မွန်ပြည်နယ်သထုံမြို့နယ်မှာရှိတဲ့ ပေါ်တော်မူကျေးရွာမှာ ကျန်းမာရေးစောင့်ရှောက်မှုမှာလိုအပ်ချက်ရှိနေတဲ့ ကျေးလက် ကျန်းမာရေးဌာနခွဲ ကို အောက်တိုဘာလ(၁၆)ရက်က ဖွင့်လှစ်ခဲ့ပါတယ်။

မွန်ပြည်နယ်၊သထုံမြို့နယ်မှာရှိတဲ့ ပေါ်တော်မူကျေးရွာမှာ ကျေးလက်ကျန်းမာရေးစောင့်ရှောက်မှု အဓိက လိုအပ်နေတဲ့ နေရာတစ်ခုဖြစ်ပါတယ်။ ဒီကျေးရွာလေးမှာ ကျေးလက်ကျန်းမာရေးစောင့်ရှောက်မှုမရှိတဲ့အတွက် ကိုယ်ဝန်ဆောင်တွေ၊ သက်ကြီးရွယ်အိုတွေနဲ့ကာကွယ်ဆေးထိုးရန်လိုအပ်တဲ့ ကလေးငယ်တွေအတွက် သထုံဆေးရုံကြီးကိုသာ အားကိုးနေရတာ ဖြစ်ပါတယ်။

ဒါ့အပြင် ညအချိန်မတော် ကျန်းမာရေးစောင့်ရှောက်မှု အရေးပေါ်ဖြစ်လာခဲ့ရင် လမ်းခရီးအခက်အခဲတွေ ရှိနေတာကြောင့် သွားလာရမှာလည်း အချိန်ကြာမြင့်နေတယ်လို့ သိရပါတယ်။

အခု ပေါ်တော်မှုကျေးရွာမှာ ဖွင့်လှစ်လိုက်တဲ့ ကျေးလက်ကျန်းမာရေးခန်းမှာ လိုအပ်နေတဲ့သားဖွားခန်းတစ်ခန်းအပါအ၀င် ၊ သားဖွားပြီးချိန်မှာ ကိုယ်ဝန်ဆောင်တွေနားနေနိုင်တဲ့ အခန်း၊ ဆေးကုသခန်းနဲ့ ကာကွယ်ဆေးတွေ သိုလှောင်နိုင်တဲ့ အခန်းတွေလည်း ပါဝင်တယ်လို့ သိရပါတယ်။

ပေါ်တော်မူကျေးရွာမှာရှိတဲ့ ကျေးလက်ကျန်းမာရေးဌာနခွဲက ပြည်သူတွေရဲ့ ကျန်းမာရေးအတွက် များစွာအထောက်ကူပြုနိုင်မှာ ဖြစ်တယ်လို့ သိရပါတယ်။

အခုအသစ်ဖွင့်လှစ်လိုက်တဲ့ ကျေးလက်ကျန်းမာရေးဌာနခွဲ အဆောက်အအုံသစ်ကို အူရီဒူး မြန်မာနဲ့UNOPS တို့ပူးပေါင်းပြီး ဆောက်လုပ်လှူဒါန်းခဲ့တာဖြစ်ပြီး ကျန်းမာရေးအတွက် အဓိကလိုအပ်နေတဲ့ ပေါ်တော်မူကျေးရွာကို ရွေးချယ်လှူဒါန်းခဲ့တာဖြစ်တယ်လို့သိရပါတယ်။
အူရီဒူးမြန်မာအနေနဲ့ ပညာရေးနဲ့ကျန်းမာရေးအတွက် လိုအပ်တဲ့နေရာတွေမှာ  လှူဒါန်းတာဖြစ်ပြီး ပေါ်တော်မူကျေးရွာမှာ ကျန်းမာရေးအဆောက်အအုံနဲ့ လိုအပ်တဲ့အထောက်အကူပြုပစ္စည်းတွေကို ပါပေးအပ်လှူဒါန်းခဲ့ပါတယ်။

 

 

Related News