မြန်မာနိုင်ငံ စီမံကိန်းရေးဆွဲရေးဦးစီးဌာန ၀န်ထမ်းဟောင်းများအသင်းကဦးစီးပြီး ဒုတိယအကြိမ်မြောက် သက်ကြီးပူဇော်ပွဲနဲ့ နှစ်ပတ်လည်အစည်းအဝေးကို နိုဝင်ဘာလ(၄)ရက်က ရန်ကုန်မြို့၊ ဖူဆန်စားသောက်ဆိုင်မှာ ပြုလုပ်ခဲ့တာ ဖြစ်ပါတယ်။ သော်တာဝင်းက တင်ဆက်ပေးမှာဖြစ်ပါတယ်။ အခုလို သက်ကြီးပူဇော်ပွဲနဲ့ နှစ်ပတ်လည်အစည်းဝေးပြုလုပ်တာက မြန်မာနိုင်ငံစီမံကိန်းရေးဆွဲရေးဦးစီးဌာနအနေနဲ့  အပူဇော်ခံထိုက်တဲ့ အငြိမ်းစား သက်ကြီးဆရာသမားတွေကို  ပြန်လည်စုံတွေ့စေလိုတဲ့ ရည်ရွယ်ချက်တွေနဲ့ပြုလုပ်ခဲ့တာဖြစ်တယ်လို့သိရပါတယ်။

သက်ကြီးပူဇော်ပွဲနဲ့ နှစ်ပတ်လည်အစည်းဝေးအခမ်းအနားမှာ အသင်းမှတာဝန်ရှိသူတွေက သြ၀ါဒအမှာ စကားပြောကြားခြင်း၊ အသင်းရဲ့ဆောင်ရွက်နေတဲ့ လုပ်ငန်းအခြေအနေများ ရှင်းလင်းပြောကြားခြင်း၊ ငွေစာရင်းရှင်းတမ်းများဖတ်ကြားခြင်း စတာတွေကို ပြုလုပ်ခဲ့ကြပြီး အငြိမ်းစားသက်ကြီးဆရာသမား(၁၀၇)ဦးကို တစ်ဦးလျှင် ငွေကျပ် (တစ်သိန်း)စီ ပူဇော်ကန်တော့ခဲ့တာဖြစ်ပါတယ်။
သက်ကြီးပူဇော်ပွဲနဲ့ နှစ်ပတ်လည်အစည်းဝေးအခမ်းအနားကို (၂၀၁၇) ခုနှစ် နိုဝင်ဘာလမှာ ပထမအကြိမ် ပြုလုပ်ခဲ့တာဖြစ်ပြီး အခုပြုလုပ်တာကတော့ ဒုတိယအကြိမ်ပူဇော်ကန်တော့ခဲ့တာဖြစ်တယ်လို့သိရပါတယ်။

 

Related News