ပညာရေးဝန်ကြီးဌာနနဲ့ ဂျပန်နိုင်ငံတကာပူးပေါင်းဆောင်ရွက်ရေး အေဂျင်စီ (JICA) တို့ ပူးပေါင်းပြုလုပ်တဲ့ Copyright System and Computer Program Registration ဆွေးနွေးပွဲကို ဒီဇင်ဘာလ (၁၃)ရက်က ရန်ကုန်မြို့ MICT Park မှာပြုလုပ်ခဲ့ပါတယ်။ဒီဆွေးနွေးပွဲမှာ  စာပေ၊အနုပညာမူပိုင်ခွင့်နဲ့ပတ်သက်တဲ့အကြောင်းအရာတွေ၊ ကွန်ပျူတာ registration နဲ့ ပတ်သက်တဲ့အကြောင်းအရာတွေ၊ လက်ရှိမှာ ကွန်ပျူတာ ပရိုဂရမ်မာတွေ တွေ့ကြုံနေရတဲ့ အခက်အခဲတွေနဲ့ မူပိုင်ခွင့်ဥပဒေအကြောင်း တွေကို ပြည်သူတွေ သိရှိနိုင်စေရန် ရည်ရွယ်ပြုလုပ်တာဖြစ်တယ်လို့သိရပါတယ်။

ဒါ့အပြင် ကွန်ပျူတာပရိုဂရမ်မာတွေအနေနဲ့ သူတို့ရေးဆွဲထားတဲ့ကိုပိုင်ပရိုဂရမ်တွေကို ပိုင်ဆိုင်ခွင့်၊မူပိုင်ခွင့်ဆိုင်ရာ အကာကွယ်ပေးမှုစနစ်နဲ့ပတ်သက်ပြီး ကွန်ပျူတာ ကျောင်းသားကျောင်းသူတွေ သိရှိအောင်လို့ အခုလိုဆွေးနွေးပွဲတွေပြုလုပ်တာဖြစ်ပါတယ်။ပညာရေးဝန်ကြီးဌာနကရေးဆွဲထားတဲ့ မူပိုင်ခွင့်ဥပဒေ (၄)ရပ်ကိုလည်း အမျိုးသားလွှတ်တော်ကို တင်သွင်းထားပြီး အဲ့ဒီမူပိုင်ခွင့်တွေ ပေါ်ပေါက်လာခဲ့ရင်တော့ စာပေ၊အနုပညာ မူပိုင်ခွင့် နဲ့ပတ်သက်ပြီး အကာကွယ်ပေးတာတွေ လုပ်ဆောင်နိုင်မှာ ဖြစ်တယ်လို့သိရပါတယ်။ အခုလိုမူပိုင်ခွင့်နဲ့ပတ်သက်ပြီး အသိပညာပေးဆွေးနွေးမှုတွေကို ရန်ကုန်တိုင်းဒေသကြီးအပြင် တခြားတိုင်းဒေသကြီးတွေမှာလည်း လုပ်ဆောင်သွားဖို့ရှိတယ်လို့သိရပါတယ်။

 

 

Related News