မြန်မာ-ဂျပန် နှစ်နိုင်ငံစီးပွားရေးလုပ်ငန်းရှင်တွေ တွေ့ဆုံပြီးလုပ်ငန်းတွေချိတ်ဆက်နိုင်မယ့် Nobeo(နိုဘယ်အို) Cafe’ Seminer & Business Matching အစီအစဉ်ကို နိုဝင်ဘာလ(၇)ရက်က မန္တလေးမြို့ Hilton Mandalay Hotel မှာပြုလုပ်ခဲ့ပါတယ်။ မန္တလေး သတင်းအဖွဲ့မှ အာကာစံက တင်ဆက်ပေးပါမယ်။စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ JICA(ဂျိုက်ကာ)နဲ့ UMFCCI တို့ ပူးဆောင်ရွက်မှုနဲ့ မြန်မာ - ဂျပန်လူ့စွမ်းအား အရင်းအမြစ် ဖွံ့ဖြိုးတိုးတက်မှု ဗဟိုဌာန(MJC) ကို တည်တောင်ထားပါတယ်။

အခုပြုလုပ်တဲ့ Nobeo(နိုဘယ်အို) Cafe’ Seminer ကို မြန်မာ- ဂျပန်စီးပွားရေးလုပ်ငန်းရှင်များအသင်း(MABA)၊ နိုဘယ်အိုက-မြန်မာချစ်ကြည်ရေးအသင်းနဲ့ နိုဘယ်အိုကမြို့မှာရှိတဲ့ ကုမ္ပဏီတွေ ပူးပေါင်းပြုလုပ်တာဖြစ်ပါတယ်။ ဒီအစီအစဉ်ဟာ မန္တလေးမြို့က စီးပွားရေးလုပ်ငန်းရှင်တွေနဲ့ ဂျပန်နိုင်ငံနိုဘယ်အိုကမြို့က စီးပွားရေး လုပ်ငန်းရှင် တွေ အတူတကွ စီးပွားရေးလုပ်ငန်းတွေချိတ်ဆက်ပြီး အတူတကွပူးပေါင်းဆောင်ရွက်နိုင်ဖို့ ရည်ရွယ်တယ်လို့ သိရပါတယ်။ 


အခုပြုလုပ်တဲ့ မြန်မာ - ဂျပန်စီးပွားရေးလုပ်ငန်းတွေ့ဆုံပွဲ Nobeo(နိုဘယ်အို) Cafe’ Seminer ကို တတိယအကြိမ် ပြုလုပ်တာဖြစ်ပါတယ်။ မြန်မာ-ဂျပန်လုပ်ငန်းရှင်များ တွေ့ဆုံပွဲအစီအစဉ်မှာ ဂျပန်ကုမ္ပဏီတွေက စွန့်ပစ်ပစ္စည်းစုဆောင်းခြင်းနဲ့ သယ်ယူပို့ဆောင်ခြင်း လုပ်ငန်း၊ ပတ်ဝန်းကျင်နဲ့သက်ဆိုင်တဲ့စက်တွေထုတ်လုပ်တာ၊ လျှပ်စစ်ပစ္စည်းနဲ့လျှပ်စစ်လုပ်ငန်း၊ ကားလုပ်ငန်းဆိုင်ရာတွေ၊ Online က ရောင်းချခြင်း တွေအပြင် လူ့စွမ်းအားအရင်းအမြစ်ဖွံ့ဖြိုးတိုးတက်ရေးဆိုင်ရာတွေကို ရှင်းလင်းမိတ်ဆက်ခဲ့ပါတယ်။ 

မြန်မာ-ဂျပန်စီးပွားရေးလုပ်ငန်းတွေ့ဆုံပွဲမှာ နိုဘယ်အိုကမြို့က ကီယောမိုတိုကုမ္ပဏီနဲ့ မန္တလေးမြို့မှ Top Myanmar ကုမ္ပဏီတို့ လုပ်ငန်းသဘောတူစာချုပ်ချုပ်ဆိုနိုင်ခဲ့တယ်လို့ သိရပါတယ်။ မြန်မာ-ဂျပန်စင်တာက ကြီးမှူးပြီး JICA(ဂျိုက်ကာ) Two Step Loan Seminer ကို မန္တလေးစက်မှုဇုန်မှာပြုလုပ်သွားဖို့ရှိတယ်လို့လည်းသိရပါတယ်။ 

 

 

Related News