အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနက (၂၀၁၈)ခုနှစ် နိုဝင်ဘာလပထမအပတ် အထိစည်းကမ်းလိုက်နာမှုမရှိတဲ့ စက်ရုံ၊ အလုပ်ရုံ(၁၂)ရုံကိုတရားစွဲဆိုထားတယ်လို့သိရပါတယ်။ အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနက အလုပ်ရုံ၊ စက်ရုံ၊ ဆိုင်များနဲ့ အလုပ်ဌာနတွေကို (၁၉၅၁)ခုနှစ် အလုပ်ရုံများ အက်ဥပဒေ၊ (၁၉၅၁)ခုနှစ် ခွင့်ရက်နှင့်အလုပ်ပိတ်ရက်အက်ဥပဒေ၊ (၂၀၁၆)ခုနှစ် ဆိုင်များနှင့် အလုပ်ဌာနများ ဥပဒေ၊ (၂၀၁၆)ခုနှစ် အခကြေးငွေ ပေးချေရေးဥပဒေစတဲ့  ဥပဒေ (၄)ခုနဲ့ စစ်ဆေးစည်းကြပ်လျက်ရှိတယ်လို့ သိရပါတယ်။ (၂၀၁၈)ခုနှစ်နိုဝင်ဘာလပထမအပတ်အထိ တရားစွဲဆိုထားတဲ့ စက်ရုံ၊ အလုပ်ရုံကတော့ (၁၂)ရုံရှိပြီး ဒီ စက်ရုံ၊အလုပ်ရုံ (၁၂)ရုံထဲက (၄)ရုံကတော့အမှုပြီးသွားပြီ လို့သိရပါတယ်။ 

စက်ရုံ၊ အလုပ်ရုံတွေကို တရားစွဲဆိုထားတဲ့ အမှုတွေနဲ့ ၀န်ခံကတိထိုးထားတဲ့ အမှုတွေကတော့ အချိန်ပိုနဲ့ ပတ်သက်ပြီး အများပြည်သူ ရုံးပိတ်ရက်တွေမှာ အလုပ်သမား သဘောတူညီမှုမရှိတာတွေနဲ့ သက်ဆိုင်ရာဌာနတွေရဲ့ ခွင့်ပြုမိန့်မရတာတွေကြောင့် အများဆုံးဖြစ်တယ်လို့ သိရပါတယ်။ အလုပ်ရုံနှင့်အလုပ်သမားဥပဒေစစ်ဆေးရေးဦးစီးဌာနအနေနဲ့ စက်ရုံတွေကို စီမံချက်နဲ့အညီ လုပ်ငန်းခွင် ဘေးအန္တရာယ် ကင်းရှင်းရေးနဲ့ ကျန်းမာရေးအပြင် အလုပ်သမားဥပဒေတွေကို လိုက်နာမှုရှိ၊ မရှိ စစ်ဆေးနေပြီး ရှောင်တခင်စစ်ဆေးတာတွေနဲ့ တိုင်ကြားထားတာတွေကြောင့် စစ်ဆေးမှုတွေလည်း ရှိနေတယ်လို့ သိရပါတယ်။

 

 

 

Related News