သပြေပညာရေးဖောင်ဒေးရှင်းကစီစဉ်တဲ့ ခေါင်းဆောင်မှုပညာနှင့် လူမှုရေးသိပ္ပံသင်တန်းကို တစ်နှစ်တာတက်ရောက်ပြီး ဖြစ်တဲ့ ကျောင်းသား၊ ကျောင်းသူများရဲ့ ဘွဲ့နှင်းသဘင်အခမ်းအနားကို ဒီဇင်ဘာလ(၁၄)ရက်က ပြည်လမ်းရှိ IBC မှာ ပြုလုပ်ခဲ့ပါတယ်။ ခေါင်းဆောင်မှု ပညာနှင့်လူမှုရေးသိပ္ပံ (Communit Leadership and Social Studies) သင်တန်းကို သပြေပညာရေး ဖောင်ဒေးရှင်းက ဖွင့်လှစ် သင်ကြားပေးနေတာ ဖြစ်ပါတယ်။ ဒီသင်တန်းက တစ်နှစ်တာကြာမြင့်ပြီး တစ်နိုင်ငံလုံးမှ ကျောင်းသား၊ ကျောင်းသူဦးရေ (၆၀)ကို သုံးသုတ်ခွဲပြီး လက်ခံသင်ကြားပေးနေတာပါ။ ယခုပွဲမှာတော့ အပတ်စဉ် (၉)၊ (၁၀)နဲ့ (၁၁) တက်ရောက်အောင်မြင်ခဲ့တဲ့  ကျောင်းသား၊ကျောင်းသူတွေကို ဘွဲ့လက်မှတ်ပေး အပ်တာဖြစ်ပါတယ်။ ဒီသင်တန်းမှာ တန်းခွဲ ၁၈ ခုကို နာရီပေါင်း ခုနစ်ရာ သင်ကြားပေးခဲ့ပြီး ပြင်ပမှာ နာရီပေါင်း ၃၃၀ ကျော် လက်တွေ့သင်ယူမှု လုပ်ခဲ့ပြီးမှ ကျောင်းဆင်း အသိအမှတ်ပြုလက်မှတ်ထုတ်ပေးတယ်လို့ သိရပါတယ်။ 

ခေါင်းဆောင်မှုပညာနဲ့ လူမှုရေးသိပ္ပံသင်တန်းမှာတော့ နိုင်ငံသားကောင်းဖြစ်ရေးနဲ့ မတူကွဲပြားခြားနားတာတွေကို တန်ဖိုး ထားတတ်ရေး၊ မြန်မာနိုင်ငံရဲ့ တိုးတက်ရေး ဖြစ်စဉ်တွေမှာ လူငယ်တွေ ပါဝင်လာရေးအတွက် ဖွင့်လှစ် သင်ကြားပေးတာ ဖြစ်ပါတယ်။ ဒီသင်တန်းမှာ ဆုရခဲ့တဲ့ လူငယ်တွေကတော့ တိုင်းရင်းသားပေါင်းစုံနဲ့ အတူတူ နေထိုင်သင်ကြားခဲ့ရတာက အတွေ့ကြုံကောင်းတစ်ခုဖြစ်တယ်လို့ပြောပါတယ်။  သပြေပညာရေးဖောင်ဒေးရှင်းနဲ့ ချိတ်ဆက်ထားတဲ့ အဖွဲ့အစည်း နှစ်ဆယ်ကျော်က ခေါင်းဆောင်မှု ပညာနဲ့ လူမှုရေးသိပ္ပံ သင်တန်းတက်ရောက်ခွင့်ဖောင်တွေကို နိုင်ငံအနှံ့ ဖြန့်ဝေပေးတယ်လို့သိရပါတယ်။ သင်တန်းဝင်ခွင့် ဖောင်လျှောက်ထား တဲ့ သူတွေကိုတော့ လူကိုယ်တိုင် ဒါမှမဟုတ် ဖုန်းနဲ့ ဆက်သွယ်ပြီး မေးမြန်းစစ်ဆေး ခေါ်ယူတယ်လို့ သိရပါတယ်။ 

 

 

Related News