မြန်မာနိုင်ငံရဲ့ပထမဆုံး မြန်မာ့ဆင်ပြခန်းကို အခုလတွင်းမှာ စတင် တည်ဆောက်မယ်လို့ ရန်ကုန်တိရစ္ဆာန် ဥယျာဉ် သဘာဝသမိုင်း ပြတိုက်၊ သစ်တောဦးစီးဌာန ကသိရပါတယ်။
ရန်ကုန်တိရစ္ဆာန်ဥယျာဉ် သဘာဝသမိုင်း ပြတိုက်၊ သစ်တောဦးစီးဌာန၊ သဘာဝ ပတ်ဝန်းကျင်နှင့် သားငှက်တိရစ္ဆာန်ထိန်းသိမ်းရေးဌာန၊ မြန်မာ့ သစ်လုပ်ငန်းနဲ့ ကမ္ဘာလုံးဆိုင်ရာ သဘာဝ ပတ်ဝန်းကျင်ရန်ပုံငွေ အဖွဲ့(WWF)တို့ ကပူးပေါင်းဆောင်ရွက်နေတဲ့ မြန်မာ့ဆင်ပြခန်းကို ရန်ကုန်တိရစ္ဆာန်ဥယျာဉ်မှာရှိတဲ့ သဘာဝသမိုင်းပြတိုက်အတွင်းမှာ တည်ဆောက်သွားဖို့အတွက် သက်ဆိုင်ရာတာဝန်ရှိသူတွေက စီစဉ်နေတာဖြစ်ပါတယ်။

တည်ဆောက်သွားမယ့် ဆင်ပြတိုက်ကို သဘာဝသမိုင်း ပြတိုက်အတွင်းက အကျယ်ဝန်းပေ(၃၀)၊ ပေ(၈၀) အမြင့် (၁၃)ပေရှိတဲ့ အခန်းထဲမှာ အပိုင်း(၄)ပိုင်းနဲ့ ပြသသွားမှာဖြစ်တယ်လို့ သိရပါတယ်။ ပြခန်းမှာ ဆင်ကျောက်ဖြစ်ရုပ်ကြွင်း မျိုးစိတ်များ၊ ဆင်ရိုးစုနဲ့ ဆင်စွယ်များ၊ ဆင်စာအုပ်နဲ့ မှတ်တမ်းများ၊ ဆင်ချပ်ဝတ်တန်ဆာ၊ ခလောက်၊ စတဲ့ ဆင်အသုံးဆောင်ပစ္စည်းများ၊ ဆင်သရေများ၊ ဆင်ထိန်းသိမ်းစောင့်ရှောက်တဲ့ ရုပ်သေမှတ်တမ်း များ၊ ဆင်နှင့် သဘာဝပတ်ဝန်းကျင် အပြန်အလှန်အကျိုးပြုမှု ပန်းချီကားများ ရှေးမြန်မာနန်းတွင်းရဲ့ ဆင်အသုံးပြုပုံများ စတာတွေကို ခင်းကျင်းပြသသွားမှာဖြစ်တယ်လို့ သိရပါတယ်။

ဆင်ပြခန်းကို နောင်တစ်ချိန်မှာ မျိုးတုန်းပျောက်ကွယ်သွားနိုင်တဲ့ မြန်မာ့ဆင်တွေရဲ့ သမိုင်းအကြောင်း၊ အလေ့အထများနဲ့ ဆင်တွေရဲ့ အသုံးဝင်ပုံများ၊ ဆင်တွေရဲ့လက်ရှိမှာတွေ့ကြုံနေရတဲ့ အခက်ခဲတွေကို ပြည်သူတွေ လေ့လာသိရှိနိုင်စေဖို့ အတွက် ရည်ရွယ်ဖွင့်လှစ်မှာဖြစ်တယ်လို့ သိရပါတယ်။မြန်မာ့ဆင့်ပြခန်းကို ၂၀၁၈ ခုနှစ် ဒီဇင်ဘာလတွင်းမှာအပြီးသတ်တည်ဆောက်သွားမှာဖြစ်ပြီး၊ ၂၀၁၉ခုနှစ် ပထမအပတ်ထဲမှာ အများပြည်သူ လာရောက်ကြည့်ရှုလေ့လာနိုင်ဖို့ ဖွင့်လှစ်ပြသသွားမှာဖြစ်တယ်လို့ သိရပါတယ်။ 

 

 

Related News