ဆောက်လုပ်ရေးလုပ်ငန်းတွေမှာ လုပ်ငန်းခွင်ဘေးအန္တရာယ်ကင်းရှင်းရေးလုပ်ဆောင်မှုနည်းပါးနေတယ်လို့ မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များ အသင်းက သိရပါတယ်။ 
မြန်မာနိုင်ငံအနေနဲ့ ဆောက်လုပ်ရေးလုပ်ငန်းတွေမှာ လုပ်ငန်းခွင်ဘေးအန္တရာယ်ကင်းရှင်းရေး နဲ့ ပတ်သက်ပြီး ပြီးခဲ့တဲ့(၆)နှစ်ကလုပ်ဆောင်ခဲ့ပေမယ့် လုပ်ငန်းခွင်အတွင်းမှာတော့ အလေးထားလုပ်ဆောင်မှုက အားနည်းနေသေးတယ်လို့သိရပါတယ်။လက်ရှိမှာတော့ အလုပ်ရှင်နဲ့ အလုပ်သမားတွေကို လုပ်ငန်းခွင်ဘေးအန္တရာယ် ကင်းရှင်ရေးနဲ့ ပတ်သက်တဲ့ ဗဟုသုတတွေ၊ အသိပညာပေးမှုတွေက  လိုအပ်နေသေးတယ်လို့ မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်း အထွေထွေအတွင်းရေးမှူး ဦးမျိုးမြင့် ကပြောပါတယ်။ 

မြန်မာနိုင်ငံမှာ လုပ်ငန်းခွင်ဘေးအန္တရာယ်ကင်းရှင်းရေးနဲ့ ပတ်သက်တဲ့ ဥပဒေမရှိသေးပါဘူး။ အဆိုပါ ဥပဒေရှိလာခဲ့ရင်တော့ အလုပ်ရှင်နဲ့ အလုပ်သမားတွေ လိုက်နာဖို့ လိုအပ်တယ်လို့လည်း မြန်မာနိုင်ငံဆောက်လုပ်ရေးဆိုင်ရာ လုပ်ငန်းရှင်များအသင်းအထွေထွေအတွင်းရေးမှူး ကပြောပါတယ်။အလုပ်သမားတွေအနေနဲ့လဲ လုပ်ငန်းခွင်ဘေးအန္တရာယ်ကင်းရှင်းရေးနဲ့ ပတ်သက်တဲ့ လွဲမှားမှုတွေက လက်ရှိလုပ်ငန်းခွင်မှာ ရှိနေတာကြောင့် ပြင်ဆင်သင့်တယ်လို့ပြောပါတယ်။

လုပ်ငန်းခွင်ဘေးအန္တရာယ်ကင်းရှင်းရေးနဲ့ ပတ်သက်တဲ့ ဟောပြောပွဲတွေ၊ သင်တန်းတွေနည်းပါးနေသေးတာကြောင့် နယ်တွေက ဆောက်လုပ်ရေးလုပ်ငန်းခွင်တွေမှာလဲ လုပ်ငန်းခွင်ဘေးအန္တရာယ် ကင်းရှင်းရေးအတွက်အလှမ်းဝေးနေသေးတယ်လို့သိရပါတယ်။လာမယ့် (၂၀၁၉)ခုနှစ် ဇန်န၀ါရီလ(၁၈)ရက်နဲ့ (၁၉)ရက်မှာတော့ Melia Hotel မှာ လုပ်ငန်းခွင်ဘေးအန္တရာယ်ကင်းရှင်းရေးနှင့် ခေါင်းဆောင်မှုဆိုင်ရာ ညှိနှိုင်းဆွေးနွေးပွဲကို မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်း၊ မြန်မာနိုင်ငံအင်ဂျင်နီယာအသင်း၊ မြန်မာနိုင်ငံအင်ဂျင်နီယာကောင်စီ၊ ASK Limited နဲ့ နည်းပညာကျောင်းမှကျောင်းသား ကျောင်းသူတွေပူးပေါင်းပြီး ပြုလုပ်သွားမယ်လို့သိရပါတယ်။

 

 

Related News