ပြည်တွင်း သုတေသနအဖွဲ့အစည်းများပူးပေါင်းဖွဲ့စည်းထားတဲ့ ဈေးကွက်သုတေသနအသင်း (ရန်ကုန်) ဖွင့်ပွဲ အခမ်းအနားကို ဒီကနေ့ အောက်တိုဘာလ(၁၀)ရက်က ရန်ကုန်မြို့ Chatrium Hotel မှာပြုလုပ်ခဲ့တာဖြစ်ပါတယ်။ ဈေးကွက်သုတေသန အသင်း (ရန်ကုန်)ကို ၂၀၁၈ ခုနှစ် ဇွန်လက စတင်ဖွဲ့စည်းခွင့်ရရှိခဲ့တာဖြစ်ပြီး၊ မြန်မာနိုင်ငံအတွင်းမှာရှိတဲ့ စီးပွားရေးလုပ်ငန်း တွေကို အထောက်အကူပြုနိုင်စေဖို့၊ ဈေးကွက် ရှာဖွေရေးစနစ်ကို ကျယ်ကျယ်ပြန့်ပြန့်သိရှိစေဖို့၊ ဈေးကွက်သုတေသန ကျွမ်းကျင်မှုဆိုင်ရာ ဗဟုသုတများနဲ့ လုပ်ထုံးလုပ်နည်း များကို တိုးမြှင့်ဆောက်ရွက်နိုင်စေဖို့ ရည်ရွယ်ဖွဲ့စည်းခဲ့တာဖြစ်တယ်လို့ သိရပါတယ်။

ဈေးကွက်သုတေသနအသင်း (ရန်ကုန်)ကို ဈေးကွက် သုတေသနရှာဖွေခြင်းနဲ့ ပတ်သက်တဲ့ ပညာရပ်တွေ၊ အတွေ့အကြုံ ဗဟုသုတတွေကို မျှဝေပေးသွားဖို့ အတွက် ပညာပေးရေးကော်မတီ၊ ပြည်တွင်း ပြည်ပ အသင်းဝင်များတိုးပွားရေးအတွက် စည်းရုံးရေးနှင့် ပြန်ကြားရေးကော်မတီ၊ စီးပွားရေးဈေးကွက်တွေမှာ လိုအပ်တဲ့စံညွှန်းများအတွက် စံချိန်စံညွှန်း သတ်မှတ်ရေး ကော်မတီနဲ့ အကြံပေးကော်မတီ ဆိုပြီး ကော်မတီ(၄)ခုနဲ့ ဖွဲ့စည်းထားတာ ဖြစ်တယ်လို့ သိရပါတယ်။မြန်မာနိုင်ငံမှာ ဈေးကွက်သုတေသနရှာဖွေခြင်းဖြစ်တဲ့ Market Research ကို ၁၉၉၃ ခုနှစ်မှာစတင်ခဲ့တာဖြစ်ပြီး၊ ဈေးကွက် သုတေသနရှာဖွေခြင်းအသင်းအဖွဲ့အနေနဲ့ သက်ဆိုင်ရာကဏ္ဍအလိုက် ပူးပေါင်းဖွဲ့စည်းတာကတော့ ပထမဆုံးဖြစ်တယ်လို့ သိရပါတယ်။ 

 

 

Related News