Goethe (ဂေါ်သဲ)– Institut ရဲ့ မြန်မာနိုင်ငံဆိုင်ရာ ဥရောပသမဂ္ဂကိုယ်စားလှယ်အဖွဲ့၊ ဒိန်းမတ်နဲ့ အီတလီသံရုံးတို့ ပူးပေါင်းကျင်းပတဲ့ ၂၀၁၈ခုနှစ် Gongs and Skins နိုင်ငံတကာရိုက်ခတ်တူရိယာစုံဖျော်ဖြေပွဲကို နိုဝင်ဘာလ(၆)ရက်မှ (၁၂)ရက်ထိကျင်းပသွားမှာဖြစ်တယ် လို့ နိုဝင်ဘာလ(၅)ရက်ကပြုလုပ်တဲ့ သတင်းစာရှင်းလင်းပွဲမှသိရပါတယ်။ဖျော်ဖြေပွဲမှာ ဗမာ(ဆိုင်းဝိုင်း)၊ ကရင်၊ ရခိုင်၊  ရှမ်းစတဲ့ တိုင်းရင်းသားရိုက်ခတ်တူရိယာ အတီးပညာရှင်များနဲ့ ကနေဒါ၊ တရုတ်၊ ဒိန်းမတ်၊ ပြင်သစ်၊ ဂျာမနီ၊ အီတလီ၊ ဂျပန်၊ မလေးရှား၊ ပိုလန်နိုင်ငံတို့မှ ရိုက်ခတ်တူရိယာအတီးဂီတပညာရှင်တွေပူးပေါင်းဖျော်ဖြေကြမှာဖြစ်တယ်လို့ သိရပါတယ်။

Gongs and Skins နိုင်ငံတကာရိုက်ခတ်တူရိယာစုံဖျော်ဖြေပွဲကို အာရှနိုင်ငံတွေနဲ့ ဥရောပနိုင်ငံတွေရဲ့ မတူကွဲပြားမှု၊ ရိုးရာအစဉ်အလာနဲ့ ယဉ်ကျေးမှုတို့ ဖလှယ်နိုင်စေဖို့ရည်ရွယ်ပြုလုပ်တာဖြစ်ပြီး၊ အာရှနိုင်ငံတွေနဲ့ ဥရောပနိုင်ငံတွေက ရိုက်ခတ်တူရိယာအတီးဂီတပညာရှင်များ ပေါင်းစည်းတီးမှုတ်ဖျော်ဖြေကြမယ့် ဂီတပွဲတော် တစ်ခု ဖြစ်တယ်လို့ သိရပါတယ်။

Gongs and Skins နိုင်ငံတကာရိုက်ခတ်တူရိယာစုံဖျော်ဖြေပွဲကို Goethe – Institut မှ တတိယအကြိမ် ကျင်းပပြုလုပ်မှာဖြစ်ပါတယ်။ဖျော်ဖြေပွဲကိုတော့ နိုဝင်ဘာလ(၆)ရက် ည(၇)နာရီမှာ Goethe Villa ၊ နိုဝင်ဘာလ(၈)ရက် ညနေ ၆နာရီခွဲအချိန်မှာ မဟာဗန္ဓုလပန်းခြံနဲ့ နိုဝင်ဘာလ(၁၂)ရက် ည(၇)နာရီမှာတော့ ဘားအံမြို့တို့မှာ ဖျော်ဖြေပေးသွားမှာဖြစ်ပြီး၊ ပြည်သူတွေအနေနဲ့ အခမဲ့လာရောက်ကြည့်ရှုနိုင်တယ်လို့သိရပါတယ်။  အိကေခိုင်ဖြိုးကပေးပို့ထားတာဖြစ်ပါတယ်။


 

Related News