နိုင်ငံတော်အစိုးရနဲ့ NCA လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့အစည်းများမှ ခေါင်းဆောင်များ သီးသန့်အစည်းအဝေးကနေ သဘောတူညီချက်(၇)ခုကိုရရှိခဲ့တယ်လို့ သိရပါတယ်။ 

နေပြည်တော်မှာပြုလုပ်ခဲ့တဲ့ သီးသန့်အစည်းအဝေးမှာ နှစ်ဖက်ထိပ်တိုက် ရင်ဆိုင်ထိတွေ့မှုများ ရှောင်ရှားနိုင်ရေးကိစ္စတွေ၊ အကြောင်းတစ်ခုခုဖြစ်ပွားပါက ငြိမ်းချမ်းရေး လုပ်ငန်းစဉ်အပေါ် မထိခိုက်စေရေးကိစ္စတွေ ဆွေးနွေးခဲ့ကြပြီး သဘောတူညီ ရရှိလာတဲ့ အချက်(၇)ချက်ကို ဆက်လက်အကောင်အထည် ဖော်ဆောင်ရွက်သွားမယ်လို့ နိုင်ငံတော်အတိုင်ပင်ခံရုံး ၀န်ကြီးဌာန ညွှန်ကြားရေးမှူးချုပ် ဦးဇော်ဌေးက ပြောပါတယ်။ 

သဘောတူညီခဲ့တဲ့အချက်(၇)ချက်အနေနဲ့ (က)ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံ၊ တတိယအစည်းအဝေး ၏ ထုတ်ပြန်ကြေညာချက်ပါ၂၀၂၀ ပြည့်နှစ်မတိုင်မီကျင်းပရန်မျှော်မှန်းထားသည့် ညီလာခံ(၃)ကြိမ်တွင် အရေးကြီးသည့် ဒီမိုကရေစီနှင့် ဖက်ဒရယ်ဆိုင်ရာအခြေခံမူများ ချမှတ်နိုင်ရေးအတွက် လိုအပ်သည့် အချိန်ဇယားနှင့် ဦးစားပေးလုပ်ငန်းစဉ်များ ဆောင်ရွက်ရေး၊(ခ) နိုင်ငံရေးဆွေးနွေးပွဲများတွင် သဘောတူညီမှု ရရှိရန်လိုအပ်နေသည့် ကိစ္စရပ်များအား ဖြေရှင်းကျော်လွှား နိုင်ရေး၊(ဂ)လက်ရှိနိုင်ငံရေး ဆွေးနွေးမှုပုံစံကိုပိုမိုရှင်းလင်းလွယ်ကူအောင်ဆောင်ရွက်ရေး၊(ဃ) ငြိမ်းချမ်းရေးလုပ်ငန်းစဉ်များ အကောင်အထည်ဖော် ဆောင်ရွက်ရာတွင် ခေါင်းဆောင်များအကြား သဘောတူညီချက်များရယူပြီး ယင်းသဘောတူညီ ချက်များကို အကောင်အထည်ဖော်ဆောင်ရွက်ရေး၊(င) NCA အခန်း(၅)၊ နိုင်ငံရေးလမ်းပြမြေပုံချမှတ် ခြင်းအပိုဒ် ၂၀ (ဂ)ပါ လုံခြုံရေးဆိုင်ရာ ပြန်လည် ပေါင်းစည်းခြင်းကိစ္စရပ်များ၊ လုပ်ငန်းစဉ်များကို ညှိနှိုင်းဆွေးနွေးမှုများ စတင်ပြုလုပ်ရေး၊ (စ) NCAလက်မှတ်မထိုးရသေးသည့် တိုင်းရင်းသားလက်နက်ကိုင် အဖွဲ့အစည်းများ အားလုံးပါဝင်ရေးအတွက် ကြိုးပမ်း ဆောင်ရွက်ရေး၊ (ဆ) ပစ်ခတ်တိုက်ခိုက်မှုရပ်စဲ ရေးပိုမိုခိုင်မာအောင် ဆောင်ရွက်ရာတွင် NCA ပါ သဘောတူညီချက်များ အတိုင်း ဆက်လက်ဆွေးနွေး ညှိနှိုင်းဆောင်ရွက်ရေးတို့ ဖြစ်ပါတယ်။ 

နိုင်ငံတော်အစိုးရနဲ့ NCA လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့အစည်းများမှ ခေါင်းဆောင်များ သီးသန့် အစည်းအဝေးကို နေပြည်တော်ရှိ ရွှေစံအိမ်ဟိုတယ်မှာ အောက်တိုဘာလ ၁၅ရက်ကနေ ၁၆ရက်အထိ ပြုလုပ်ခဲ့တာပါ။ အောက်တိုဘာလ၁၅ရက်ဟာ တစ်နိုင်ငံလုံးပစ်ခေတ်တိုက်ခိုက်မှု ရပ်စဲရေးသဘောတူစာချုပ်( NCA)ကိုစတင်လက်မှတ်ရေး ထိုးခဲ့တဲ့ (၃)နှစ်ပြည့်မြောက်ခဲ့တာလည်းဖြစ်ပါတယ်။ အဆိုပါအခမ်းအနားကို ယခင်ပြုလုပ်နေကျအခမ်းအနားပုစံမျိုးနဲ့ မပြုလုပ်ပဲ ငြိမ်းချမ်းရေးအတွက် အနှစ်သာရ အကျိုးရလာဒ်များ ရရှိစေရေးအတွက် ခေါင်းဆောင်များသီးသန့်အစည်းအဝေးကို ပြုလုပ်ခဲ့တာလို့ သိရပါတယ်။

 

 

Related News