ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များအသင်းက ဦးစီးကျင်းပတဲ့ Investment Myanmar Summit 2019 ပြပွဲကို လာမယ့် (2019)ခုနှစ် ဇန်န၀ါရီလမှာ ပြုလုပ်သွားမှာဖြစ်တယ်လို့ နိုဝင်ဘာလ (၆)ရက်က ရန်ကုန်မြို့ UMFCCI ခန်းမမှာပြုလုပ်ခဲ့တဲ့ သတင်းစာရှင်းလင်းပွဲကသိရပါတယ်။ Investment Myanmar Summit 2019 ပြပွဲကို ဇန်န၀ါရီလ(၂၈)ရက် နဲ့ (၂၉)ရက်တို့မှာ နေပြည်တော်မှာရှိတဲ့ Myanmar International Convention Centre II (MICC II) ခန်းမမှာပြုလုပ်မှာဖြစ်ပါတယ်။ ပြည်တွင်းပြည်ပက ရင်းနှီးမြှပ်နှံသူတွေအနေနဲ့ ပြည်တွင်းမှာစီးပွားရေးလုပ်ငန်း လုပ်ကိုင်နိုင်တဲ့အခွင့်အရေးတွေ ရှာဖွေတွေ့ရှိနိုင်စေရန် ပြည်တွင်းက ရင်းနှီးမြှပ်နှံမှုအခြေအနေနဲ့အခွင့်အလမ်းတွေကို ပြည်တွင်းပြည်ပက  ရင်းနှီးမြှပ်နှံသူတွေ ပိုမိုနားလည်လာစေရန်  ရည်ရွယ်ပြုလုပ်တာဖြစ်တယ်လို့သိရပါတယ်။  အဆိုပါပြပွဲမှာ ပြည်တွင်းက ရင်းနှီးမြှပ်နှံ့သူတွေနဲ့ သြစတေးလျ၊ တရုတ်၊ ဥရောပ၊ ဟောင်ကောင်၊ အိန္ဒိယ ၊ ထိုင်း၊ ကိုရီးယား ၊စင်ကာပူ၊ယူနိုက်တက်ကင်းတမ်းနဲ့ အမေရိကန်က ရင်းနှီးမြှပ်နှံသူတွေ၊ ရင်းနှီးမြှပ်နှံမှုနဲ့ ကုမ္ပဏီများညွှန်ကြားမှုဦးစီးဌာန (DICA )မှ တာဝန်ရှိသူတွေ တက်ရောက်မှာဖြစ်တယ်လို့ သိရပါတယ်။

 

 

Related News