ရင်ခွင်မဲ့ကလေးငယ်များလျှော့ချရေးနှင့် ကာကွယ်စောင့်ရှောက်ရေး ပြည်နယ်နှင့်တိုင်းဒေသကြီးအသင်းများဖွဲ့စည်းရေး တွေ့ဆုံဆွေးနွေးပွဲကို ဇွန်လ(၂၀)ရက်က မန္တလေးကွန်ဗင်းရှင်းစင်တာမှာပြုလုပ်ခဲ့ပါတယ်။ နိုင်ငံတော်၏အတိုင်ပင်ခံပုဂ္ဂိုလ်ရဲ့လမ်းညွှန်ချက်နဲ့အညီ မြန်မာနိုင်ငံလုံးဆိုင်ရာအမျိုးသမီးကော်မတီက ဦးဆောင်ပြီး ရင်ခွင်မဲ့ကလေးငယ်များလျှော့ချရေးနှင့် ကာကွယ် စောင့်ရှောက်ရေးအသင်းကို (၂၀၁၈)ခုနှစ်မှာ စတင်ဖွဲ့စည်းခဲ့တယ်လို့သိရပါတယ်။

ဒီအသင်းကိုရင်ခွင်မဲ့ကလေးများဖြစ်ခြင်းကိုလျှော့ချဖို့၊ ရင်ခွင်မဲ့ကလေးငယ်များကို ကလေးသူငယ်အခွင့်အရေးဆိုင်ရာဥပဒေပါ အခြေခံအခွင့်အရေးများနဲ့အညီ ကာကွယ်စောင့်ရှောက်မှုပေးဖို့ အတွက် ရည်ရွယ်ပြီး ဖွဲ့စည်းခဲ့တယ်လို့ သိရပါတယ်။ ရင်ခွင်မဲ့ကလေးငယ်များလျှော့ချရေးနှင့် ကာကွယ်စောင့်ရှောက်ရေးအသင်း အနေနဲ့ ရင်ခွင်မဲ့ကလေးငယ်များလျှော့ချဖို့ အသိပညာပေးခြင်း၊ ရင်ခွင်မဲ့ကလေးငယ်များကို စောင့်ရှောက်ခြင်း ၊တစ်ကိုယ်ရည်မိခင်များလျှော့ချရေးနဲ့ ကာကွယ်စောင့်ရှောက်ရေးလုပ်ငန်းများကို ဆောင်ရွက်သွားမှာဖြစ်တယ်လို့ ပြောပါတယ်။ 

တိုင်းဒေသကြီးနှင့် ပြည်နယ်များမှာ ဆင့်ပွားသင်တန်းများ ပြန်လည်ပို့ချခြင်းနဲ့ အသိပညာပေးဟောပြောခြင်းများ ပြုလုပ်နိုင်ဖို့ မွေးကင်းစကလေးငယ်များ စွန့်ပစ်ခြင်းမှ ကာကွယ်တားဆီးရေးနည်းပြသင်တန်းကို   မြန်မာနိုင်ငံလုံးဆိုင်ရာ အမျိုးသမီးကော်မတီက ဖွင့်လှစ်ခဲ့ပြီး တိုင်းဒေသကြီးနှင့် ပြည်နယ်များရှိ တက္ကသိုလ်များမှ နည်းပြဆရာမများနဲ့ လူငယ်ကိုယ်စားလှယ် သင်တန်းသား(၅၀) ဦး တက်ရောက်ခဲ့တယ်လို့ သိရပါတယ်။

နည်းပြသင်တန်းဆင်းသင်တန်းသားများက မျိုးဆက်ပွားအသိပညာပေးခြင်းဆိုင်ရာ ဟောပြောပွဲများကို မကွေးတိုင်းဒေသကြီးနဲ့ ကချင်ပြည်နယ်တို့မှာ ပြန်လည်ပြုလုပ်ပေးခဲ့တယ်လို့ ပြောပါတယ်။ ရင်ခွင်မဲ့ကလေးငယ်များလျှော့ချရေးနှင့် ကာကွယ်စောင့်ရှောက်ရေးလှုပ်ရှားမှုတွေကို မြန်မာနိုင်ငံလုံးဆိုင်ရာအမျိုးသမီးကော်မတီက ဦးဆောင်ပြီး ဆက်စပ်ဝန်ကြီးဌာနများ၊ သက်ဆိုင်ရာ တိုင်းဒေသကြီး/ ပြည်နယ် အစိုးရအဖွဲ့များ၊ အမျိုးသမီးအဖွဲ့အစည်းများ စုပေါင်းပြီး အကောင်အထည်ဖော်ဆောင်ရွက်နေတယ်လို့ သိရပါတယ်။

 

 

 

 

Related News