လူငယ်လုပ်ငန်းရှင်များအနေနဲ့ အခြားသူတွေ မတွေးထားတဲ့ကိစ္စတွေကို တွေးကြပြီး တခြားနိုင်ငံမှာမလုပ်သေးတဲ့ ကိစ္စတွေကို လုပ်ကြဖို့ ဒီဇင်ဘာလ(၁၄)ရက်က နေပြည်တော် အပြည်ပြည်ဆိုင်ရာကွန်ဗင်းရှင်းဗဟိုဌာန(၂) မှာ ပြုလုပ်ခဲ့တဲ့ တတိယ အကြိမ်မြောက် မြန်မာ့စွန့်ဦးလုပ်ငန်းရှင်များ ညီလာခံမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ပြောကြားခဲ့ပါတယ်။ လုပ်ငန်းရှင်များအနေနဲ့ တခြားသူတွေ မတွေးထားတဲ့ ကိစ္စတွေကိုတွေးကြပါ၊ တစ်ခြားနိုင်ငံမှာ မလုပ်သေးတဲ့ကိစ္စတွေကို လုပ်ကြဖို့ နိုင်ငံတော်၏အတိုင်ပင်ခံပုဂ္ဂိလ်က မှာကြားခဲ့ပါတယ်။ ဒါ့အပြင်နိုင်ငံအတွင်းက လူငယ်လုပ်ငန်းရှင်များ တမူထူးခြား ပြီးတော့ စီးပွားရေးလုပ်ငန်းတွေကို မိမိတို့အတွက်သာမက နိုင်ငံအတွက် လုပ်ဆောင်နေတယ်ဆိုတဲ့ စိတ်ဓာတ်ကို မွေးမြူကြ ပါလို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။

ယခုခေတ် လူငယ်တွေ အနေနဲ့ IT လုပ်ငန်းတွေကို ကောင်းမွန်စွာ အသုံးချနိုင်တဲ့အတွက် အချိန်တိုလေးအတွင်းမှာ နိုင်ငံတကာကို ရင်ဘောင်တန်းနိုင်မယ်လို့ ရှမ်းပြည်နယ် လူငယ်စွန့်ဦးတီထွင်လုပ်ငန်းရှင်များ အသင်းရဲ့ဥက္ကဋ္ဌ ဦးစိုင်းမြင့်ဌေး က ပြောပါတယ်။ လူငယ်စွန့်ဦးတီထွင်လုပ်ငန်းရှင်များရဲ့ ညီလာခံကိုတော့ ၂၀၁၆ ခုနှစ်က စတင်ပြုလုပ်ခဲ့တာဖြစ်ပြီး အခုနှစ်ကတော့ တတိယ အကြိမ်မြောက် ပြုလုပ်တာလည်းဖြစ်ပါတယ်။

 

 

 

Related News