ဘုရင့်နောင်ကုန်စည်ဈေးကွက်မှာ ကြက်သွန်နီအညံ့တွေ ထွက်ရှိချိန်ရောက်လို့ ကြက်သွန်နီဈေးနှုန်းတွေ ထပ်မံကျဆင်းလာတယ်လို့ ဘုရင့်နောင်ကုန်စည်ဒိုင်က သိရပါတယ်။ ခိုင်ကညာသွယ်က တင်ဆက်ပေးသွားမှာပါ။ ဘုရင့်နောင်ကုန်စည်ဈေးကွက်မှာ ကြက်သွန်နီဈေးနှုန်းတွေဟာ ပြီးခဲ့တဲ့ အောက်တိုဘာလနဲ့ယှဉ်ရင် တစ်ပိသာကို(၁၀၀)ကျပ် ပြန်လည်ကျဆင်းလာခဲ့တယ်လို့သိရပါတယ်။ နိုဝင်ဘာလ(၅)ရက်မှာ ကြက်သွန်နီကား(၄၅)စီးဝင်ရောက်ခဲ့ပြီး ကြက်သွန်နီတွေဟာ အပင်ပေါက်ရာသီရောက်လို့ ပစ္စည်းညံ့တာကြောင့် အရောင်းအ၀ယ်မှာ ဈေးကျပေမယ့် ရောင်းအားသွက်မလာဘူးလို့ ဘုရင့်နောင်ကုန်စည်ဒိုင်မှသိရပါတယ်။

လက်ရှိမှာတော့ ဆိပ်ဖြူကြက်သွန်နီတစ်ပိဿာကို ငွေကျပ် (၇၀၀)မှ (၁၁၅၀)အထိရှိနေပြီး ကြူကုတ်ကြက်သွန်ဖြူတွေ ကတော့ တစ်ပိဿာကိုငွေကျပ် (၁၃၀၀)ကနေ (၁၅၅၀)ထိပေါက်ဈေးရှိနေတယ်လို့သိရပါတယ်။ တခြား စားသောက်ကုန်တွေဖြစ်တဲ့ အာလူး ကတော့ တစ်ပိဿာကိုငွေကျပ် (၂၅၀)ကနေ (၇၅၀)ကျပ်အထိ၊ မိုးထောင်ငရုပ်ပွ တစ်ပိဿာကို ငွေကျပ် (၃၈၀၀)ကနေ (၄၂၀၀)အထိ ပေါက်ဈေးရှိနေတယ်လို့သိရပါတယ်။ ဒီဈေးနှုန်းတွေဟာ မနှစ်ကထက် လျော့နည်းပေမယ့် လက်ကားဈေးကွက်ကော လက်လီဈေးကွက် မှာပါ ရောင်းအားကျဆင်းနေတာဖြစ်တယ်လို့ သိရပါတယ်။ ကြက်သွန်နီဈေးတွေဟာ လက်တလောအချိန်မှာ ဈေးအတက်ထက် အကျကပိုများနိုင်တယ်လို့သိရပါတယ်။ အခြေခံကုန်စည်တွေဖြစ်တဲ့ ကြက်သွန်ဖြူ၊ အာလူးတို့ရဲ့ ဈေးနှုန်းတွေကတော့ ပြီးခဲ့တဲ့လကအတိုင်းရှိနေတယ်လို့ သိရပါတယ်။

 

Related News