နှစ်စဉ်အောက်တိုဘာလ(၅)ရက်နေ့မှာ ကျရောက်တဲ့ ကမ္ဘာ့ဆရာများနေ့ကို ကြိုဆိုဂုဏ်ပြုတဲ့အနေနဲ့ ပထမဆုံးအကြိမ် ဆေးတက္ကသိုလ်နှင့်ဆေးနှီးနွှယ်တက္ကသိုလ်များမှ ဆရာ/ဆရာမများကို ဂုဏ်ပြုမှုကို အောက်တိုဘာလ(၆)ရက် က သူနာပြုတက္ကသိုလ်(ရန်ကုန်) အစည်းအဝေးခန်းမမှာ ကျင်းပပြုလုပ်ခဲ့ပါတယ်။ အခမ်းအနားမှာတော့ ကျန်းမာရေးနှင့်အားကစားဝန်ကြီးဌာန လက်အောက်ဆေးတက္ကသိုလ်နှင့် ဆေးနှီးနွှယ်တက္ကသိုလ်တွေမှာ ပညာသင်ကြားမှုပေးနေတဲ့ ဆရာ၊ ဆရာမတွေကို ဂုဏ်ပြုခဲ့ကြတာဖြစ်ပါတယ်။ 

ဂုဏ်ပြုပွဲအခမ်းအနားမှာတော့ Poster Section၊ Forum နဲ့ Student Debate စတာတွေကို ထည့်သွင်းပြုလုပ်ခဲ့တာ ဖြစ်ပါတယ်။ ဒါ့အပြင် "ဆရာအရည်အသွေးသည် သင်ရိုးထက်အရေးကြီးသည်"ဆိုတဲ့ ခေါင်းစဉ်ဖြင့် စကားရည် လုပွဲကိုလည်း ပြုလုပ်ခဲ့ပါတယ်။

အခုပြုလုပ်တဲ့ အခမ်းအနားကိုတော့ ကျန်းမာရေးနှင့်အားကစားဝန်ကြီးဌာနဦးစီးပြီး  မြန်မာနိုင်ငံဆေးပညာရှင်အဖွဲ့၊ ဆေးပညာသင်ကြားရေးဆပ်ကော်မတီနှင့် မြန်မာနိုင်ငံဆရာဝန်အသင်း၊ ဆေးပညာသင်ကြားရေးဆရာများအဖွဲ့တို့က ပူးပေါင်း ကျင်းပတာဖြစ်ပါတယ်။ အခမ်းအနားကို ကျန်းမာရေးနှင့်အားကစားဝန်ကြီးဌာန၊ ပြည်ထောင်စုဝန်ကြီး ဒေါက်တာမြင့်ထွေး၊ မြန်မာနိုင်ငံ ဆေးပညာရှင်အဖွဲ့ ဥက္ကဋ္ဌ ပါမောက္ခဒေါက်တာနေ၀င်း၊ မြန်မာနိုင်ငံဆရာဝန်အသင်း၊ ဆေးပညာသင်ကြားရေးပညာရှင်များနဲ့ အငြိမ်းစားဆရာကြီး၊ ဆရာမကြီးများ၊ ဖိတ်ကြားထားတဲ့ ဧည့်သည့်တော်များနဲ့ တာဝန်ရှိသူများ အသီးသီးတက်ရောက်ခဲ့ကြပါတယ်။

 

Related News