ဝါကျွတ်ကာလအပြီးမှာ ရန်ကုန်အိမ်ခြံမြေဈေးကွက်ကောင်းမွန်နေပြီး ရန်ကုန်မြို့တွင်းက မြို့နယ်တော်တော်များများမှာ အခန်းလွတ် မကျန်အောင်ငှားရမ်းနေရတယ်လို့သိရပါတယ်။  ရန်ကုန်အိမ်ခြံမြေဈေးကွက်ဟာ(၂၀၁၄)ခုနှစ်အတွင်းဈေးကွက်အကောင်းမွန်ဆုးံအခြေအနေကိုရောက်ရှိခဲ့ပြီး အဲဒီနောက်ပိုင်းမှာတော့ဈေးကွက်ပြန်လည်အေးစက်ခဲ့တယ်လို့သိရပါတယ်။

ရန်ကုန်အိမ်ခြံမြေဈေးကွက်ဟာ၂၀၁၇ခုနှစ်အထိ ဈေးကွက်အေးစက်ခဲ့ရာကနေအခု(၂၀၁၈)ခုနှစ်မှာတော့ရန်ကုန်မြို့တွင်းမြို့နယ်တော်တော်များများမှာ ဈေးကွက်ပြန်လည်လှုပ်ခတ်လာပါတယ်။ ဒါ့အပြင်အခု(၂၀၁၈)ခုနှစ်ဝါကျွတ်ကာလအပြီး အိမ်ခြံမြေဈေးကွက် ပြန်လည်ကောင်းမွန်လာပြီး(၂၀၁၇)ခုနှစ်နဲ့(၂၀၁၈)ခုနှစ်ဈေးကွက်နှိုင်းယှဉ်ချက်အရအရောင်းရောအငှားပါ(၁၀)ရာခိုင်နှုန်းခန့်မြင့်တက် လာတယ်လို့အိမ်ခြံမြေအကျိုးဆောင်တစ်ဦးဖြစ်သူဦးနေမင်းသူကအခုလိုပြောပါတယ်။

ရန်ကုန်အိမ်ခြံမြေဈေးကွက်အတွင်းအခုလက်ရှိမှာရန်ကုန်မြို့တွင်း(၆)မြို့နယ်ကသိန်း(၃၀၀)နဲ့သိန်း(၅၀၀)ကြားတိုက်ခန်းတွေအရောင်းအ၀ယ်တွေရှိနေပြီးလူဦးရေထူထပ်တဲ့ကြည့်မြင်တိုင်၊စမ်းချောင်းမြို့နယ်မှာလည်းတိုက်ခန်းတွေအရောင်းအ၀ယ်တွေရှိနေပါတယ်။မြေကွက်တွေအနေနဲ့ရွှေပြည်သာ၊လှိုင်သာယာမြို့နယ်တွေကသိန်း(၅၀၀)တန်မြေကွက်တွေအရောင်းအ၀ယ်ရှိနေပါတယ်။ဒါ့အပြင်ဈေးသင့်တဲ့မီနီကွန်ဒိုတွေဖြစ်တဲ့သိန်း(၁၀၀၀)နဲ့သိန်း(၁၀၀၀)အထက်ရှိမီနီကွန်ဒိုတွေအရောင်းအ၀ယ်ရှိနေတယ်လို့သိရပါတယ်။ အခုလိုအရောင်းအ၀ယ် တွေ ရှိနေသလို အငှားတွေကလည်း အခန်းလွတ်မကျန်အောင်ငှားရမ်းနေရတယ်လို့ အိမ်ခြံမြေအကျိုးဆောင်တစ်ဦးဖြစ်သူ ဒေါ်ဥမ္မာလှိုင်ကအခုလိုပြောပါတယ်။

အခုလိုဝါကျွတ်ကာလအပြီးအိမ်ခြံမြေဈေးကွက်ပြန်လည်ကောင်းမွန်လာပေမယ့်အရင်ဈေးကွက်အကောင်းဆုးံဖြစ်ခဲ့တဲ့(2014)ခုနှစ်က အခြေအနေကိုတော့မမီသေးဘူးလို့သိရပါတယ်။ဒါ့အပြင်ဒေါ်လာဈေးမတည်ငြိမ်တဲ့အပြင်ရွှေဈေးကလည်းမြင့်တက်နေတာကြောင့်ရင်းနှီးမြုပ်နှံမှုအဖြစ်အိမ်ခြံမြေကိုရင်းနှီးမြုပ်နှံဖို့အားထားလာတဲ့အတွက်အခုလိုဈေးကွက်ပြန်လည်ကောင်းမွန်လာတာဖြစ်တယ်လို့အိမ်ခြံမြေအကျိုးဆောင်တစ်ဦးဖြစ်သူဒေါ်လဲ့ဝါထွေးစင်ကပြောပါတယ်။

အိမ်ခြံမြေဈေးကွက်အတွင်း(၂၀၁၄)ခုနှစ်ကနေ(၂၀၁၈)ခုနှစ်မတိုင်မ်ီကြားကာလအတွင်း အထပ်မြင့်အဆောက်အဦးတွေ ရပ်ဆိုင်းခံရ တာတွေအိမ်ခြံမြေနဲ့ ပက်သက်တဲ့အခွန်နူန်းထားတွေမြင့်တက်မှုတွေရှိခဲ့တာကြောင့် ၀ယ်သူတွေကဈေးကွက် စောင့်ကြည့်နေတဲ့အတွက် ဈေးကွက်အေးစက်ခဲ့တယ်လို့သိရပါတယ်။အခုလက်ရှိမှာတော့နိုင်ငံခြားသားအများစုဝယ်ယူနိုင်မယ့်ကွန်ဒိုမီနီယံနည်းဥပဒေလည်းအတည်ပြုပြဌာန်းခဲ့ပြီးဖြစ်တဲ့အပြင်ကွန်ဒိုမီနီယံနဲ့ပက်သက်တဲ့ကော်မတီတွေပါဖွဲ့စည်းပြီးဖြစ်တာကြောင့်(၂၀၁၉)ခုနှစ်နောက်ပိုင်းမှာတော့အိမ်ခြံမြေဈေးကွက်အခုထက်ပိုပြီးကောင်းမွန်လာဖို့ရှိတယ်လို့အိမ်ခြံမြေအကျိုးဆောင်တွေကသုးံသပ်ကြပါတယ်။

 

Related News