အစားအသောက်နှင့်ဆေးဝါးကွပ်ကဲရေးဦးစီးဌာန(FDA)မှ ထောက်ကြန့် မြို့နယ်အတွင်းမှာရှိတဲ့ ထောက်ကြန့် ရတနာ့ဈေးကို ပထမအကြိမ်အဖြစ် ဇွန်လ(၂၂)ရက် ရှောင်တခင်ဝင်ရောက်စစ်ဆေးခဲ့တာဖြစ်ပါတယ်။ ရန်ကုန်တိုင်းဒေသကြီး ထောက်ကြန့် မြို့နယ်အတွင်းမှာရှိတဲ့ ထောက်ကြန့် ရတနာဈေးအတွင်းမှာတော့ ဈေးဆိုင်ခန်းပေါင်း (၄၉၂)ခန်းနဲ့ ပျံကျဈေးသည်များရောင်းချတဲ့ ဈေးခန်း (၇၂၄)ခန်း စုစုပေါင်း(၁၂၁၅)ခန်း ရောင်းချလျှက် ရှိပါတယ်။

အရင်ကထောက်ကြန့် ရတနာ့ဈေးကို အစားအသောက်နှင့်ဆေးဝါးကွပ်ကဲရေးဦးစီးဌာန(FDA)က လာရောက်စစ်ဆေးခြင်းမရှိပဲ အခု ပထမအကြိမ်အဖြစ်လာရောက်စစ်ခြင်းဖြစ်ပါတယ်။FDA က ဈေးထဲကိုရှောင်တခင်ဝင်ရောက်စစ်ဆေးရာမှာ စားသုံးရန်မသင့်တဲ့အစားအသောက်၊တားမြစ်ဆေးဝါးတွေနဲ့ FDA က တားမြစ်ထားတဲ့ အလှကုန်ပစ္စည်းတွေကို အဓိကစစ်ဆေးခဲ့ပါတယ်။အခုလို FDA က ရှောင်တခင် ၀င်ရောက်စစ်ဆေးပေးတဲ့အတွက် ထောက်ကြန့် ဈေးအတွင်းမှာရောင်းချနေတဲ့ ဈေးသည်တွေနဲ့ လာရောက်ဝယ်ယူကြတဲ့ စားသုံးသူတွေအတွက် ပါ အထောက်အကူဖြစ်စေတယ်လို့ ဈေးသည်တွေက ပြောပါတယ်။

ထောက်ကြန့် ရတနာ့ဈေးကို အပတ်စဉ် ဈေးတာဝန်ခံနဲ့ ဈေးတာဝန်ရှိသူတွေက FDA က တားမြစ်ထားတဲ့ အစားအသောက်တွေမရောင်းချရန်နဲ ခွင့်မပြုတဲ့ဆိုးဆေးတွေ အသုံးမပြုရန်၊ တားမြစ်ဆေးဝါး၊ အလှကုန်တွေ ရောင်းချခြင်းမပြုရန်နဲ့ ပတ်သက်ပြီး အသိပညာပေးတာတွေကိုလုပ်ဆောင်ပေးတယ်လို့လည်းဈေးတာဝန်ခံက ပြောပါတယ်။

ဈေးအတွင်းမှာ ရောင်းချနေတဲ့ စိမ်းစားငပိ၊ ဆီ၊ လက်ဖက်၊မုန့်ဖတ် စတာတွေနဲ့ တားမြစ်ဆေးဝါး၊ အလှကုန်တွေကို FDA က အဓိကစစ်ဆေးခဲ့တာဖြစ်ပြီး ရွှေ့လျားယဉ်နဲ့ တစ်ခါတည်းစစ်ဆေးပြီး ရလဒ်ကို ထုတ်ပြန်ပေးခဲ့တာဖြစ်ပါတယ်။စစ်ဆေးလို့ စားသုံးရန်မသင့်တဲ့ အစားအသောက်တွေ တွေ့ရှိခဲ့ရင် ရောင်းချတဲ့ ဈေးသည်တွေကိုခံဝန်ကတိထိုးခိုင်းမှာဖြစ်တယ်လို့သိရပါတယ်။

အစားအသောက်နှင့်ဆေးဝါးကွပ်ကဲရေးဦးစီးဌာန(FDA) အနေနဲ့နောက်ပိုင်းမှာလည်း မြို့နယ်တိုင်းက ဈေးတွေကို ရှောင်တခင် ၀င်ရောက်စစ်ဆေးသွားဖို့ရှိတယ်လို့သိရပါတယ်။

 

 

 

 

Related News