နို့စားနွားများအတွက် အစာအဖြစ် ထိုင်းနိုင်ငံက ပညာရှင်တွေမြက်ချဉ်ဖတ်လုပ်တဲ့နည်းပညာနဲ့ ပတ်သက်ပြီး ပညာပေးပြောကြားမှုကို အောက်တိုဘာလ (၁၀)ရက်ကမြန်မာနိုင်ငံမွေးမြူရေးလုပ်ငန်းလုပ်ငန်းအဖွဲ့ချုပ်ရုံးခန်းမှာပြုလုပ်ခဲ့ပါတယ်။ နနွားစာအတွက် မြက်ချဉ်ဖတ်လုပ်ပြီးကျွေးတာဟာ မြန်မာနိုင်ငံမှာနည်းပါးနေသေးပြီး မွေးမြူရေးခြံကြီးအချို့မှာသာအခုလို လုပ်ကျွေးနိုင်သေးတယ်လို့သိရပါတယ်။

အရင်ကတော့ သကာရည် ကိုမြက်နဲ့ရောပြီး မြက်ချဉ်ဖတ်လုပ်လေ့ရှိပေမယ့် ယနေ့ခေတ်မှာတော့ နည်းပညာတွေဖွံ့ဖြိုးတိုးတက်လာတာကြောင့် အသင့်ပြုလုပ်ပြီးဖြစ်တဲ့ ဆိုင်းလစ်ရ်ှလို့ခေါ်တဲ့ အဏုဇီဝ ဆေးတစ်မျိုးနဲ့ မြက်ကိုရောပြီး မြက်ချဉ်ဖတ်လုပ်တဲ့ နည်းတွေဟာ ပြည်ပနိုင်ငံတွေမှာအသုံးပြုလာပြီး မြန်မာနိုင်ငံမှာပါအသုံးပြုနိုင်အောင် နည်းပညာဖြန့်ဝေပေးခဲ့တာဖြစ်တယ်လို့သိရပါတယ်။အခုလို မြက်ချဉ်ဖတ်လုပ်ပြီးကျွေးတာဟာ မြက်ပေါတဲ့အချိန်မှာ မြက်ချဉ်ဖတ်လုပ်ပြီးသိုလှောင်ထားရင် အဲ့ဒီထဲမှာပါဝင်တဲ့ အသားဓာတ်နဲ့ အမျှင်ဓာတ်တွေရရှိပြီး နို့အထွက်လည်းတိုးနိုင်တယ်လို့သိရပါတယ်။

အသင့်ပြုလုပ်ထားတဲ့ အဏုဇီဝဆေးတစ်မျိုးနဲ့ မြက်ချဉ်ဖတ်လုပ်ရင် အနည်းဆုံး(၈)လအထိအသုံးခံနိုင်တာကြောင့်တာရှည်ခံပြီး နွေရာသီအစာရှားပါးချိန်မှာ အဆင်ပြေနိုင်မှာဖြစ်တယ်လို့သိရပါတယ်။ဒါ့အပြင်အစာကုန်ကြမ်းတွေဈေးတက်လို့ အစာဈေးကြီးတဲ့ပြဿနာကိုဖြေရှင်းနိုင်ဖို့ကိုမျှော်လင့်တယ်လို့လည်းသိရပါတယ်။ဒီလိုမြက်ချဉ်ဖတ်လုပ်ပြီး အစာအဖြစ်အသုံးပြုမှုပိုမိုတွင်ကျယ်လာဖို့ကို နွားမွေးမြူရေးလုပ်ငန်းရှင်တွေကို ခေါ်ယူပြီးပြသပေးခဲ့တာလို့သိရပါတယ်။မြက်ချဉ်ဖတ်လုပ်ဖို့အတွက်ကိုတော့ ရေပါဝင်နှုန်း (၇၀)ရာခိုင်နှုန်းရှိတဲ့ မြက်ကိုသာ အသုံးပြုရမှာဖြစ်တယ်လို့သိရပါတယ်။   

 

 

Related News