ပို့ဆောင်ရေးနှင့်ဆက်သွယ်ရေးဝန်ကြီးဌာန၊မြန်မာ့ဆိပ်ကမ်းအာဏာပိုင်ရဲ့ (၃၂)မီတာ၊ မြင်းကောင်ရေ  (၃၀၀၀) ဆိပ်ကမ်းသုံးတွန်း/ဆွဲ ရေယာဉ် မာန်အောင် (၄) လွှဲပြောင်းပေးအပ်ပွဲကို နိုဝင်ဘာလ (၆)ရက်က ရန်ကုန်မြို့ သိမ်ဖြူ သင်္ဘောကျင်းဝင်းအတွင်းမှာပြုလုပ်ခဲ့ ပါတယ်။ ပြည်တွင်းရဲ့ ကုန်သွယ်ရေးလုပ်ငန်းတွေမှာ ရေကြောင်းကုန်သွယ်မှု လုပ်ငန်းက အဓိက အခန်းကဏ္ဍတွေမှာပါဝင်နေပြီး နိုင်ငံရဲ့ ရေကြောင်းကုန်သွယ်မှုလုပ်ငန်းကလည်း တစ်နှစ်ထက် တစ်နှစ်တိုးတက်လာတဲ့အတွက် ဆိပ်ကမ်းကဏ္ဍကလည်း အဓိက ပါဝင်လာတာ ဖြစ်ပါတယ်။

ဒါ့အပြင် ရန်ကုန်ဆိပ်ကမ်းကလည်း ပြည်တွင်းက ပင်လယ်ရေကြောင်းကုန်စည်တွေကို အဓိကကုန်သွယ်ပေးနေတဲ့ ဆိပ်ကမ်းဖြစ်ပြီး ဆိပ်ကမ်းအတွင်းမှာ အန္တရာယ်ကင်းစွာ ၀င်၊ထွက်သွားလာနိုင်စေဖို့အတွက် ရေလမ်းကြောင်းကောင်းမွန်ရေး၊ ရေကြောင်း အထောက်အကူပြုကိရိယာတွေနဲ့ ဆိပ်ကမ်းလုပ်ငန်းသုံး ရေယာဉ်ကြီးငယ်တွေ တိုးတက်ရေးအတွက် ဆိပ်ကမ်းသုံး တွန်း/ဆွဲ ရေယာဉ်တွေက အဓိကလိုအပ်နေတာဖြစ်ပါတယ်။

(၃၂)မီတာ၊ မြင်းကောင်ရေ  ၃၀၀၀  ဆိပ်ကမ်းသုံးတွန်း/ဆွဲ ရေယာဉ် မာန်အောင် (၄)ဟာ ရန်ကုန်ဆိပ်ကမ်းအတွင်းမှာ လက်ရှိအသုံးပြုနေတဲ့   စွမ်းအားအကြီးဆုံး ရေယာဉ်လည်း ဖြစ်ပါတယ်။အခုလွှဲပြောင်းပေးအပ်လိုက်တဲ့ မာန်အောင် (၄)ရေယာဉ်က ရန်ကုန်ဆိပ်ကမ်းနဲ့သီလ၀ါဆိပ်ကမ်းကို ၀င်ရောက် ဆိုက်ကပ်နေတဲ့ တန်ချိန်(၂၀၀၀)နှင့်အထက် ပိုမိုကြီးမားတဲ့ သင်္ဘောကြီးတွေနဲ့ အပျော်စီးခရီးသည်တင် သင်္ဘောကြီးတွေအတွက်ပါ ၀န်ဆောင်မှု ပေးနိုင်မှာဖြစ်တယ်လို့ သိရပါတယ်။

မာန်အောင် (၄)ရေယာဉ်က အလျား (၃၂)မီတာ၊ အနံ (၁၁)မီတာနဲ့ စောက်(၅)မီတာရှိပြီး တစ်နာရီရေမိုင်နှုန်း (၁၂)မိုင် နှုန်းမောင်းနှင်နိုင် တယ်လို့ သိရပါတယ်။ အင်ဂျင်ပါဝါမှာ မြင်းကောင်ရေ (၁၅၈၂)ရှိပြီး အင်ဂျင်(၂)လုံး၊စုစုပေါင်း ပါဝါ(၃၁၆၄)ရှိတဲ့အတွက် မြန်မာ့ဆိပ်ကမ်း အာဏာပိုင်မှာ စွမ်းအားအကြီးဆုံးဖြစ်ပါတယ်။

 

 

Related News