ဘက်မုခ်နဲ့ အနောက်ဘက်မုခ်များမှာ ကော်ဖီ၊ စနိုးတာဝါ၊ ရေသန့်ဘူး များကိုလည်း ပေးထားတယ်လို့သိရပါတယ်။ ဒါ့အပြင်တောင်ဘက်မုခ်နဲ့ အနောက်ဖက်မုခ်များမှာ အိမ်သာများထားရှိပေးထားပြီး လုံချည်များကိုလည်း ငှားရမ်းပေးထားတယ်လို့သိရပါတယ်။ ရွှေတိဂုံစေတီတော်ရဲ့ ဧည့်ဝင်ကြေးကောက်ခံရရှိငွေများကိုတော့  ရွှေတိဂုံစေတီ တော်နဲ့စေတီတော်ပရ၀ုဏ်အတွင်း အဆောက်အဦးများပြန်လည်ပြင်ဆင်မှုအတွက် အသုံးပြုနေတယ်လို့ သိရပါတယ်။ ရွှေတိဂုံစေတီတော်ကို (၂၀၁၇)ခုနှစ်အတွင်း နိုင်ငံခြားသားဧည့်သည်(၅)သိန်းခွဲကျော်ဝင်ရောက်ခဲ့ပေမယ့် (၂၀၁၆)ခုနှစ်နဲ့နှိုင်းယှဉ်ရင် (၆)သောင်း ကျော်လျော့ကျခဲ့တယ်လို့ သိရပါတယ်။      

 

 

Related News