ဒဂုံတက္ကသိုလ်နဲ့ ကိုရီးယားနိုင်ငံ Chonbuk (ချွန်းဘောက်)တက္ကသိုလ်တို့ပူးပေါင်းပြီး ဒုတိယအကြိမ် ပညာရေးဆွေးနွေးပွဲကို နိုဝင်ဘာလ(၇)ရက်က ရန်ကုန်မြို့ ဒဂုံတက္ကသိုလ်မှာပြုလုပ်ခဲ့ပါတယ်။ ပညာရေးဆွေးနွေးပွဲမှာ သဘာဝပတ်ဝန်းကျင် အကြောင်းကို အဓိကဆွေးနွေးခဲ့ပြီး ရုက္ခဗေဒ ဘာသာရပ်နဲ့သက်ဆိုင်တဲ့အကြောင်းအရာတွေ၊ သဘာဝပတ်ဝန်းကျင်ကို တန်ဖိုးထားတတ်နိုင်စေရန်၊ အပင်တွေအကြောင်း၊ အပင်တွေရဲ့ အသုံးဝင်မှုတွေကို စာတမ်းပြုစုပြီး အခုလိုဆွေးနွေးပွဲတွေ ပြုလုပ်တာဖြစ်တယ်လို့သိရပါတယ်။

ဒါ့အပြင် ကိုရီးယားနိုင်ငံ Chonbuk (ချွန်းဘောက်)တက္ကသိုလ်နဲ့ ဒဂုံတက္ကသိုလ် ရုက္ခဗေဒဌာနက MOU ရေးထိုးထားတာဖြစ်ပြီး (၄)နှစ်တာစီမံကိန်း ပရောဂျက်ကိုလည်း လုပ်ဆောင်နေတာ ဖြစ်တယ်လို့ သိရပါတယ်။ဒါ့အပြင် ပညာရေးဆွေးနွေးပွဲမှာ ရန်ကုန်တိုင်းဒေသကြီးအပြင် မန္တလေးတိုင်းဒေသကြီးနဲ့ တခြားသောတိုင်းဒေသကြီး အသီးသီးက တက္ကသိုလ်ကျောင်းတွေမှာ ရုက္ခဗေဒဘာသာရပ်ကို သင်ကြားပေးခဲ့တဲ့ ဆရာကြီးတွေကလည်း အပင်တွေနဲ့ ပတ်သက်တဲ့စာတမ်းတွေကို ဖတ်ကြားဆွေးနွေးခဲ့ကြပါတယ်။ဆွေးနွေးပွဲမှာတော့ UseFul Plant and Paper ခေါင်းစဉ်နဲ့ ဆွေးနွေးခဲ့ကြတာ ဖြစ်ပါတယ်။

ပညာရေးဆွေးနွေးပွဲကို နိုဝင်ဘာလ (၇)ရက်ကနေ(၉)ရက်အထိပြုလုပ်မှာဖြစ်ပြီး ဆွေးနွေးပွဲတက်ရောက်ပြီးတဲ့ ဆရာ၊ ဆရာမကြီးတွေကို ကိုးရီးယားနိုင်ငံ Chonbuk (ချွန်းဘောက် ) တက္ကသိုလ်မှ အသိမှတ်ပြုလက်မှတ်ပေးအပ်သွားမှာ ဖြစ်တယ်လို့ သိရပါတယ်။ 

Related News