မြန်မာနိုင်ငံအနေနဲ့ နယ်စပ်ဝင်၊ထွက်ပေါက်များကို အပြည့်အ၀ထိန်းချုပ်ရန်ခက်ခဲခြင်းက မူးယစ် ဆေးဝါးတားဆီးနှိမ်နင်းရေးမှာ အဓိကစိန်ခေါ်မှုတစ်ရပ်အနေနဲ့ ကြုံတွေ့နေရတယ်လို့ နိုဝင်ဘာလ(၇)ရက်က နေပြည်တော်မှာရှိတဲ့ M-Galleryဟိုတယ်မှာပြုလုပ်ခဲ့တဲ့ ဒေသတွင်းပရီကာဆာထိန်းချုပ်ရေးဆိုင်ရာအဆင့်မြင့်အရာရှိကြီးများ အဆင့်ညီလာခံမှာပြည်ထဲရေးဝန်ကြီးဌာန ဒုတိယ၀န်ကြီးဗိုလ်ချုပ်အောင်သူကပြောပါတယ်။ နေပြည်တော်သတင်းအဖွဲ့ကတင်ဆက်ပေးပါ့မယ်။ မြန်မာနိုင်ငံအနေနဲ့ပထ၀ီအနေအထားအရ မူးယစ်ဆေးဝါးများကိုထုတ်လုပ်ရာမှာ အသုံးပြုတဲ့ ပရီကာဆာများကို အများဆုံးထုတ်လုပ်တဲ့ နိုင်ငံနှစ်ခုကြားမှာ တည်ရှိနေပြီး နယ်စပ်ဝင်ထွက်ပေါက်များကို အပြည့်အ၀မထိန်းချုပ် နိုင်ခြင်းက မူးယစ်ဆေးဝါး တားဆီးနှိမ်နင်းရေးမှာ စိန်ခေါ်မှုတစ်ရပ်ဖြစ်နေတာပါ။ မူးယစ်ဆေးဝါးထုတ်လုပ်သူတွေအနေနဲ့ မြန်မာနိုင်ငံနဲ့ ဆက်စပ်နိုင်ငံများရဲ့ နိုင်ငံရေးကွဲပြားမှုတွေ၊ ဥပဒေ မတူညီမှုတွေကို အခွင့်ကောင်းယူပြီး တစ်နိုင်ငံနဲ့တစ်နိုင်ငံသွားလာကာမူးယစ်ဆေးဝါးတွေထုတ်လုပ်ပြီး တရားမ၀င်ရောင်းဝယ်ဖောက်ကားမှုတွေပြုလုပ်နေကျတာလို့် ဒုတိယ၀န်ကြီး ဗိုလ်ချုပ်အောင်သူကပြောပါတယ်။

ယခု(၂၀၁၈)ခုနှစ်အတွင်း မြန်မာနိုင်ငံ အတွင်းကို မူးယစ်ဆေးဝါးထုတ်လုပ်ရာမှာအသုံးပြုတဲ့ ပရီကာဆာများ ၀င်ရောက်ရာလမ်းကြောင်းမှာ နယ်စပ်ဒေသကိုအများဆုံးအသုံးပြု သယ်ဆောင်နေတယ် လို့ သိရပါတယ်။အဆိုပါလမ်းကြောင်းတွေထဲမှာ မြန်မာနိုင်ငံနယ်စပ်ဒေသတွေဖြစ်တဲ့ မူဆယ်၊၀အထူးဒေသ၊ ကိုးကန့်အထူးဒေသများမှလည်ကောင်း၊ ကရင်ပြည်နယ်မြ၀တီနယ်စပ်အပါအ၀င် မဲခေါင်မြစ်ကြောင်းအား ဖြတ်သန်းပြီး တာချီလိတ်နယ်စပ်တို့မှတစ်ဆင့် သယ်ဆောင်နေကျတယ်လို့သိရပါတယ်။  ဒါ့အပြင် မူးယစ်ဆေးဝါးများထုတ်လုပ်ရာမှာအသုံးပြုတဲ့ ပရီကာဆာအမျိုးအစားများစွာကို မြန်မာနိုင်ငံနဲ့ နယ်နမိတ်ချင်း ထိစပ်နေတဲ့ တရုတ်၊ လာအို၊ ထိုင်းနိုင်ငံနယ်စပ်များမှဖမ်းဆီးရမိခဲ့ပြီး ၂၀၁၃ဓာတုပစ္စည်း နှင့်ဆက်စပ်ပစ္စည်းများအန္တရာယ်မှ တားဆီး ကာကွယ်ရေးဥပဒေအရအရေးယူထားတယ်လို့သိရပါတယ်။

 

 

Related News