လာမည့် (၂၀၁၉)ခုနှစ်၊ ဖေဖော်ဝါရီလကစပြီး  မြန်မာတစ်နိုင်ငံလုံးမှာ  ကျပ်(၁၀၀၀)တန်အောင်ဘာလေ သိန်းထီလက်မှတ်များကိုစတင်ရောင်းချတော့မှာဖြစ်တယ်လို့ ပြည်တွင်းအခွန်များဦးစီးဌာန၊ အောင်ဘာလေ သိန်းဆုဌာနခွဲက ထုတ်ပြန်ထားပါတယ်။ထီစာအုပ်ဝယ်ယူရောင်းချလိုသူများအနေဖြင့် အောက်ပါအချက်အလက်များနှင့်အညီ ဆောင်ရွက်ကြ ရန်ကြေညာအပ်တယ်လို့ဖော်ပြထားပါတယ်။

(က) ရန်ကုန်တိုင်းဒေသကြီးအတွင်း နေထိုင်သူများအနေဖြင့် အောင်ဘာလေထီစာအုပ်များ ၀ယ်ယူရောင်းချ လိုပါက အောင်ဘာလေသိန်းဆုဌာနခွဲ(ရန်ကုန်)သို့လည်းကောင်း၊ မန္တလေးတိုင်းဒေသကြီး စည်ပင်သာယာ နယ်နိမိတ်အတွင်းနေထိုင်သူများအနေဖြင့်အောင်ဘာလေထီစာအုပ်များဝယ်ယူရောင်းချလိုပါက အောင်ဘာ လေသိန်းဆုဌာနခွဲ(မန္တလေးရုံးခွဲ)သို့လည်းကောင်း၊ ကျန်တိုင်းဒေသကြီး ၊ပြည်နယ်များမှ အောင်ဘာလေထီစာ အုပ်များဝယ်ယူ ရောင်းချလိုသူများအနေဖြင့် မိမိတို့နေထိုင်ရာမြို့ နယ်ရှိမြို့နယ် အခွန်ဦးစီးဌာနမှူး ရုံးများသို့ လည်းကောင်း လျှောက်ထားနိုင်ပါသည်။ 

(ခ) အောင်ဘာလေထီလက်မှတ်ဝယ်ယူရောင်းချလိုသူများသည် ထီလုပ်ငန်းအမှန်တကယ်ဆောင်ရွက်သူဖြစ်ရန် လိုအပ်ပြီး လျှောက်လွှာနှင့်အတူနိုင်ငံသားစီစစ်ရေးကတ်ပြား မူရင်း၊ မိတ္တူ နှင့် အိမ်ထောင်စုလူဦးရေ စာရင်းမူရင်း၊ မိတ္တူ များဖြင့်ပူးတွဲတင်ပြရမည်ဖြစ်သည်။ (ဂ) လျှောက်လွှာများကိုသက်ဆိုင်ရာရုံးများသို့ နိုဝင်ဘာလ ၁၆ ရက် နောက်ဆုံးထား၍ တင်သွင်းသွားရန် ဖြစ်ပါသည်။ 

(ဃ) ကျပ်(၅၀၀)တန်ထီစာအုပ်များအတွက် လစဉ်ဝယ်ယူခွင့်ရရှိထားသောထီစာအုပ်အရေအတွက် အရထီစာအုပ်တစ်အုပ်လျှင် အာမခံငွေ (Deposit) ကျပ်(၁၀၀)နှုန်းဖြင့် (၃)လစာကြိုတင်စာရင်းပေးသွင်း ၍ လည်းကောင်း၊ ကျပ်(၁၀၀၀)တန် ထီစာအုပ်များအတွက် ထီစာအုပ်တစ်အုပ်လျှင် အာမခံငွေ(Deposit) ကျပ်(၂၀၀)နှုန်းဖြင့်(၃)လစာ ကြိုတင်စာရင်းပေးသွင်း၍လည်းကောင်း ၀ယ်ယူရမည်ဖြစ်ပါသည်။ 

(င) ကျပ်(၁၀၀၀)တန်ထိဝယ်ယူခွင့်ရရှိမည့်သူများသည် ကျပ်(၅၀၀)တန်အောင်ဘာ လေထီများကို သတ်မှတ်အချိုးဖြင့် ၀ယ်ယူရမည်ဖြစ်သည်။ (စ) ထီစာအုပ်ဝယ်ယူရောင်းချလိုသူများအနေဖြင့် တစ်လလျှင် မိမိရောင်းချမည့် ထီစာအုပ်အရေအတွက်အရ ဘဏ္ဍနှစ် တစ်နှစ်လုံး အတွက် တာဝန်ယူရောင်းချမည့် ထီစာအုပ်အရေအတွက် ကိုဖော်ပြလျှက် မပျက်မကွက်ဝယ်ယူရမည်ဖြစ်ကြောင်း သဘောတူကတိစာချုပ်ချုပ်ဆိုရမည်ဖြစ်ပါသည်။ 

(ဆ) ထီစာအုပ်များဝယ်ယူရောင်းချလိုသူများအနေဖြင့် သဘောတူကတိစာချုပ်ပါ သဘောတူညီချက်များကို လေးစားလိုက်နာရန် ပျက်ကွက်ပါက ထီစာအုပ်ဝယ်ယူခွင့်ရပ်စဲခြင်း၊ အာမခံငွေ (Deposit) များနိုင်ငံတော်ဘဏ္ဍာအဖြစ်သိမ်းယူခြင်း၊ ဆောင်ရွက်သွားမည်ဖြစ်ပါသည်။ 

(ဇ) ၀ယ်ယူခွင့်ရရှိသည့် ထီစာအုပ်အရေအတွက်အား အတည်ပြုချက်ရရှိပါက သဘာတူကတိစာချုပ်ချုပ်ဆိုခြင်း၊ အာမခံငွေ(Deposit) ပေးသွင်းခြင်းလုပ်ငန်းများကို ဒီဇင်ဘာလ ၁၆ ရက်နောက်ဆုံးထား ၍အပြီးဆောင်ရွက်ရမှာဖြစ်တယ်လို့ ပြည်တွင်းအခွန်များဦးစီးဌာန၊ အောင်ဘာလေ သိန်းဆုဌာနခွဲက ထုတ်ပြန်ထားပါသည်။

 

 

Related News