တရုတ်ပြည်သူ့သမ္မတနိုင်ငံမှ တပည့်ရဟန်း၊ သီလရှင်နှင့် လူပုဂ္ဂိုလ်တွေက ဗုဒ္ဓဂယာဆရာတော်ဘဒ္ဒန္တဉာဏိန္ဒထံပိဋကတ်သုံးပုံလှူဒါန်းခြင်းနဲ့ ၀ါကျွတ်ချိန်စုပေါင်းကန်တော့ပွဲကို အောက်တိုဘာလ(၁၁)ရက်က မြန်မာနိုင်ငံဗုဒ္ဓဂယာ ကျောင်းတိုက်မှာ ပြုလုပ်ခဲ့ပါတယ်။ အိန္ဒိယနိုင်ငံ ဗုဒ္ဓဂယာမြန်မာကျောင်းမှာ(၅၆)နှစ်ကြာသာသနာပြုနေတဲ့ ဗုဒ္ဓဂယာဆရာတော်ကို  တရုတ်ပြည်သူ့သမ္မတနိုင်ငံ မိုင်တစ်သောင်းလမ်းလျှောက်ဘုရားဖူးအဖွဲ့မှ တပည့်ရဟန်း၊ သီလရှင်၊ လူပုဂ္ဂိုလ်များက တရုတ်ဘာသာ ပိဋကတ်သုံးပုံကို လာရောက်လှူဒါန်းတာပါ။ ဆရာတော်ကြီးကတော့ လှူဒါန်းရရှိခဲ့တဲ့ပိဋကတ်သုံးပုံဟာ တရုတ်ဘာသာနဲ့ဖြစ်နေတာကြောင့် တရုတ်လူမျိုးတွေအတွက်အသုံးဝင်နိုင် တဲ့နေရာမှာ ပြန်လည်လှူဒါန်းသွားမယ်လို့  မိန့်ကြားပါတယ်။

တရုတ်ပြည်သူ့သမ္မတနိုင်ငံက မိုင်တစ်သောင်းလမ်းလျှောက်ဘုရားဖူးအဖွဲ့မှာ ရဟန်း၊ သီလရှင် (၉၇)ပါး၊ ယောဂီ (၂၉)ယောက် ပါဝင်ပြီး အခုလို တရုတ်ဘာသာ ပိဋကတ်သုံးပုံကိုလာရောက်လှူဒါန်းတာဟာ ဗုဒ္ဓသာသနာတော်ကို ပြန့်ပွားစေလိုတဲ့ ရည်ရွယ်ချက်ကြောင့်လို့ သိရပါတယ်။

တရုတ်ပြည်သူ့သမ္မတနိုင်ငံရဲ့ မိုင်တစ်သောင်းလမ်းလျှောက်ဘုရားဖူးအဖွဲ့အနေနဲ့ တရုတ်ဘာသာပိဋကတ်သုံးပုံကိုလှူဒါန်းတာ ဒုတိယအကြိမ်လှူဒါန်းတာဖြစ်ပြီး ပထမလှူဒါန်းမှုကတော့ ကမ္ဘေားဒီးယားနိုင်ငံမှာ လှူဒါန်းခဲ့တာဖြစ်တယ်လို့ သိရပါတယ်။

 

 

Related News