ပညာရေးဝန်ကြီးဌာန၊ အခြေခံပညာဦးစီးဌာနနဲ့ Plan International Myanmar တို့ပူးပေါင်းပြီး မြန်မာ့ရပ်ရွာလူထုဘေးဒဏ် ကြံ့ကြံ့ခိုင်နိုင်စွမ်းတိုးမြှင့်ရေးစီမံကိန်းအတွက် ကျောင်းပေါင်း(၂၀)က ကျောင်းဆရာ၊ ဆရာမတွေကို စာသင်ကျောင်းဘေးကင်း လုံခြုံရေး အစီအစဉ်ဖြင့်ဆင့်ပွားသင်တန်းများ ပို့ချပေးနေတာဖြစ်တယ်လို့ သိပါတယ်။ မြန်မာ့ရပ်ရွာလူထုဘေးဒဏ်ကြံ့ကြံ့ခိုင်နိုင်စွမ်းတိုးမြှင့်ရေးစီးမံကိန်းကို ၂၀၁၈ခုနှစ် ဇူလိုင်လကစတင် ဆောင်ရွက်နေတာဖြစ်ပြီး၊ ဒီစီမံကိန်းမှာပါဝင်တဲ့ စာသင်ကျောင်းဘေးကင်းလုံခြုံရေးအစီအစဉ်ကိုတော့ မြန်မာနိုင်ငံအတွင်း ရှိ ကျောင်းပေါင်း(၂၀)မှာစတင်ဆောင်ရွက်သွားမှာဖြစ်တယ် လို့သိရပါတယ်။

စာသင်ကျောင်း ဘေးကင်းလုံခြုံရေးအစီအစဉ်ကို ရန်ကုန်တိုင်းဒေသကြီး မင်္ဂလာတောင်ညွှန့်မြို့နယ်မှာရှိတဲ့ အ.ထ.က(၃)၊ အ.လ.က(၁)၊ အ.လ.က(၂)  စတဲ့အခြေခံပညာကျောင်း(၃)ကျောင်းမှာ နိုဝင်ဘာလ(၁၄)ရက်ကနေ(၁၆)ရက်အထိ ပြုလုပ်သွားမှာဖြစ်ပါတယ်။ ဒါ့အပြင် မန္တလေးတိုင်းဒေသကြီး ချမ်းမြေ့သာစံမြို့နယ် အတွင်းမှာရှိတဲ့ အ.ထ.က(၅)၊ အ.ထ.က(၁၃) စတဲ့အခြေခံပညာကျောင်း(၂)ကျောင်းတွေမှာလည်း နိုဝင်ဘာလ(၁၆)ရက်မှ (၁၈)ရက်ထိ ဆောင်ရွက်သွားမှာဖြစ်ပြီး  ရခိုင်ပြည်နယ်အတွင်းမှာရှိတဲ့ ဘုန်တော်ကြီးသင်စာသင်ကျောင်း(၅)ကျောင်း အပါအ၀င် အခြေခံပညာကျောင်း(၅)ကျောင်း နဲ့ ယာယီ စာသင်ကျောင်း(၅)ကျောင်းတို့မှာ နိုဝင်ဘာလ (၂၄)ရက်ကနေ (၂၆)ရက်ထိ ဘက်စုံဘေးကင်းလုံခြုံသော စာသင်ကျောင်းဆင့်ပွား သင်တန်းများကိုပို့ချပေးသွားမှာ ဖြစ်တယ်လို့သိရပါတယ်။

ဘက်စုံဘေးကင်းလုံခြုံသော စာသင်ကျောင်းဆင့်ပွားသင်တန်းမှာ မုန်တိုင်း၊ မီးဘေး၊ ရေးဘေး၊ ငလျင်အစရှိတဲ့ သဘာဝဘေးအန္တရာယ်ကြိုတင်ကာကွယ်ခြင်းများ၊ ဖြစ်ပွားခဲ့ရင် ဆောင်ရန်၊ ရှောင်ရန်များနဲ့ ကျောင်းတွေမှာ စာသင်ကြားခြင်း တစ်ခုတည်း မဟုတ်ဘဲ ပတ်ဝန်းကျင်အနေအထားနဲ့ နေရာဒေသအလိုက် အဆောက်အအုံ အခြေအနေတွေ၊ ဘေးအန္တရာယ်ဆိုင်ရာ ဗဟုသုတတွေကို သင်တန်းပေးပို့ချပေးသွားမှာ ဖြစ်တယ်လို့ သိရပါတယ်။ သင်တန်းတက်ရောက်ပြီးသွားတဲ့ ဆရာ၊ ဆရာမတွေက တဆင့် အခြားကျောင်းတွေမှာရှိတဲ့ ဆရာ၊ ဆရာမတွေ နဲ့ ကျောင်းသား ကျောင်းသူတွေကို ဆင့်ပွားပြန်လည် သင်တန်းပေး ပို့ချရမှာဖြစ်တယ်လို့ သိရပါတယ်။မြန်မာ့ရပ်ရွာလူထုဘေးဒဏ်ကြံ့ကြံ့ခိုင်နိုင်စွမ်းတိုးမြှင့်ရေးစီးမံကိန်းမှာ ပါဝင်တဲ့ သဘာဝဘေးလျော့ပါးရေး အစီအစဉ်မှာ ပညာရေးပိုင်းအပြင် ကျန်းမာရေးနဲ့ အဆောက်အဦပိုင်းဆိုင်ရာ လှုပ်ရှားမှုတွေလည်း ပါဝင်နေတာဖြစ်ပြီး၊ စီမံကိန်းကာလအနေနဲ့ (၁၈)လထိ သတ်မှတ်ထားတာဖြစ်တယ်လို့ သိရပါတယ်။

 

 

Related News