အမေရိကန်နဲ့တရုတ်နိုင်ငံတို့ကြားဖြစ်ပွားနေတဲ့ကုန်သွယ်ရေးစစ်ပွဲကြောင့် ကမ္ဘာနိုင်ငံတွေပိုဆင်းရဲလာနိုင်ပြီး ပိုအန္တရာယ်ရှိလာနိုင် တယ်လို့ နိုင်ငံတကာငွေကြေးဆိုင်ရာရန်ပုံငွေအဖွဲ့(IMF)ကသတိပေးပါတယ်။ အောက်တိုဘာလ(၉)ရက်က အင်ဒိုနီးရှားနိုင်ငံ၊ ဘာလီကျွန်းမှာ ပြုလုပ်ခဲ့တဲ့ (၂၀၁၈)ခုနှစ်၊ ကမ္ဘာ့စီးပွားရေးမျှော်မှန်းချက်အစီရင်ခံစာထုတ်ပြန်တဲ့အခမ်းအနားမှာ IMFသုတေသန ဌာနရဲ့ညွှန်ကြားရေးမှူး“မော်ရီ အော့ဖ်စ်ဖဲ့လ်တ်”ကပြောခဲ့တာပါ။ (၂၀၁၈)ခုနှစ်နဲ့ (၂၀၁၉)ခုနှစ်တို့မှာ ကမ္ဘာ့စီးပွားရေးတိုးတက်မှု လျော့ကျသွားနိုင်တယ်လို့ IMFကခန့်မှန်းထားပါတယ်။ ကုန်သွယ်ရေးစစ်ပွဲကြောင့် စီးပွားရေးနာလန်ပြန်ထူနိုင်ဖို့ ထိခိုက်ခဲ့တယ် လို့လည်း IMFဘက်ကပြောပါတယ်။ နောက်ထပ်ကုန်သွယ်ရေးအတားအဆီးတွေက အိမ်သုံးပစ္စည်းတွေ၊ စီးပွားရေးလုပ်ငန်းတွေ နဲ့ ပိုကျယ်ပြန့်တဲ့စီးပွားရေးတစ်ခုလုံးကို ထိခိုက်နိုင်ချေရှိတယ်လို့ မောရီကပြောပါတယ်။ ပြီးခဲ့တဲ့စက်တင်ဘာလတုန်းကလည်း အမေရိကန်နဲ့တရုတ်နိုင်ငံတို့က တစ်ဖက်နဲ့တစ်ဖက်အပြန်အလှန်အခွန်တိုးကောက်ခဲ့ပါတယ်။

 

 

Related News