ဗိုလ်တထောင်ကျိုက်ဒေးအပ်ဆံတော်ဦးစေတီတော်ကို ရွှေစင်ရွှေပြားများကပ်လှူမှုကို (၂၀၁၈)ခုနှစ် ဇန်န၀ါရီလကစတင်ပြီး ကပ်လှူခဲ့ကာမိုးတွင်းကာလမှာ ရပ်နားခဲ့ရပြီး အခုတစ်ပတ်အတွင်း ရွှေသင်္ကန်းတွေကို ပြန်လည် ကပ်လှူသွားမယ်လို့ သိရပါတယ်။ ဗိုလ်တထောင် ကျိုက်ဒေးအပ် ဆံတော်ဦးစေတီတော်မှာ ဇန်န၀ါရီလက ငှက်ပျောဖူးတော်၊ သပိတ်မှောက်နဲ့ ပန်းဆွဲတွေကို ရွှေစင်၊ ရွှေပြားများ ကပ်လှူပူဇော်ခဲ့တာဖြစ်ပြီး ယခုပြန်လည်ကပ်လှူပူဇော်မှာက ခေါင်းလောင်းတော်တစ်ခုလုံးကို ရွှေစင်ရွှေပြား အချပ်ရေ (၃၀၀၀)ကပ်လှူသွားမှာ ဖြစ်တယ်လို့သိရပါတယ်။ 

ဒီလို ရွှေစင်ရွှေပြားကပ်လှူမှုကို အလှူရှင်တွေ ကိုယ်တိုင်တက်ရောက် ကပ်လှူခွင့်ပေးသွားမှာဖြစ်ပြီး  ကျန်ရှိတဲ့အပိုင်းတွေကိုတော့ မျက်ပါးရွှေတွေ ကပ်လှူ ပူဇော်သွားမယ် လို့ သိရပါတယ်။ အခုလို ရွှေသင်္ကန်းကပ်လှူမှုကို  လာမယ့်ဒီဇင်ဘာလမှာ အပြီးသတ် လုပ်ဆောင်သွားဖို့ကို ခန့်မှန်းထားတယ်လို့သိရပါတယ်။ 

ရွှေမှိုက်ချွတ်များကိုလေလံပြန်လည်ရောင်းချလို့ရတဲ့ ငွေကျပ် သိန်း (၇၀၀)ကိုတော့ ရွှေသင်္ကန်းများပြန်လည် ကပ်လှူသွားမယ်လို့ သိရပါတယ်။ ဗိုလ်တထောင်ကျိုက်ဒေးအပ်ဆံတော်ဦးစေတီတော်ရဲ့စိန်ဖူးတော်၊ ငှက်မြတ်နားတော်၊ ထီးတော် တို့်ကိုလည်း ပြီးခဲ့တဲ့ကဆုန်လပြည့်နေ့မှာ အသစ်လှဲလှယ်ကပ်လှူပြီးဖြစ်တယ်လို့ သိရပါတယ်။

 

Related News