ရန်ကုန်တိုင်းဒေသကြီး လယ်ယာ မြေစီမံခန့်ခွဲရေးနှင့် စာရင်းအင်းဦးစီးဌာနက ဦးစီးပြုလုပ်တဲ့ စာချုပ်စာတမ်း မှတ်ပုံတင်ဥပဒေဆိုင်ရာ အလုပ်ရုံဆွေးနွေးပွဲကို နိုဝင်ဘာလ (၃)ရက်နဲ့ (၄) ရက် နှစ်ရက်တာ ရန်ကုန်မြို့ဆည်မြောင်း လမ်းမှာရှိတဲ့ ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနရုံးမှာပြုလုပ်ခဲ့တာဖြစ်ပါတယ်။အရင်က စာချုပ်စာတမ်းမှတ်ပုံတင်ခြင်းလုပ်ငန်းတွေ ဆောင်ရွက်ရာမှာ (၁၉၀၈)ခုနှစ်စာချုပ်စာတမ်းမှတ်ပုံတင်ဥပဒေကို အသုံးပြုဆောင်ရွက်ခဲ့ပြီး လက်ရှိမှာတော့ စက်တင်ဘာလ(၁)ရက်က ပြောင်းလဲလိုက်တဲ့ ဥပဒေအသစ်အကြောင်းအရာတွေကို ဆွေးနွေးခဲ့ကြတာဖြစ်ပါတယ်။

အခု အသစ်ပြောင်းလဲပြင်ဆင်ခဲ့တဲ့ စာချုပ်စာတမ်းမှတ်ပုံတင်ဥပဒေကို လယ်ယာမြေစီမံ ခန့်ခွဲရေးနှင့် စာရင်းအင်းဦးစီးဌာနက တာဝန်ရှိသူတွေကို သိရှိနိုင်စေရန် အခုလို အလုပ်ရုံဆွေးနွေးပွဲပြုလုပ်တာဖြစ်တယ်လို့ သိရပါတယ်။ လယ်ယာ မြေစီမံခန့်ခွဲရေးနှင့် စာရင်းအင်းဦးစီးဌာန အနေနဲ့ မြေယာစီမံခန့်ခွဲမှုဆိုင်ရာ လုပ်ငန်းများ၊ လယ်ယာကဏ္ဍဆိုင်ရာ စာရင်းအင်းပြုစုခြင်းလုပ်ငန်းများ၊ မြေခွန်စည်းကြပ်ခြင်း လုပ်ငန်းများအပြင် စာချုပ်စာတမ်း မှတ်ပုံတင်ခြင်းလုပ်ငန်းတွေကို လုပ်ကိုင်ပေးနေတာဖြစ်ပါတယ်။ဒါ့အပြင် အသစ်ပြောင်းလဲလိုက်တဲ့ စာချုပ်စာတမ်းမှတ်ပုံတင်ဥပဒေဆိုင်ရာ ဥပဒေမှာတော့ စာချုပ်စာတမ်းမှတ်ပုံတင်ခြင်းလုပ်ငန်းတွေကို ပိုမိုလျင်မြန်စွာဆောင်ရွက်နိုင်မှာဖြစ်တယ်လို့သိရပါတယ်။

ပြောင်းလဲလိုက်တဲ့စာချုပ်စာတမ်းမှတ်ပုံတင်ဥပဒေကို တာဝန်ထမ်းဆောင်နေတဲ့ တာဝန်ရှိသူတွေ သိရှိနိုင်စေရန်အတွက် အခုလို အလုပ်ရုံဆွေးနွေးပွဲတွေ ပြုလုပ်လျှက်ရှိပြီး နိုဝင်ဘာလ (၃)ရက်နဲ့(၄) ရက်မှာပြုလုပ်ခဲ့တဲ့ ဆွေးနွေးပွဲမှာတော့ ရန်ကုန်တိုင်းဒေသကြီးအပြင် ရခိုင်၊ဧရာဝတီ စတဲ့ နေရာဒေသက တာဝန်ရှိသူ တွေတက်ရောက်ခဲ့ကြပါတယ်။

 

 

Related News