စင်ကာပူအခြေစိုက် Shun  Zhou ကုမ္ပဏီဟာ  မြန်မာနိုင်ငံကိုစတင်ဝင်ရောက်တဲ့အနေနဲ့ သက်ကြီးရွယ်အိုတွေအတွက် လှူဒါန်းမှုတွေပြုလုပ်ခဲ့သလို အသေးစားအလတ်စားလုပ်ငန်းတွေနဲ့ စွန့်ဦးတီထွင်လုပ်ငန်းတွေအတွက် အတွေ့အကြုံမျှဝေတာတွေကို ပြုလုပ်ခဲ့ပါတယ်။

စင်ကာပူရဲ့ထိပ်တန်းကုမ္ပဏီတစ်ခုဖြစ်တဲ့ ရှန်ဇို့ ကုမ္ပဏီအနေနဲ့ ဇွန်လ(၂၃)ရက်နေ့က Pan Pacific hotel မှာ စွန့်ဦးတီထွင်နဲ့ SME လုပ်ငန်းလုပ်ကိုင်သူတွေကိုဖိတ်ခေါ်ပြီး ၄င်းတို့ရဲ့နှစ်ပေါင်း(၃၀)ကျော်အတွေ့အကြုံတွေကိုမျှဝေခဲ့ပါတယ်။

သင်္ဘောတည်ဆောက်ရေးနဲ့ရေနံတူးဖော်ရေးလုပ်ငန်းတွေအတွက် လိုအပ်တဲ့ စက်ပစ္စည်းထောက်ပံ့ရေး လုပ်ငန်းတွေလုပ်ကိုင်တဲ့ ဒီကုမ္ပဏီအနေနဲ့ လက်ရှိမြန်မာနိုင်ငံမှာ တရားဝင်မှတ်ပုံတင်ပြီးလုပ်ငန်းလုပ်ကိုင်မှုမရှိသေးပဲ ပရဟိတနဲ့အတွေ့အကြုံမျှဝေတာတွေကို စတင်လုပ်ဆောင်ပေးနေတယ်လို့သိရပါတယ်။


ဒီအခမ်းအနားမှာတော့ ကုမ္ပဏီရဲ့လည်ပတ်ပုံတွေ၊ထုတ်ကုန်တွေအကြောင်းရှင်းလင်းခဲ့ပါတယ်။Shun  Zhou  ကုမ္ပဏီတာဝန်ရှ်ိသူတွေအနေနဲ့ မြန်မာနိုင်ငံကို လာရောက်လေ့လာတာ သုံးလ၀န်းကျင်ရှိနေပြီဖြစ်ပြီး သက်ကြီးရွယ်အိုတွေအတွက် ၀ှီးချဲလ်နဲ့တုတ်ကောက်လှူတာတွေ၊ ကလေးငယ်တွေ အတွက် ထောက်ပံ့ပေးတာတွေပြုလုပ်ထားပါတယ်။

 

 

 

 

Related News