ကိုရီးယားနိုင်ငံမှကုမ္ပဏီအများအပြားပါဝင်တဲ့ Korea - Expo 2108 ကုန်စည်ပြပွဲကို ရန်ကုန်မြို့ တပ်မတော်ခန်းမမှာ မေလ(၂၄)ရက်မှ (၂၇)ရက်ထိ ကျင်းပပြုလုပ်နေတာ ဖြစ်ပါတယ်။ ကိုရီးယားနိုင်ငံရဲ့World Federation of Overseas Korean Traders Associations မှဦးစီးကျင်းပတဲ့ Korea - Expo 2108 ကုန်စည်ပြပွဲကို အာဆီယံနိုင်ငံများထဲမှ မြန်မာနိုင်ငံဟာ သယံဇာတပေါများကြွယ်ဝတဲ့ နိုင်ငံဖြစ်ရုံသာမက လက်ရှိ ပွင့်လင်းမြင်သာမှုတွေရရှိလာပြီးနောက်မှာ ၆ ရာခိုင်နှုန်း နှင့်အထက် အရှိန်အဟုန်မြှင့် တိုးတက်လာတဲ့ဈေးကွက်ပြီးတစ်ခုဖြစ်ပေါ်လာတာကြောင့် စီးပွားကူးသန်းမှုနှင့် ပူးပေါင်းဆောင်ရွက်မှုကို မြှင့်တင်နိုင်ဖို့  အခုလိုရည်ရွယ်ကျင်းပနေတာ ဖြစ်တယ်လို့ ပြောပါတယ်။

ဒီပြပွဲမှာ ကိုရီးယားနိုင်ငံရဲ့ ကုမ္ပဏီ(၅၀)ကျော်နဲ့  မြန်မာနိုင်ငံမှာရှိတဲ့ ကိုရီးယားနိုင်ငံမှ ကုမ္ပဏီ(၅၀)ကျော်တို့မှ အလှကုန်ပစ္စည်းများ၊ လူသုံးကုန်ပစ္စည်းများနဲ့ အစားအသောက်များကို တိုက်ရိုက်လာရောက် ရောင်းချပေးနေတာဖြစ်ပါတယ်။ Korea - Expo 2108 ကုန်စည်ပြပွဲမှာ ဆိုင်ခန်းပေါင်း(၁၀၀)ကျော်မှ လာရောက် ပြသ နေတာဖြစ်ပြီး၊ ကိုရီးယားနိုင်ငံရဲ့World Federation of Overseas Korean Traders Associations မှ အခုလို လာရောက်ပြသရောင်းချတာကတော့ ပထမဆုံးအကြိမ်ဖြစ်တယ်လို့ သိရပါတယ်။

 

 

Related News