ရန်ကုန်မြို့ကျောက်တံတားမြို့နယ်အတွင်းရှိ (၃၉)လမ်းနောက်ဖေးလမ်းကြားအလှဆင်ဖို့အတွက်  တိုးချဲ့လုပ်ဆောင်နေတယ်လို့ သိရပါတယ်။ ကျောက်တံတားမြို့နယ် (၃၉)လမ်းနောက်ဖေးလမ်းကြားဥယျာဉ်ကို  (၂၀၁၇)ခုနှစ် ဇွန်လ(၁၇)ရက် ကတည်းက စတင်ဖွင့်လှစ်ခဲ့တာဖြစ်ပြီး လက်ရှိမှာ တစ်နှစ်ကျော်ပြီ ဖြစ်ပါတယ်။

(၃၉)လမ်းနောက် ဖေးလမ်းကြား တစ်ဝက်ကို  အများပြည်သူတွေ အနားယူလို့ ရအောင် အလှဆင်ဖွင့်လှစ်ထား တာဖြစ်ပြီး အခုတိုးချဲ့နေတဲ့နောက်ဖေးလမ်းကြားအပိုင်းမှာ အသက်ရွယ်ကြီးတဲ့ ပြည်သူတွေ အားကစားလုပ်နိုင်တဲ့ အားကစားပစ္စည်းတွေနဲ့ ကျောင်းသားကျောင်းသူ ကလေးတွေ ဆော့ကစားနိုင်တဲ့ ပစ္စည်းတွေအပြင် အနားယူအပန်းဖြေ နိုင်အောင် ဆောင်ရွက်ထား တယ်လို့ကျောက်တံတားမြို့နယ် တိုင်းဒေသကြီးလွှတ်တော်ကိုယ်စားလှယ်ကပြောပါတယ်။

အရင်က (၃၉)လမ်း နောက်ဖေးလမ်းကြားက အမှိုက်တွေနဲ့ပြည့်လျှံနေပြီး ကျောက်တံတားမြို့နယ်က တာဝန်ရှိသူတွေက နောက်ဖေးလမ်းကြားကို အများပြည်သူအနားယူနိုင်တဲ့ ဥယျာဉ်အဖြစ်လုပ်ဆောင်နေတဲ့အတွက် အရင်ကထက်အဆင်ပြေလာတယ်လို့သိရပါတယ်။(၃၉)လမ်းနောက်ဖေးလမ်းကြားဥယျာဉ် တိုးချဲ့မယ့်အပိုင်းကို လက်ရှိမှာ ပန်းချီရေးဆွဲခြင်းနဲ့ အမှိုက်တွေသိမ်းဆည်းတာတွေ လုပ်ဆောင် နေတယ်လို့သိရပါတယ်။

 

 

 

 

Related News